Kubada təyyarə yerə çırpıldı

"Ölkə.Az" xəbər verir ki, radarlardan itmiş An-26 sərnişin təyyarəsinin qəzaya uğradığı məlum olub. Bu barədə “Ciber Cuba” portalı məlumat yayıb.

Məlumatda bildirilir ki, paytaxt Havanadan Pinar-del-Rio vilayərinə uçan təyyarə havaya qalxdıqdan bir müddət sonra yoxa çıxıb. Bir neçə saat müddətində həmin təyyarə barədə heç bir məlumat əldə olunmayıb. Sonradan adanın qərbində, Pinar-del-Rio vilayətində sərnişin təyyarəsinin uçarkən qəfil düşərək partladığı məlum olub.

Qəza zamanı təyyarənin göyərtəsində olan insanların hamısı ölüb. Qəzaya uğrayan An-26 sərnişin təyyarəsinin  “Aerogaviota” şirkətinə məxsus olduğu bildirilib.

Qeyd edək ki, bir neçə saat əvvəl qəzaya uğrayan təyyarələrin qəfil radardan çıxdığı məlum olub. Yox çıxan təyyarənin göyərtəsində 39 nəfərin olduğu bildirilib.

Ziya Səccad
Ölkə.Az