Lənkəranda DSMF-nin mühafizəçisi iş yerində ölmüş vəziyyətdə tapılıb — FOTO

Lənkəranda DSMF-nin mühafizəçisi iş yerində ölmüş vəziyyətdə tapılıb
13:18
15.04.2018
3864
Hadisə
A
Lənkəranda Dövlət Sosial Müdafiə Fondunun mühafizəçisi ölü vəziyyətdə tapılıb.

"Ölkə.Az" "Report"a istinadən xəbər verir ki, Cənub bürosunun verdiyi xəbərə görə, Azərbaycan Respublikasının Əmək və Sosial Müdafiəsi Nazirliyi yanında Dövlət Sosial Müdafiə Fondunun Lənkəran Şəhər Şöbəsində təxminən 60 yaşında olan Axundov Seyran Fəxrəddin oğlu iş yoldaşları tərəfindən gözətçi otağında ölmüş vəziyyətdə aşkar olunub.

Dərhal təcili yardım xidmətinə məlumat verilib. Hadisə yerinə polis və prokurorluq əməkdaşları gəlib. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Lənkəran şöbəsinə təhvil verilib.

Faktla bağlı araşdırma aparılır.

Ölkə.Az

ŞƏRH YAZ
0

Dələduzluqla axtarışda olan qadın sərhəddə saxlanıldı

Dələduzluqla axtarışda olan qadın sərhəddə saxlanıldı
11:15
Bu gün
43
Hadisə
A
Ötən gün Nərimanov RPİ-i tərəfindən dələduzluq maddəsi ilə axtarışda olan qadın Rusiyadan sərhədi keçərkən saxlanılıb.

“Ölkə.Az”ın xəbərinə görə, cinayət məcəlləsinin 178.2.1 və 178.2.4-cü maddələri ilə axtarışda olan Həsənova Ülkər Vaqif qızı Azərbaycana gələrkən sərhədçilər tərəfindən Yalama sərhəd-keçid məntəqəsində saxlanılıb.

Təqsirləndirlən şəxsin müdafiəçisi  Amid Bağırovun “Ölkə.Az”a verdiyi açıqlamaya görə, Ü.Həsənovanın himayəsində azyaşlı övladı olduğu üçün Nərimanov Rayon Məhkəməsi qadın barəsində ev dustağlığı qəti imkan tədbiri seçib. Cinayəti törətməsinə gəldikdə isə, Ü.Həsənova bir qrup şəxslə birləşərək vətəndaşa qarşı 50 min manata yaxın dələduzluq edib.

ŞƏRH YAZ
0

Kafedə partlayışda yaralanan daha bir nəfər dünyasını dəyişdi — Cinayət işi açıldı (YENİLƏNDİ)

Kafedə partlayışda yaralanan daha bir nəfər dünyasını dəyişdi
11:05
Bu gün
828
Hadisə
A
Bakıda kafedə baş verən hadisə ilə bağlı cinayət işi başlanılıb.

Binəqədi rayon Prokurorluğundan "Ölkə.Az"a verilən məlumata görə, baş vermiş hadisə ilə bağlı Cinayət Məcəlləsinin 314.3-cü (səhlənkarlıq – iki və daha artıq şəxsin ölümünə səbəb olduqda) maddəsi ilə cinayət işi başlanıb, müvafiq ekspertizalar təyin edilib.

Hazırda başlanmış cinayət işi üzrə zəruri istintaq hərəkətləri davam etdirilir.

***

"Ölkə.Az"ın Trend-ə istinadən verdiyi xəbərə görə, bu barədə açıqlamasında Respublika Yanıq Mərkəzinin baş həkimi Şöhrət Məmmədov deyib.

Baş həkim bildirib ki, hadisə nəticəsində bədən səthinin 100 faizi yanan, 1974-cü il təvəllüdlü İbrahimov Natiq Zahid oğlu mayın 22-də gecə saat 02:00 radələrində dünyasını dəyişib. Hazırda mərkəzdə müalicəsi davam etdirilən, 1965-ci il təvəllüdlü İbrahimova Şəkər Xosrov qızının vəziyyəti isə ağır olaraq qalır. Hadisə nəticəsində qadının bədən səthinin 95 faizi yanıb.

Qeyd edək ki, mayın 21-də günorta saatlarında Bakı şəhəri, Binəqədi rayonunda ümumi sahəsi 25 kv.m olan (10 kv.m hissəsi daşdan, qalan hissəsi taxta konstruksiyalardan ibarət) tikilinin (çayxana kimi fəaliyyət göstərir) içərisində propan qaz balonu partlayıb.

Nəticədə tikilinin yanar konstruksiyaları yanıb.

Hadisə nəticəsində 2 nəfər ölüb, iki nəfər isə xəstəxanaya çatdırılmışdı.

ŞƏRH YAZ
0
BAĞLA