Lalə Dadaşova: "Musiqini siyasətə qatmaq doğru deyil"

Lalə Dadaşova:
11:48
13.07.2017
22
Maqazin
A
Müğənni Lalə Dadaşova xalq artisti, bacısı Brilliant Dadaşovanın "Instagram"da erməni qarmon ifaçısı Varujan Şahbazyanı tərifləməyini pisləyənlərə cavab verib.

"Ölkə.Az"-a açıqlama verən L.Dadaşova bildirib ki, bu, Brilliantın düşmənlərinin işidir:

"Əvvəla "təriflər yağdırmaq" sözü jurnalistlərin hər zamanki kimi hər şeyi şişirtmələridir. Bu söhbəti dünən eşitdim və təəccüblənmədim. Çünki Brilliantın düşmənləri çoxdur və onlar yatmır. Hər fürsətdə onu vurmağa çalışırlar. Buna heç vaxt təəccüb etməmişəm. O, əlçatmaz zirvədir. Ha daş atırlar, çatmır".

Lalə Dadaşova bildirib ki, bir neçə gün öncə Füzulinin Alxanlı kəndində ermənilər tərəfindən öldürülən 18 aylıq Zəhra üçün o da ağlayıb:

"Qaldı ki, Balaca Zəhraya, onun üçün hamımız ağlamışıq. Xocalıda həlak olan balalarımızı da unutmayaq. Brilliantı qınayanlar Mübariz kimi (Milli Qəhrəman Mübariz İbrahimovu nəzərdə tutur-red.) əllərinə "Kalaşnikov" alıb Zəhranın qanını yerdə qoymasınlar. Onda onlara kişi deyərəm. Musiqini siyasətə qatmaq doğru deyil. Dəqiq bilinmir ki, bunu edən Brilliantdır, ya yox. Çünki hələ danışmamışam. Təxribat da ola bilər. Bütün dünyada sənətə və sənətkara qiymət verilir, təkcə bizdən başqa".

Qeyd edək ki, xalq artisti Brilliant Dadaşovanın erməni qarmon ifaçısı Varujan Şahbazyanın ifasını bəyənməyi barədə sosial şəbəkədə yazdığı şərh birmənalı qarşılanmayıb.

İntiqam VALEHOĞLU
Ölkə.Az

ŞƏRH YAZ
0

Namiq Qaraçuxurlu ayağını sındırdı

Namiq Qaraçuxurlu ayağını sındırdı
21:13
16.12.2017
3641
Maqazin
A

Ölkə.Az Milli.Az-a istinadən xəbər verir ki, tanınmış meyxanaçı Namiq Qaraçuxurlu yıxılaraq ayağını sındırıb. Meyxanaçının ayağı 3 yerdən sınıb.

Namiq Qaraçuxurlu hal-hazırda xəstəxanalardan birindədir. Meyxanaçını bu vəziyyətində sənət yoldaşları da tək qoymayıb. Belə ki, Sevil-Sevinc bacıları, Əhməd Mustafayev, Manaf Ağayev, Aysun İsmayılova və teleaparıcı Afaq Gəncəli onun ziyarətinə yollanıblar.

Qeyd edək ki, müğənni dünən toydan evə gələrkən maşından düşmək istəyəndə ayağı bardyura dəyib.

ŞƏRH YAZ
0

İraq gözəli bu fotodan sonra ölkədən qaçdı

İraq gözəli bu fotodan sonra ölkədən qaçdı
11:10
16.12.2017
5911
Maqazin
A
Ötən ay Las Veqas şəhərində keçirilən gözəllik müsabiqəsində İraq gözəli Sara İdan ilə İsrail gözəli Adar Qandelsmanın çəkdirdiyi foto qalmaqala səbəb olub.

"Ölkə.Az" xəbər verir ki, iraqlı gözəl sülh naminə çəkdirdiyi fotoya görə ölümlə hədələndiyini bildirib. Bu səbəbdən Sara ailəsi ilə ölkədən qaçmaq məcburiyyətində qalıb.

Noyabr ayında keçirilən tədbirdən sonra iki gözəl dostluq münasibəti qurub. Bu səbəbdən də sülh naminə birlikdə foto çəkdirib. Amma bu foto İraqda qalmaqala səbəb olub. İdan və ailəsi təhdidə məruz qalıb. Bu səbəbdən ölkəni tərk etmək məcburiyyətində qalıb.

İdanın başına gələnləri isə Qandelsman dünyaya çatdırıb. Yəhudi gözəl İsrail mətbuatına açıqlama verib: "Bu fotodan sonra İdanın ailəsi ölüm qorxusu ilə ölkədən qaçmağa məcbur edildi. İnsanlar onları öldürmək istəyirdilər və foto silinməsə, tacını geri alacağını bildirirdilər. Ailə hadisələr sakitləşənə qədər ölkədən qaçıb".

Hikmət Həsənov
Ölkə.Az

ŞƏRH YAZ
1
BAĞLA