Kübra Əliyevadan İlhamənin oğlu barədə ŞOK SÖZLƏR

Kübra Əliyevadan İlhamənin oğlu barədə ŞOK SÖZLƏR
14:37
05.06.2018
20878
Mədəniyyət
A
Tanınmış aktrisa, əməkdar artist Kübrabəyim Əliyeva mərhum xalq artisti İlhamə Quliyeva barədə qalmaqala səbəb olacaq fikirlər səsləndirib.

"Ölkə.Az"ın məlumatına görə, aktrisa Quliyevanın onun həbsxanada vəfat etmiş böyük oğlu Rauf Məmmədov barədə xoşagəlməz ifadələr səsləndirdiyini bildirib:

"Aramızda anlaşılmazlıq yarandı. İlhamə də oğlum Raufla bağlı xoşagəlməz sözlər demişdi. Düşündüm ki, bəlkə sosial şəbəkədə ona cavab yazım.

Ancaq sonradan fikrimdən daşındım. Yazacaqdım ki, sənin oğlun kimi insanların çemodanla gətirdikləri mənim oğlumu zərərli vərdişlərə sövq edir. Yenə də mən ətrafa ziyan vurmasın deyə, evdə saxlayırdım. Ancaq onun oğlunu aeroportda saxlamışdılar".

Qeyd edək ki, K.Əliyevanın oğlu Rauf Məmmədov 2015-ci ildə həbsxanada vəfat edib.

Mövzuyla bağlı İ.Quliyevanın oğlu Orxan Nadirovun da mövqeyini öyrənməyə çalışacağıq.

İntiqam VALEHOĞLU
Ölkə.Az

ŞƏRH YAZ
0

Azərbaycanlı musiqiçi Fransada konsert verəcək

Azərbaycanlı musiqiçi Fransada konsert verəcək
01:05
Bu gün
1993
Mədəniyyət
A
Azərbaycanlı musiqiçi Səidə Zülfüqarova Fransada Beynəlxalq Sülh günü münasibətilə "Sülh naminə və zorakılığa qarşı" mövzusunda konsert verəcək.

"Ölkə.Az" "Report"a istinadən verir ki, konsert Karyer-su-Puasi şəhəri meriyasının dəstəyi ilə 21 sentyabrda saat 19-da Alzas İdman Kompeksində keçiriləcək.

Konsertdə Paris Filarmoniyasının orkestr ansamblı, Paris Operasının müğənnisi İrina Kopylova da çıxış edəcəklər. Sülh proqramından ibarət olan tədbirdə azərbaycanlı musiqiçi tarda ifa edəcək.

Konsert YUNESKO-nun sülh üzrə rəssamları, heykəltəraşları və digər sənətkarlarının iştirakı ilə keçiriləcək.

Ölkə.Az

ŞƏRH YAZ
0

Akademik Milli Dram Teatrında “Sinif yoldaşları” tamaşasının premyerası olacaq

Akademik Milli Dram Teatrında “Sinif yoldaşları” tamaşasının premyerası olacaq
20:44
18.09.2018
3159
Mədəniyyət
A
Sentyabrın 23-də Akademik Milli Dram Teatrında Mədəniyyət Nazirliyinin sifarişi ilə hazırlanan “Sinif yoldaşları” tamaşasının premyerası keçiriləcək.

"Ölkә.Az" xәbәr verir ki, teatrın mətbuat xidmətindən Trend-ə verilən məlumata görə, məşhur rus yazıçı-dramaturqu Yuri Polyakovun eyniadlı pyesi əsasında hazırlanan səhnə əsəri melodram janrındadır.

Tamaşanın müəllifi, quruluşçu rejissoru və rəssamı Akademik Milli Dram Teatrının bədii rəhbər-direktoru, Xalq artisti Azər Paşa Nemətov, rejissoru Anar Sadıqov, bəstəkarı xalq artisti Siyavuş Kərimi, rejissor assistenti Ceyran Həsənlidir.

Yeni yaradıcılıq işində teatrın məşhur və sevilən aktyorları - əməkdar artistlər Sənubər İsgəndərli (Svetlana Poqojeva), Şəlalə Şahvələdqızı (Anna Falikova), Rövşən Kərimduxt (Mixail Tyablov), xalq artistləri Ramiz Novruz (Fyodor Stroçkov), Cəfər Namiq Kamal (Boris Lipovetski), Səidə Quliyeva (Yevgeniya Petrovna), əməkdar artist Füzuli Hüseynov (Viktor Çermetov), aktyorlar Mətləb Abdullayev (İvan Kostromitin), İlahə Həsənova (Olqa), Rüstəm Rüstəmov və Vüsal Mustafayev (Mayor), Ziya Ağa (Leytеnant Dmitri), Vüsal Məmmədov (Birinci cangüdən) və Mehman Fətullayev (İkinci cangüdən) çıxış edirlər.

Əsəri Azərbaycan dilinə yazıçı Etimad Başkeçid tərcümə edib.

Tamaşa sinif yoldaşlarının 20 il sonrakı görüşü, yaxud insan mənəviyyatının deqradasiyası haqqındadır. Müharibədən, eyni zamanda həyatın müxtəlif imtahanlarından çıxan sinif yoldaşları müharibə əlili İvanın ad günündə təkcə sosial vəziyyətlərindəki böhranı göstərmir, eyni zamanda mənəvi simalarını hansı şəkildə itirdiklərini də tamaşaçıya nümayiş etdirirlər. “Sinif yoldaşları” tamaşası təkcə ölkəmizin mədəni həyatındakı hadisə deyil, eyni zamanda Rusiya-Azərbaycan teatr əlaqələrində körpü rolunu oynayan növbəti uğurlu addımdır.

Qeyd edək ki, Yuri Polyokov “Əmrə yüz gün qalmış”, “Rayonmiqyaslı fövqəladə vəziyyət”, “Süddə çəpiş” romanları ilə məşhurlaşıb. Əsərləri əsasında iyirmiyə yaxın bədii film çəkilib, pyesləri çoxlu sayda teatr səhnələrində tamaşaya qoyulub.

“Lenin komsomolu”, “N.Qoqol” və “İ.Bunin” adına ədəbiyyat mükafatlarına layiq görülüb. Rusiyanın “Vətən qarşısında xidmətlərinə görə”, “Dostluq” və “Şərəf” ordenləri ilə təltif olunub.

Moskvada nəşr olunan “Literaturnaya qazeta”nın baş redaktoru, Rusiya Dramaturqlar Gildiyasının sədridir.

Ölkә.Az

ŞƏRH YAZ
0
BAĞLA