“Kürdlər və katalonlar hiyləgər gediş etdilər”
“Ölkə.Az” xəbər verir ki, bu barədə politoloq Elxan Şahinoğlu bildirib. Onun sözlərinə görə, hər iki xalq müstəqil olacağı halda çıxılmaz vəziyyətə düşəcəkdilər.
“Həm İraqdakı kürdlərin, həm də İspaniyadakı katalonların müstəqillikləri onlara baha başa gələcəkdi. Biri Avrasiya bölgəsində, digəri Arvopada dərin böhran yaradacaqdı. Separatçılar indiki şəraitdə risqə getmədilər”, - deyə E.Şahinoğlu vurğulayıb.
Siyasətçi deyib ki, bu qərardan Bağdad və Madrid sakitləşməyəcək: “Şimali İraq və Kataloniyadakı referendumlar iki dövlətin ərazi bütövlükləri üzərində “demokl qılıncı” kimi qalacaq. Əllərində referendumun nəticəsi olan separatçılar münasib vaxt gözləyəcəklər. Elə məhz bu səbəbə görə Azərbaycan heç bir halda Dağlıq Qarabağda ermənilərə referendum keçirməyə imkan verə bilməz”.
Ziya Səccad
Ölkə.Az
