“Lamborghini”dən yeni “Huracan Evo” modeli — FOTOLAR

“Lamborghini”dən yeni “Huracan Evo” modeli
18:57
12.01.2019
3725
Dünya
A
“Lamborghini” şirkəti “Huracan” idman avtomobilinin yeni modelini təqdim edib.

“Ölkə.Az” xəbər verir ki, “Huracan Evo” modelinin ön bamperi və arxa diffuzoru yenilənib, səsboğuculara “əl gəzdirilib”. Bundan başqa yeni model 20 düymlük disk və “Pirelli P Zero” şinləri ilə təchiz edilib. Aerodinamik göstəricilər isə “Huracan” modeli ilə müqayisədə beş dəfə daha effektivdir.

“Huracan Evo”nun mühərriki “Performante”dəndir. V obrazlı, 10 silindirli, 5.2 litr həcmli titan klapanlı mühərrik 640 at gücü hasil edir. Yeni modelin çəkisi 1422 kq-dır.

Tam ötürücülü sueprkar 100 km/saat sürəti cəmi 2.9 saniyəyə əldə edir. İtalyan maşını 200 km/saat sürəti isə cəmi 9 saniyəyə yığır. 100 km/saat sürətlə hərəkət edən avtomobilin əyləc məsafəsi cəmi 31.9 metrdir. Maksimal sürət isə 325 km/saatdır.

Hikmət Həsənov
Ölkə.Az

ŞƏRH YAZ
0

Alimlər Venerada bakteriya axtaracaqlar

Alimlər Venerada bakteriya axtaracaqlar
10:58
Bu gün
248
Dünya
A
Rusiya-ABŞ dövlətlərinin Veneraya birlikdə hazırladığı missiyaya aerostat əlavə ediləcək.

 “Ölkə.Az” xəbər verir ki, aerostat mikroskopla təchiz edilib və məqsəd Venerada həyatın izlərini axtarmaq olacaq. Bu barədə “Venera-D” layihəsi üzrə elmi qrupun rəhbəri Lyudmila Zasova məlumat verib.

Onun sözlərinə əsasən, aerostat hava nümunələrində zülal birləşmələrini axtaracaq. Alimin sözlərinə əsasən, Veneranın bulud qatında bəsit bakteriyaların olma ehtimalı istisna edilmir. Planetin bulud qatının aşağı təbəqəsində tempratur və təzyiq Yer səthindəki şərtlərdən elə də fərqlənmir. Veneranın bulud qatı 50-70 km hündürlükdə yerləşir və tərkinin 15-25 faizi sudan ibarətdir.

Zasova bildirib ki, Veneranın səthində planetin yaranmasından sonrakı ilk 2 milyard il ərzində hansısa bəsit canlı həyat ola bilərdi. Çünki bu dövrdə Günəş daha az işıq saçırdı və Venera Günəşlə elə məsafədə yerləşirdi ki, planetdə maye suyun olması mümkün idi. Sonra isə planet suyu itirdi və Veneranın səthi yaşanılmaz dərəcədə isindi. Bundan sonra canlı həyat buludlarda qala bilərdi.

Hikmət Həsənov
Ölkə.Az

ŞƏRH YAZ
0

Gürcüstan parlamentində dava — VİDEO

Gürcüstan parlamentində dava
23:11
18.03.2019
984
Dünya
A
Gürcüstan parlamentində deputatların mübahisəsi əlbəyaxa dava ilə bitib.

“Ölkə.Az”ın “Sputnik-Gürcüstan”a istinadən məlumatına görə, hakim partiyanın nümayəndəsi İrakli Beraya və müxalifətçi Otar Kaxidze arasında mübahisə yaranıb. Daha sonra mübahisə deputatlar arasında dava ilə nəticələnib.

Parlamentin digər deputatları isə dava edən siyasətçiləri ayırmağa çalışıblar.

Ölkə.Az

ŞƏRH YAZ
0
BAĞLA