Kreml: \"Rusiyadakı amerikalı diplomat sayı 300-ə qədər azaldıla bilər\"
Moskva-Vaşinqton arasında gərginlik davam edir.
"Ölkə.Az" xəbər verir ki, Rusiyanın xarici işlər nazirliyi ABŞ-dan Rusiyada fəaliyyət göstərən diplomatik kontingentin sayını 300 və ya daha aza endirilməsini istəyə biləcəklərini açıqlayıb. Açıqlamanı nazirliyin Şimali Amerika dairəsinin sədri Georgiy Borisenko verib.
ABŞ və Rusiya arasındakı diplomatik qalmaqaldan sonra iyul ayında rəsmi Moskva Birləşmiş Ştatlardan heyətin 60 faizini azaldaraq 455-ə endirməsini istəmişdi.
Borisenko deyib: "Bu yay aylarında BMT-dəki rus nümayəndəliyində işləyənləri də hesabladıq. Bu yaxşı oldu. Əgər amerikalılar bunu nəzərə almasalar, biz hər zaman amerikalı diplomatların sayını azaltma hüququna sahibik".
Hikmət Həsənov
Ölkə.Az