Lənkəranda ər keçmiş arvadının boğazını kəsdi

Lənkəranda ər keçmiş arvadının boğazını kəsdi
12:35
25.03.2019
593
Ölkə
A
Lənkəranda keçmiş həyat yoldaşını qətlə yetirməkdə təqsirli bilinən Həbibov Fərhad Zamanı oğlu Ali Məhkəməyə müraciət edib.

"Ölkə.Az" xəbər verir ki, təqsirləndirilən Fərhad Həbibovun müraciətinə aprel ayının 16-da hakim Gülzar Rzayevanın sədrliyi ilə keçirilən prosesdə baxılacaq.

Qeyd edək ki,hadisə 2015-ci ilin yanvarın 4-də Lənkəran rayonun Liman şəhərində qeydə alınıb.

Liman şəhər sakini, 1960-cı il təvəllüdlü Fərhad Zaman oğlu Həbibov ailə münaqişəsi zəminində həyat yoldaşı, 1965-ci il təvəllüdlü Zəminə Əliş qızı Həbibovanın boğaz, qarın və sağ bilək nahiyəsinə bıçaqla zərbələr vurub.

Qadın ağır vəziyyətdə xəstəxanaya çatdırılsa da, onun həyatını xilas etmək mümkün olmayıb. Həbibov polis əməkdaşları tərəfindən saxlanılıb.
İlkin dindirilmə zamanı saxlanılan şəxs bildirib ki, arvadını qısqanclıq zəminində öldürüb. Guya ki, bir neçə il bundan öncə Həbibova ərinə başqa kişi ilə xəyanət edib.

Yalnız indi köhnə hesabları yada salan kişi, arvadını onu alçaltdığına görə cəzalandırmağı qərara alıb.   

Natiq Allahverdiyev
Ölkə.Az

ŞƏRH YAZ
0

Türkiyə ilə dövlət xidmətləri sahəsində əməkdaşlıq ediləcək

Türkiyə ilə dövlət xidmətləri sahəsində əməkdaşlıq ediləcək
19:17
Bu gün
45
Ölkə
A
Bakıda təşkil olunan BMT-nin Dövlət Xidmətləri Forumu çərçivəsində iyunun 24-də Azərbaycan Respublikasının Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyi, Türkiyə Respublikası Nəqliyyat və İnfrastruktur Nazirliyi və Türk Əməkdaşlıq və Koordinasiya Agentliyi arasında dövlət xidmətlərinin göstərilməsi və e-hökumət sahəsində əməkdaşlıq haqqında Niyyət Protokolu imzalanıb.

"Ölkə.Az" xəbər verir ki, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev sənədin 3 əsas amil üzərində qurulduğunu bildirib. 

Bildirilib ki, Niyyət Protokolu çərçivəsində dövlət xidmətlərinin göstərilməsi və e-hökumət sahəsində əməkdaşlığı və təcrübə mübadiləsini təşviq etmək üçün tərəfdaş qurumlar arasında bacarıqların artırılması, o cümlədən qabaqcıl təcrübələrin paylaşılması, mütəxəssislərin mübadiləsi və birgə araşdırmaların aparılması nəzərdə tutulur. Həmçinin ekspert məsləhətləşmələri və texniki yardımın, təhsil proqramları, təlimlər, ixtisaslaşdırılmış kurslar və digər vasitələrlə insan resursları bacarıqlarının artırılması məsələləri həyata keçiriləcək. 

Tərəfdaşlar Azərbaycan Respublikası ilə Türkiyə Respublikası arasında qardaşlıq əlaqələrinin gücləndirilməsi, dövlət xidmətlərinin göstərilməsi və e-hökumət sahəsində əməkdaşlığın inkişaf etdirilməsi istiqamətində bu sənədin əhəmiyyətini vurğulayıblar. 

Ölkə.Az

ŞƏRH YAZ
0

Həcc ziyarəti üçün müəyyən edilən kvota dolmayıb

Həcc ziyarəti üçün müəyyən edilən kvota dolmayıb
18:45
Bu gün
498
Ölkə
A
Əvvəlki illərlə müqayisədə 2019-cu ildə Həcc ziyarətinə maraq azalıb. Bunun nəticəsidir ki, Azərbaycandan Həcc ziyarəti üçün müəyyən edilən kvota hələ də dolmayıb.

“Ölkə.Az” xəbər verir ki, 2019-cu ildə Həcc ziyarətinə Azərbaycandan 1400 zəvvarın getməsi üçün kvota müəyyənləşdirilsə də, ziyarətə az qalmasına baxmayaraq hələ də nəzərdə tutulan kvota dolmayıb. Belə ki, indiyədək Həcc ziyarətinə getmək üçün cəmi 1100 nəfər müraciət edib. Kvota dolmadığından  Qafqaz Müsəlmanları İdarəsində (QMİ) sənədlərin  qəbulu davam edir.

Qafqaz Müsəlmanları İdarəsindən verilən məlumata görə, bu il Həcc ziyarətinin qiyməti 4285 ABŞ dolları təşkil edir. Ziyarətin ötənilkindən baha olması Səudiyyə Ərəbistanında xidmətlərin və hotellərin qiymətlərinin bahalaşması ilə əlaqədardır. 

Avqustun 1-dən 6-a qədər gediş, avqustun 21-dən 25-ə qədər isə Azərbaycana dönüş olacaq. Zəvvarlar bu il də ötən il olduğu kimi təyyarə ilə yola salınacaq. 

Ölkə.Az

ŞƏRH YAZ
0
BAĞLA