Kürdəmirdə iki ay əvvəl törədilən quldurluğun üstü açılıb

Kürdəmirdə iki ay əvvəl törədilən quldurluğun üstü açılıb
19:17
11.10.2017
603
Hadisə
A
Bu il avqustun 23-də Kürdəmirdə törədilən cinayətin üstü açılıb.

Daxili İşlər Nazirliyinin mətbuat xidmətindən "Ölkə.Az"a bildirilib ki, həmin gecə saat 03.00 radələrində 2 maskalı şəxsin Yenikənd kəndindəki mənzillərdən birinə girərək ev sahibəsini döydüyü və oradan 5500 manat, 9200 ABŞ dolları və 20000 manat dəyərində qızıl əşyalar aparması məlum olub.  
 
Baş Cinayət Axtarışı İdarəsi və Kürdəmir RPŞ əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə  şübhəli bilinən kənd sakini, əvvəllər məhkum olunmuş Səfail Yunusov saxlanılıb. Baxış zamanı onun yaşadığı evin həyətindəki ağacın altında bankada basdırdığı oğurluq qızıl-zinət əşyaları maddi sübut kimi götürülüb. S. Yunusov cinayəti tamah məqsədi ilə törətdiyini etiraf edib. 
 
İlkin təhqiqat zamanı onun quldurluq hadisəsini həmyerlisi Rahim Mirzəyevlə birgə törətdiyi, oğurladıqları pulları və qızıl-zinət əşyalarını isə aralarında böldükləri müəyyənləşib. Məlum olub ki, R. Mirzəyev əvvəllər oğurluğa, qəsdən sağlamlığa ağır zərərvurmaya görə üç dəfə məhkumluq həyatı yaşayıb. Bu il martın 22-də Kürdəmir rayonunun Yenikənd kənd sakini Namiq Qubatovu qətlə yetirdiyinə görə avqustun 26-da polis əməkdaşları tərəfindən saxlanılıb, cinayətin aləti olan silah isə yaşadığı evin həyətində aşkar edilərək maddi sübut kimi götürülüb.
 
R. Mirzəyev təqsirləndirilən şəxs qismində cəlb edilərək ona Cinayət Məcəlləsinin 120.1-ci (qəsdən adam öldürmə) maddəsi ilə ittiham elan olunub və  məhkəmənin qərarı ilə barəsində həbs qətimkan tədbiri seçilib. R. Mirzəyev həm də quldurluq maddəsi ilə təqsirləndirilən şəxs qismində məsuliyyətə cəlb edilib.
 
Faktla bağlı Kürdəmir RPŞ-də CM-nin 181.3.2-ci (külli miqdarda əmlak əldə etmək məqsədi ilə törədildikdə) maddəsi ilə cinayət işi başlanılıb. S. Yunusov həmin cinayət əməlini törətməkdə təqsirləndirilən şəxs qismində cəlb edilməklə barəsində rayon məhkəməsi tərəfindən həbs qətimkan tədbiri seçilib.

Hazırda cinayət işi üzrə zəruri istintaq-əməliyyat tədbirləri davam etdirilir.

ŞƏRH YAZ
0

"Cənnətdə onunla təkrar qovuşmaq ən böyük arzumdur" — Sevil Nuriyeva + FOTO

16:09
Bu gün
166
Hadisə
A
Jurnalist Sevil Nuriyeva “Facebook” səhifəsində bir neçə gün öncə Türkiyədə qətlə yetirilən həyat yoldaşı Etimad İsmayılov haqqında paylaşım edib.

"Ölkə.Az" xəbər verir ki, o, söz verib ki, həyat yoldaşı oğlunu və onun özünü necə görmək istəyirdisə elə də olacaq.

“Bu dünya mərdləri də, namərdləri də ayırd edən yerdir. Nəhayətdə Divana çıxacağıq. Mənim Etimadım mərd doğuldu, mərd kişi kimi bu aləmi tərk etdi...

Cənnətdə onunla təkrar qovuşmaq ən böyük arzumdur. Bu gün 7-ci gündür ki, bu aləmi tərk etdi. Mən ondan razıyam, dostları, iş gördüyü namuslu insanlar, qohumları ondan razıdır. Ağzı oruclu, qüsullu, ən son gün zəkat verərək dünyadan köçdü. Allah səndən razı olsun, canımın içi. Sən İlyası necə görmək istəyirdinsə, məni necə görmək istəyirdinsə - sənə söz verirəm – hamısı olacaq...

Bu gün dostlarından, dostlarımdan mülk və yasin surəsi oxumasını xahiş edirəm. Məni tək qoymayan, dualar edən, başsağlığı verən, mənim çiynimə çiynini söykəyən həqiqi dostlarımıza təşəkkür edirəm. Allah sizləri qorusun və dərd verməsin.
Bu dünyada nəfəsim bədənimdən çıxan günə qədər Allah üçün, məfkurəm üçün, mübarizəm üçün, Etimadım üçün, İlyasım üçün, dostlarım üçün yaxşı olmağa, mərd olmağa, mərhəmətli olmağa davam edəcəyəm. Acım dərindir və heç vaxt azalmayacaq.

Amma cənnətdə qovuşanadək dua edəcəyəm, Etimad. Səninlə fəxr etdim hər zaman... Səninlə birlikdə keçirilən hər an bir ömür qədər qiymətlidir, əzizdir, əzizim. Arxanda qoyduğun mərd adam adı üçün sağ ol, canım.
İlyasa qoyduğun ən qiymətli miras budur. Məni gözlə, əzizim, vaxt tamam olanda Allah cənnətində qovuşduracaq, inşallah.

Qeyd: Sənə alçaqcasına, qorxaqcasına, şərəfsizcəsinə hücum edən murdar isə hər iki dünyada bimar olacaq. Allahın ədalətinə sonsuz şükürlər olsun. Və Türkiyə dövlətinin ədaləti hər şeyi, şübhəsiz, ortaya çıxaracaq. Qanımızı axıdan bişərəfin, namussuzun cəzasını ilahi ədalətə və Türkiyə dövlətinin ədalətinə buraxıram”, - deyə Nuriyeva yazıb.

Ölkə.Az

ŞƏRH YAZ
0

Məktəblərin həyətində şagirdlərə qarşı əxlaqsızlıq edirdi... — Bu gün həbs edilib

Məktəblərin həyətində şagirdlərə qarşı əxlaqsızlıq edirdi...
15:29
Bu gün
591
Hadisə
A
Bakıda məktəblərin həyətində şagirdlərə qarşı əxlaqsız hərəkət edən şəxs tutulub.

"Ölkə.Az" xəbər verir ki, hadisə 211 nömrəli tam orta məktəbin ərazisində qeydə alınıb.

Belə ki, sentyabrın 25-i saat 08:00 radələrində "Məktəblinin dostu” layihəsinin fəaliyyət göstərdiyi 211 nömrəli tam orta məktəbin şagirdləri onlara qarşı əxlaqsız hərəkət və təkliflər edən orta yaşlı kişi barəsində məktəblinin dostlarına xəbər veriblər.

Həmin şəxsin video görüntüləri məktəbin təhlükəsizlik kameralarında da qeydə alınıb. Daha sonra eyni şəxs saat 9:30 radələrində 9 nömrəli tam orta məktəbin həyətində görünüb.

"Məktəblinin dostu” layihəsinin əməkdaşları dərhal məktəb ərazisində olan şəxs barəsində polisə məlumat verib. Əraziyə gələn polis əməkdaşları sözügedən şəxsi saxlayaraq polis bölməsinə aparıblar. Eyni zamanda, məktəblinin dostları foto və video görüntüləri polis əməkdaşlarına təqdim ediblər.

Qeyd olunan ərazidə narahatlıq yaradan şəxsin müəyyən edilməsinə görə valideynlər və şagirdlər məktəblinin dostlarına təşəkkürlərini bildiriblər.

Faktla bağlı Nəsimi Rayon Polis İdarəsinin 19-cu Polis Bölməsində araşdırma aparılır.

Ölkə.Az

ŞƏRH YAZ
0
BAĞLA