Lapşin Azərbaycanı tərk etdi

Lapşin Azərbaycanı tərk etdi
09:12
14.09.2017
176
Siyasət
A
Bloqqer Aleksandr Lapşin Azərbaycanı tərk edib.

"Ölkə.Az"ın APA-ya istinadən məlumatına görə, o, bir qədər əvvəl Heydər Əliyev Beynəlxalq hava limanından Bakı-Tel Əviv reysi ilə İsrailə yollanıb. A. Lapşini anası Bella Lapşina müşayiət edib.
 
Qeyd edək ki, Azərbaycan prezidenti İlham Əliyev senyabrın 11-də Aleksandr Lapşinin əfv edilməsi haqqında sərəncam imzalayıb. Sərəncama əsasən, Bakı Ağır Cinayətlər Məhkəməsinin 2017-ci il 20 iyul tarixli hökmü ilə azadlıqdan məhrum etmə cəzasına məhkum edilmiş İsrail vətəndaşı Lapşin Aleksandr Valeryeviç cəza çəkməkdən azad edilib.  Onu da əlavə edək ki, A. Lapşin sentyabrın 10-da cəzaçəkmə müəssisəsində intihara cəhd edib.
 
Ayrı-ayrı dövlətlərin vətəndaşlığını daşıyan A. Lapşin Azərbaycanın dövlət sərhədini qanunsuz olaraq keçmə, ərazi bütövlüyünü parçalamağa yönələn açıq çağırışlar etmə əməllərinə görə Azərbaycan Baş Prokurorluğunun Ağır Cinayətlərə Dair İşlər üzrə İstintaq İdarəsində istintaqı aparılan cinayət işi əsasında təqsirləndirilən şəxs qismində cəlb edilərək beynəlxalq və dövlətlərarası axtarışa verilməsi ilə əlaqədar 2016-cı il dekabrın 15-də Belarus Respublikasının hüquq-mühafizə orqanları tərəfindən Minskdə saxlanılıb. O, 2017-ci il fevralın 7-də Azərbaycan Respublikasına ekstradisiya edilib.
 
A. Lapşin Cinayət Məcəlləsinin 281.2-ci (dövlətə qarşı açıq çağırışlar) və 318.2-ci (sərhədi qanunsuz keçmək) maddələri üzrə ittiham olunub. Bakı Ağır Cinayətlər Məhkəməsi Cinayət Məcəlləsinin 281.2-ci (Hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma - Eyni əməllər təkrar və ya bir qrup şəxs tərəfindən törədildikdə) maddəsi üzrə irəli sürülən ittihama xitam verib, bu maddə üzrə ittihamın təsdiqini tapmaması qənaətinə gəlib. A. Lapşin Cinayət Məcəlləsinin 318.2-ci (sərhədi qanunsuz keçmək) maddəsi ilə təqsirli bilinərək Bakı Ağır Cinayətlər Məhkəməsinin 20 iyul tarixli hökmü ilə cəzasını ümumi rejimli cəzaçəkmə müəssisəsində çəkməklə 3 il müddətinə azadlıqdan məhrum edilib.

ŞƏRH YAZ
0

Qüdrət Həsənquliyev: “Ən namussuz adam da xalqına qarşı belə hərəkətə qol qoymaz"

Qüdrət Həsənquliyev: “Ən namussuz adam da xalqına qarşı belə hərəkətə qol qoymaz
00:12
Bu gün
3039
Siyasət
A
"Görünür, rusların əlində elə məlumatlar var ki, bu adamlar şərəfini itirmiş mili satqınlar kimi tarixdə və xalqımızın yaddaşında qalmağı, o dünyaya (cəhənnəmə) xalqın lənətləri ilə getməyi üstün tuturlar, nəinki o məlumatların açılmasını".

"Ölkə.Az" xəbər verir ki, bunu BAXCP sədri, millət vəkili Qüdrət Həsənquliyev Moderator.az-ın suallarını cavablandırarkən deyib.

BAXCP sədri bildirib ki, 2013-cü ildə R.İbrahimbəyov Moskvadan prezident seçkilərinə göndəriləndə əksəriyyət onun KQB agenti olduğunu başa düşmüşdü:

"Bu gün susan Milli Şura rəhbərliyinin də çoxu bunu bilirdi, amma onun (Rusiyanın) vasitəsilə hakimiyyətə gəlmək istəyirdilər. KQB təəssüf ki, bizim bəzi ziyalıları sovet dövründə agent edib. Görünür, rusların əlində elə məlumatlar var ki, bu adamlar şərəfini itirmiş mili satqınlar kimi tarixdə və xalqımızın yaddaşında qalmağı, o dünyaya (cəhənnəmə) xalqın lənətləri ilə getməyi üstün tuturlar, nəinki o məlumatların açılmasını. Rus FSB-si isə çox amansızdır, milli satqınlardan rezin kimi ömürlərinin qürub çağında da istifadə edir. Ən namussuz adam da xalqına qarşı belə hərəkətə qol qoymaz. Ona görə də mən ermənidən birbaşa pul almaq qarşılığında bunun edildiyini istisna edirəm.

Sonda bu milli xəyanətkarlar bilsinlər ki, bizim xalqımız onların təsvir etdiyi kimi qəddar və dözümsüz olsaydı, çoxdan onların bağırsaqlarını bu həqarətlərə görə bayıra tökərdi. Amma ermənilər bunu edərdi, Xocalıdakı günahsız körpələrə etdikləri kimi".

ŞƏRH YAZ
0

Prezident İlham Əliyevin ünvanına təbriklər gəlməkdə davam edir

Prezident İlham Əliyevin ünvanına təbriklər gəlməkdə davam edir
22:20
24.05.2018
2707
Siyasət
A
Birləşmiş Ərəb Əmirlikləri Dövlətinin Prezidenti Xəlifə bin Zayed Al Nahyandan Azərbaycan Prezidenti İlham Əliyevə təbrik məktubu gəlib.

"Ölkə.Az"ın məlumatına görə, təbrikdə deyilir: "Möhtərəm cənab Prezident. Azərbaycanın milli bayramı – Respublika Günü münasibətilə Sizə və dost Azərbaycan xalqına ən səmimi təbriklərimi çatdırır və Birləşmiş Ərəb Əmirlikləri xalqının bu münasibətlə böyük fərəh hissi keçirdiyini xalqınıza çatdırmağı Sizdən rica edirəm.

Əlamətdar bayram münasibətilə Zati-alinizə möhkəm cansağlığı, xoşbəxtlik və davamlı uğurlar, dost Azərbaycan xalqına xeyir və xoşbəxtlik arzulayıram.

Bu xoş fürsətdən istifadə edərək, Zati-alinizə böyük hörmət və ehtiramımı izhar edirəm"

***

Dünya Turizm Təşkilatının baş katibi Zurab Pololikaşvilidən:

"Hörmətli cənab Prezident. Azərbaycan Xalq Cümhuriyyətinin 100 illiyi münasibətilə Sizi təbrik etməkdən böyük məmnunluq hissi duyuram. Ölkənizin və xalqınızın xoşbəxtliyi və rifahı üçün ən xoş arzularımı çatdırıram.

Zati-aliləri, ölkənizdə turizm sənayesinin inkişafına göstərdiyiniz şəxsi dəstəyə görə Sizə minnətdarlığımı bildirirəm. Bu dəstək Sizin rəhbərlik etdiyiniz hökumətin turizm sahəsinə ölkənin davamlı sosial-iqtisadi inkişafında əsas vasitə kimi yanaşmasının əhəmiyyətini təcəssüm etdirir.

Sizin Sərəncamınızla ölkənizdə Dövlət Turizm Agentliyinin təsis olunması məni çox sevindirdi. Biz artıq Agentliyin sədri ilə əlaqə saxlamışıq və Azərbaycanın turizm sənayesinin gələcək inkişafı üçün üzərinə götürdüyü öhdəliklərlə bağlı tam dəstəyimizi ifadə etmişik.

Cənab Prezident, Sizi bir daha təbrik edirəm. Sizə olan ən dərin ehtiramımı qəbul etməyinizi xahiş edirəm".

***

Birləşmiş Ərəb Əmirlikləri Dövlətinin Əbu-Dabi Əmirliyinin Vəliəhdi, Silahlı Qüvvələrin Ali Baş Komandanının müavini Məhəmməd bin Zayed Al Nahyandan Litva Prezidenti Dalya Qribauskaytedən Azərbaycan Prezidenti İlham Əliyevə təbrik məktubu gəlib:

"Zati-aliləri. Azərbaycanın milli bayramı – Respublika Günü münasibətilə Sizə və dost Azərbaycan xalqına ən səmimi təbriklərimi çatdırıram. Dost və qardaş xalqınıza Sizin müdrik rəhbərliyiniz altında davamlı tərəqqi və rifah, Zati-alinizə möhkəm cansağlığı arzulayıram.

Bu xoş fürsətdən istifadə edərək, Zati-alinizə böyük hörmət və ehtiramımı ifadə edirəm".

***

İraq Respublikasının Prezidenti Fuad Məsumdan:

"Əs-səlamu aleykum varahmatullahi vabarakatuhu. Hörmətli cənab Prezident, ölkənizin milli bayramı – Respublika Günü münasibətilə Sizi İraq Respublikasının Hökuməti və xalqı adından, şəxsən öz adımdan təbrik edirəm.

Fürsətdən istifadə edərək, İraq Respublikasının ölkələrimiz arasında müxtəlif sahələrdə mövcud olan əlaqələri xalqlarımızın mənafeyi naminə inkişaf etdirmək və möhkəmləndirmək istəyini bir daha vurğulayıram.

Möhtərəm cənab Prezident, Sizə davamlı uğurlar və möhkəm cansağlığı, dost Azərbaycan xalqına rifah və tərəqqi arzulayıram".

***

Rumıniyanın Prezidenti Klaus Verner İohannisdən:

"Əziz cənab Prezident. Azərbaycan Xalq Cümhuriyyətinin 100 illiyi münasibətilə Sizə və xalqınıza ən səmimi təbriklərimi, sülh və firavanlıq arzularımı çatdırıram.

Ölkələrimiz arasındakı strateji tərəfdaşlığın bütün sahələrdə birgə səylərimiz və hərtərəfli siyasi dialoq vasitəsilə daha da güclənəcəyinə tam əminliyimi bildirirəm.

Əziz cənab Prezident, xahiş edirəm, Sizə olan yüksək ehtiramımı qəbul edəsiniz".

***

Litva Prezidenti Dalya Qribauskaytedən Azərbaycan Prezidenti İlham Əliyevə təbrik məktubu gəlib.

Təbrikdə deyilir: "Hörmətli Prezident. Azərbaycan Xalq Cümhuriyyətinin yaranmasının 100 illiyi münasibətilə Sizi və xalqınızı təbrik edirəm. Ölkənizə səmimi qəlbdən davamlı uğurlar, firavanlıq və sülh arzulayıram.

Bu il Azərbaycan və Litva xalqları müstəqil dövlətin qurulmasına aparan mürəkkəb yolu, əlamətdar yubileyləri birgə qeyd edirlər. Mən tam əminəm ki, ölkələrimizin qüdrətli və firavan dövlət və açıq cəmiyyətlər qurmaq uğrundakı ortaq maraqları Litva və Azərbaycan arasında dialoqu ikitərəfli formatda və Avropa İttifaqı ilə münasibətlər kontekstində daha da möhkəmləndirmək üçün güclü təkan olaraq qalır.

İnanıram ki, ticarət, energetika, innovasiyalar, təhsil, mədəniyyət və bir çox sahələrdə qarşılıqlı anlaşmaya əsaslanan açıq əməkdaşlığın daha da möhkəmləndirilməsi vətəndaşlarımız arasında birgə səmərəli fəaliyyət üçün yeni imkanlar açacaq.

Cənab Prezident, icazə verin bir daha milli bayramınız münasibətilə Sizə təbriklərimi çatdırım və bütün Azərbaycan xalqına gözəl bayram arzulayım.

Ən yüksək ehtiramımı qəbul etməyinizi xahiş edirəm".

Ölkə.Az

ŞƏRH YAZ
0
BAĞLA