Laçınsız 26 il...

Laçınsız 26 il...
09:28
17.05.2018
3376
Siyasət
A
Bu il mayın 17-də Azərbaycanın strateji cəhətdən mühüm əhəmiyyət kəsb edən Laçın rayonunun işğalından 26 il keçir.

“Ölkə.Az” ermənilər tərəfindən işğal edilən Laçın rayonu haqqında qısa məlumat verir.

1992-ci il may ayının 17-18-də erməni işğalçıları rayonun yüzlərlə mədəni-məişət obyektini, onlarla qəsəbə, kənd və tarixi abidələrini dağıdaraq talan etmişdir. İşğal nəticəsində 63 min 341 Azərbaycan vətəndaşı öz yurdundan didərgin düşmüş, 300-dən artıq hərbi və mülki şəxs həlak olmuş və itkin düşmüşdür. Rayonda 8950 bina, o cümlədən 7 sənaye və tikinti müəssisəsi, 471 xidmət idarəsi, 154 məktəb, yüzlərlə tarix-mədəniyyət abidəsi işğal altında qalmışdır.Şuşa şəhərinin Turşsu deyilən ərazisindən və Ermənistan istiqamətindən hücuma keçən düşmən mayın 18-də Laçını işğal etmişdir. Əhəmiyyətli geostrateji mövqeyə malik olan Laçının işğalı Azərbaycan iqtisadiyyatına ciddi ziyan vurmuşdur. Təbii sərvətlərlə zəngin olan Laçın rayonunda Turşsu, Qaladərəsi, Ağanus, Xırmanlar, Tiqiq, Turştiqiq, Nurəddin, Nağdalı, Hacıxanlı kimi müalicəvi əhəmiyyətli bulaqlar mövcud olmuşdur. Ekologiya və Təbii Sərvətlər Nazirliyinin rayonun işğalı ilə bağlı yaydığı məlumatda bildirilmişdir ki, Laçın rayonu ərazisində ümumi ehtiyatları 1124 ton olan 3 civə (Narzanlı, Çilgəzçay, Sarıbulaq), ehtiyatları 4457 min ton olan və əhəng istehsalına yararlı Laçın əhəngdaşı, ehtiyatları 2533 min kubmetr olan və istismara cəlb edilən üzlük daşı istehsalına yararlı Qoçaz mərmərləşmiş əhəngdaşı, mişar daşı istehsalına yararlı 2 tuf (Ağoğlan, Əhmədli), 2 əlvan bəzək daşı, vulkan külü və digər təbii sərvətləri var. Laçın rayonundakı Qaragöl Dövlət Təbiət Qoruğu və Dövlət Təbiət Yasaqlığı da hal-hazırda işğal altındadır. Ümumi sahəsi 240 hektar olan qoruqda 68 növdən və 27 ailədən ibarət bitki örtüyü var. 1961-ci ilin noyabr ayında heyvan və quşları qoruyub saxlamaq və artırmaq məqsədilə yaradılan Dövlət Təbiət Yasaqlığının ərazisində cüyür, qaya keçisi, çöl donuzu, ayı, turac, kəklik, qaratoyuq kimi nadir fauna növləri məskunlaşmışdır. 1989-cu ildə yasaqlıqda aparılan yoxlama zamanı dağ-keçisi (bezoar keçisi) 96, qaban 360, cüyür 320, ayı 110 baş, eləcə də çoxlu sayda canavar, porsuq, dələ, qırqovul, kəklik qeydə alınmışdır.İşğalçı dövlət beynəlxalq hüquq normalarına, zəbt olunan Azərbaycan torpaqlarından Ermənistan qoşunlarının qeyd-şərtsiz çıxarılmasına dair BMT-nin qətnamələrinə məhəl qoymayaraq hazırda Laçında qanunsuz məskunlaşma aparır. Bu gün hər bir azərbaycanlı Qarabağın işğal altından qurtulacağı günü gözləyir. Qarabağa böyük qayıdışın olacağına hamımız inanırıq!

Hikmət Həsənov
Ölkə.Az

ŞƏRH YAZ
0

Ermənistanda xadimələrin etirazı — VİDEO

Ermənistanda xadimələrin etirazı
15:37
Bu gün
28
Siyasət
A
Ermənistan parlamentində çalışan xadimələr maaşlarının artırılması tələbi ilə parlament binasında etiraz aksiyası keçirib.

“Ölkə.Az” xəbər verir ki,  Ermənistan parlamentinin vitse-spikeri Vaqe Enfiacyan aksiya iştirakçıları ilə görüşüb. Aksiyaçıların tələblərini və şərtlərini dinləyən vitse-spiker məsələni parlamentdə qaldıracağıan söz verib:

“Mən söz verirəm ki, bu məsələni bir daha parlamentin aparat  rəhbəri və ya spikeri qarşısında qaldıracağam”.

Aksiyanın keçirilməsinə səbəb isə parlamentin təmzilik işlərinin  “Kliners” şirkətinə həvalə edilməsindən sorna orada çalışan xadimələrin maaşlarının iki dəfə azaldılması olub.

 

Mürtəza
Ölkə.az

ŞƏRH YAZ
0

“Ermənilər güc görüb, acizliklərini dərk edərək geri çəkiləcəklər” — Millət vəkili

“Ermənilər güc görüb, acizliklərini dərk edərək geri çəkiləcəklər”
12:48
Bu gün
200
Siyasət
A
“Ermənistanla aparılan danışıqlar o zaman müsbət nəticə verəcək ki, onlar Azərbaycanın hərbi gücü qarşısında məhvolma təhlükəsini hiss edəcəklər. Bax o zaman Ermənistan yola gəlib işğal siyasətindən əl çəkər və danışıqlar prosesi konstruktiv məcrada gedər. Mən danışıqlar prosesində müsbət nəticənin əldə olunmasının bundan başqa alternativini görmürəm”.

Bunu “Ölkə.Az”a açıqlamasında millət vəkili Elman Məmmədov martın 29-da Vyanada   Azərbaycanla Ermənistan liderləri arasında gözlənilən görüşü şərh edərkən deyib.

Onun sözlərinə görə, Ermənistanda hakimiyyətdə kimin və ya hansı qüvvənin olmasından asılı olmayaraq, bu dövlətlə xoşməramlı görüşlərin keçirilməsinin heç bir mənası olmayacaq:

“Ermənistanın beynəlxalq hüquqa əməl edib, BMT TŞ-nin məlum 4 qətnaməsini  icra edib, işğal etdikləri Azərbaycan torpaqlarından çıxacağına inam yoxdur. Onları buna məcbur etmək lazımdır. Ermənilər güc görüb, acizliklərini dərk etmədən geri çəkilməyəcəklər. Ermənilər məhvolma təhlükəsini görmədən  danışıqlar  prosesində konstruktiv mövqe nümayiş etdirməyəcək.Biz onları buna vadar etməliyik və bu baxımdan da ordu sözünü deməlidir.
Əks təqdirdə ermənilər “Böyük Ermənistan” yaratmaq xülyasının təsiri altında ərazilərini genişləndirmək üçün işğal etdikləri Azərbaycan torpaqlarından geri çəkilməyəcək. Onlar bacardıqca mövcud  status-kvonu saxlayıb, uzatmağa çalışacaqlar”.

Deputat  hesab edir ki, Azərbaycan Ermənistanı buna vadar etmək üçün ən  azından erməni cəmiyyəti üzərində hərbi-psixoloji təzyiqini artırmalı, erməni cəmiyyətini təşviş, qorxu içində yaşatma siyasətini davam etdirməlidir:

 “Bu siyasət bəhrəsini verir. Məhz bu siyasətin nəticəsidir ki, erməni əsgər anaları və valideynləri son dövrlərdə açıqa formada öz övladlarının Azərbaycan torpaqlarında hərbi xidmətə göndərilməsinə qarşı çıxırlar. Hətta  hərbi xidmətə çağrılan erməni gənclər də Azərbaycan torpaqlarında xidmət etməkdən boyun qaçırırlar və buna etiraz edirlər. Hələlik bu etiraz dalğası  nəticə vermir, ancaq  bu siyasət davam edərsə nəticəsi olacaq. Azərbaycan bu siyasətini daha da  gücləndirməli və gündə erməni ailələri ən azından 3-4 erməni əsgər tabutu almalıdır. Erməni cəmiyyəti qorxu və təşviş içində yaşamalı, öz hakimiyyətinə etiraz etməlidir.  Qoy Azərbaycan torpaqarında xidmət edən erməni hərbçinin valideyni narahatçılıq içində yaşasın ki, günün  birinda oğlunun tabutunu alcaq. Bax bu qorxu, vahimə, təşviş  İrəvanı danışıqlar prosesində effektiv nəticəni əldə etməyə yardım edə bilər. Ona görə də biz bu prosesi gücləndirməliyik və bu məqsədlə hərbi gücümüzdən  daha aktiv formada istifadə etməliyik.

Digər məqam isə son günlərdə erməni hərbi birləşmələlərindəki özbaşınalıqlara, qanunsuzluqlara etiraz dalğası güclənməkdədir. Artıq hərbi hissələrdə sıravi hərbçilər qiyamlar qaldırmaqdadır. Biz hərbi-psixoloji gücümüzü artırmaqla bu prosesləri daha da gücləndirə bilərik. Bunlar nəticədə Ermənistan rəhbərliyinə  işğlaçı siyasətindən geri çəkilməyə vadar edə bilən amillərdəndir və biz bu faktorlardan yararlanmalıyıq.Belə olarsa danışıqlar effektli olacaq”.

 Mürtəza
Ölkə.Az

ŞƏRH YAZ
0
BAĞLA