Lavrov yeni erməni nazirlə Qarabağ problemini müzakirə edib
Rusiyanın xarici işlər naziri ilə Ermənistanın yeni XİN rəhbəri Zoqrab Mnatsakanyan arasında telefon danışığı baş tutub.
“Ölkə.Az” xəbər verir ki, tərəflər telefon vasitəsilə Dağlıq Qarabağ probleminin nizamlanması və digər məsələləri müzakirə ediblər.
Bu barədə Rusiyanın xarici işlər nazirliyi məlumat yayıb: “May ayının 23-ündə erməni tərəfinin təşəbbüsü ilə Rusiyanın xarici işlər naziri Sergey Lavrov və Ermənistanın XİN rəhbəri Zoqrab Mnatsakanyan arasında telefon danışığı baş tutub”.
Tərəflər Dağlıq Qarabağ münaqişəsini və münaqişənin həllinin Minsk qrupunun həmsədrləri xətti ilə nizamlanması məsələsini müzakirə ediblər.
Hikmət Həsənov
Ölkə.Az