Lənkəran sakininin iş yerindən 5 kq narkotik tapıldı
Polis əməkdaşları narkotik maddələrin dövriyyəsinə qarşı növbəti ugurlu əməliyyat həyata keçiriblər.
“Ölkə.Az” xəbər verir ki, Lənkəran Şəhər Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində qanunsuz olaraq üzərində narkotik vasitə daşımaqda şübhəli bilinən Girdəni kənd sakini P.Hüseynov saxlanılıb. Şəxsi axtarış zamanı onun üzərindən 10 qramdan artıq marixuana aşkar edilərək götürülüb. Davam etdirilən əməliyyat-axtarış tədbirləri ilə onun iş yerindəki anbardan gizlətdiyi əlavə 4 kiloqram 750 qram marixuana da aşkar edilərək polis əməkdaşları tərəfindən götürülüb.
Faktla bağlı cinayət işi başlanılımışdır.
Natiq Allahverdiyev
Ölkə.Az
