“Kvartal-95” studiyası Bakıda konsert verəcək — VİDEO

“Kvartal-95” studiyası Bakıda konsert verəcək
15:37
12.09.2019
10554
Mədəniyyət
A
Oktyabrın 24-də Bakıda Heydər Əliyev adına Sarayda Ukraynanın məşhur “Kvartal-95” studiyasının konsert proqramı keçiriləcək.

"Ölkə.Az" xəbər verir ki, konsertin təşkilatçısı “Global Media Group”dur.

“Kvartal-95” Avropanın əyləncəli tədbirlər keçirən ən böyük şirkətlərindən biridir. Yaxşı yumor və həyata pozitiv baxış, kəskin siyasi satira və aktuallıq, ümumbəşəri və ailə dəyərlərinin ahəngi studiyanın dəst-xətti sayılır.

“Kvartal-95” şirkəti 2003-cü ildə yaranıb. Şirkətin banisi və bədii rəhbəri Ukraynanın hazırkı Prezidenti Vladimir Zelenskidir.

“Kvartal-95”in aktyorları Ukrayna kinosu, TV və şou-biznesinin ulduzları, çoxmilyonlu auditoriyanın sevimliləridir. Şirkətdə kino və televiziya sahəsində böyük təcrübəsi olan ən yaxşı müəlliflər, ssenaristlər, rejissor və prodüserlər çalışır.

ŞƏRH YAZ
0

Rəfael Dadaşov xəstəxanaya yerləşdirilib

Rəfael Dadaşov xəstəxanaya yerləşdirilib
21:48
27.01.2020
721
Mədəniyyət
A
Xalq artisti Rəfael Dadaşov yenidən xəstəxanaya yerləşdirilib.

"Ölkə.Az" oxu.az-a istinadən bildirir ki, bu barədə sənətkarı özü Xəzər TV-də yayımlanan “5/5” axşam şousunun canlı efirinə telefon vasitəsilə qoşularkən deyib. Proqramda ad gününü qeyd edən məşhur teleaparıcı Hacı Nuranı təbrik edən R.Dadaşov səhhətində yenidən problemlərin yarandığı və təcili şəkildə xəstəxanaya yerləşdiyini dilə gətirib.

H.Nuran isə sənətkarın hazırkı vəziyyətini bu cür şərh edib:

“Bizim çox sevdiyimiz və hörmət etdiyimiz Rəfael müəllimin səhhətində yenidən problemlər yarandığı üçün onu təcili şəkildə xəstəxanaya apardıq. Hazırda peşəkar həkimlərin nəzarəti altında müalicə alır. Bu, Xalq artisti üçün çətin mərhələdir. Allahdan Rəfael müəllimə şəfa arzu edirəm. O, çox böyük sənətkardır”.

Daha sonra ifası ilə proqrama qatılan Rəfael Dadaşovun müğənni qızı Səidə Dadaşova Hacı Nuranı təbrik edərək, atasının səhhətindən söz açıb:

“Atam çox istəyirdi gəlib, Hacı Nuranı təbrik etsin. Amma səhhəti buna imkan vermədi. Rəfael müəllimdə oksigen çatışmazlığı var. Mənim üçün o qədər ağırdır ki, bunları dilə gətirmək. Ürəyim ağrıyır. Amma indi vəziyyəti normaldır. Çoxları düşünür ki, bu xəstəlik atamın artıq çəkili olduğu səbəbindən yaranıb. Amma bu, əsla belə deyil. Sadəcə atam heç vaxt sağlamlığına önəm verməyib. O zamanını daha çox bizə, ailəsinə ayırıb, səhhəti ilə heç vaxt maraqlanmayıb”.

Qeyd edək ki, Xalq artisti Rəfael Dadaşov dekabrın 2-də axşam saatlarında Mərkəzi Neftçilər Xəstəxanasına ürəyin işemik xəstəliyi, infarktdan sonrakı kardioskleroz və ağciyərlərin xroniki abstruktiv xəstəliyi diaqnozu ilə yerləşdirilib. Azərbaycanın Birinci vitse-prezidenti Mehriban Əliyeva Xalq artisti Rəfael Dadaşovun müalicə xərclərini öz üzərinə götürüb.

ŞƏRH YAZ
0

Zaur Rzayevin ayağı sındı

Zaur Rzayevin ayağı sındı
16:57
27.01.2020
934
Mədəniyyət
A
Xalq artisti Zaur Rzayevin ayağı sınıb.

“Ölkə.Az” xəbər verir ki, bunu aparıcı, prodüser Tarix Əliyev deyib. O,  Xalq artistinin bu gün “Hər şey daxil” verilişində iştirak etməli  olduğunu,  lakin xəsarət aldığına görə, proqrama gələ bilmədiyini vurğulayıb.

Ölkə.Az

ŞƏRH YAZ
0
BAĞLA