Lənkəranda I Beynəlxalq Teatr Festivalı yekunlaşıb

Lənkəranda I Beynəlxalq Teatr Festivalı yekunlaşıb
21:35
05.06.2019
2475
Mədəniyyət
A
Lənkəranda I Beynəlxalq Teatr Festivalı yekunlaşıb.

APA-nın cənub bürosunun verdiyi məlumata görə, festival çərçivəsində14 tamaşa göstərilib.

Mədəniyyət Nazirliyi, Lənkəran Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığı ilə "Azərbaycan teatrı 2009-2019-cu illərdə" Dövlət Proqramı çərçivəsində keçirilən I Lənkəran Beynəlxalq Teatr Festivalı uğurla başa çatıb.

Bu gün festivalın sonuncu günündə ilk olaraq İran İslam Respublikasının Ərdəbil şəhərindəki “Ünvan” Teatrının “Qızıl başmaq” tamaşası oynanılıb. Əli Bəhnunun əsəri əsasında hazırlanmış tamaşanın quruluşçu rejissoru Həsən Şıxzadədir.

İranlıların çıxışından sonra Lənkəran Dram Teatrının səhnəsi Şuşa Dövlət Musiqili Dram Teatrı artistlərinin ixtiyarına verilib. Ərəb nağılları əsasında hazırlanmış “Əlibaba və qırx quldur” tamaşasına teatrın baş rejissoru, Əməkdar artist Loğman Kərimov quruluş verib. Səhnə tərtibatçısı Valeh Məmmədovdur. Bir hissəli nağıl-tamaşada rolları Emin Sevdimalıyev (Əlibaba), Gündüz Qasımov (Qasım), Zəhra Salayeva (Zeynəb), Günel İmanova (Fatimə) və başqaları ifa ediblər.

Festivalda son olaraq Salyan Dövlət Kukla Teatrı tamaşaçıların qarşısına Azərbaycan xalq nağılı əsasında hazırlanmış “Bostançı və Şah Abbas” tamaşası ilə çıxıb. Tamaşaçılar tərəfindən alqışlarla qarşılanan bu səhnə əsərinin quruluşçu rejissoru Rauf Afşarov, rəssamı Xatirə Avşarovadır.

Hər üç tamaşadan sonra teatrların kollektivlərinə Mədəniyyət Nazirliyinin diplomları təqdim olunub.

Daha sonra festivalın bağlanış mərasimi keçirilib. Lənkəran Dövlət Dram Teatrının direktoru Tofiq Heydərov, teatrın aparıcı səhnə ustası, Xalq artisti Qabil Quliyev və Mədəniyyət Nazirliyinin nümayəndəsi Könül Əliyeva-Cəfərova çıxış edərək bu sənət yarışmasının onun iştirakçılarında xoş anlar yaşatdığını söyləyib və festivalın keçirilməsində zəhməti olan hər kəsə minnətdarıqlarını çatdırıblar.

Xatırladaq ki, iyunun 1-də startı verilən I Lənkəran Beynəlxalq Teatr Festivalına ölkəmizin 10 sənət ocağı - Azərbaycan Dövlət Akademik Milli Dram Teatrı, Azərbaycan Dövlət Gənc Tamaşaçılar Teatrı, Azərbaycan Dövlət Kukla Teatrı, Şuşa Dövlət Musiqili Dram Teatrı, Gəncə Dövlət Kukla Teatrı, Lənkəran Dövlət Dram Teatrı, Bakı Uşaq Teatrı, Qax Dövlət Kukla Teatrı, Şəki Dövlət Dram Teatrı, Salyan Dövlət Kukla Teatrı və müstəqil “Ol” Teatrı öz tamaşaları ilə qatılıblar. Beynəlxalq festivalda, həmçinin Böyük Britaniyanın “Two Destination Language” Teatrı, Gürcüstanın “Azadlıq” Teatrı, İranın “Muğan Hünər” və “Mika” teatrları, habelə “Ünvan” Ərdəbil şəhər teatrının kollektivləri iştirak ediblər.

Ölkə.Az 

ŞƏRH YAZ
0

Xalq şairindən gənc şairlərə sərt tənqid — Sanki hamısı bir-birinin ağzına tüpürüb

Xalq şairindən gənc şairlərə sərt tənqid
13:08
Bu gün
858
Mədəniyyət
A
Xalq şairi Vahid Əziz "gənc şairlərimizdən kimləri gələcəkdə "Xalq şairi" kimi görmək istərdiniz, yaxud hansı gənc şairdə belə potensial görürsünüz" sualına maraqlı cavab verib.

 V.Əziz "Ölkə.Az"ın əməkdaşı ilə söhbətində ad çəkməsə də, gənc həmkarlarını tənqid edib:

"Mən bu suala cavab verə bilmərəm. Birinin adını çəkəcəyəm, digərləri inciyəcəklər. Onu zaman göstərər. Deyəcəyəm Həsənqulu, Vəliqulu deyəcək ki, Həsənqulu axmağın biridir, amma Vahid Əziz onun tərəfindədir.  Yaxşı, savadlı, obrazlı, altmışıncı illərdə bizimlə ədəbiyyata gələn şairlərin yazdığı kimi poeziya istəyirəm. İndiki gənclərdə isə bu yoxdur. On beş nəfər şeir oxuyur, elə bilirsən ki, hamısını bir nəfər yazıb. Eyni nəfəsdir, amma hər kəsin öz nəfəsi olmalıdır. Ramiz Rövşənin öz nəfəsi var, Musa Yaqubun öz, mənim öz nəfəsim var. Əsas məsələ budur. Bunlar isə sanki bir-birinin ağzına tüpürüblər, yazdıqları da eynidir. 

Yaşı qırxa qədər olan şairlərin içərisində istedadlı adamlar çoxdur. Amma özlərindən müştəbeh olmasınlar. Oxusunlar, görsünlər onlardan əvvəl kimlər nə edib. Altmışıncı illərdə elədiklərimizi indi edirlər. Bunu biz çoxdan eləmişik e. Diqqətlə oxusanız, dediyimi təsdiq edəcəksiniz"

Qeyd edək ki, Vahid Əziz Prezident İlham Əliyevin sərəncamı ilə bu ilin may ayının 25-də Xalq şairi fəxri adına layiq görülüb.

İntiqam VALEHOĞLU

Ölkə.Az

ŞƏRH YAZ
0

"Azdrama" qastrola yollandı — Hamı avtobusla, Məleykə Əsədova təyyarəylə - FOTO

11:55
19.06.2019
9614
Mədəniyyət
A
Akademik Milli Dram Teatrının kollektivi beynəlxalq teatr festivalında iştirak etmək üçün Gürcüstana yollanıb.

Teatrın mətbuat xidmətindən "Ölkə.Az"-a verilən məlumata görə, Kutaisidə təşkil olunan “Thetrical İmereti” festivalında sənət ocağının repertuarında olan “Manqurt” tamaşası iyunun 19-da, “Cəhənnəm sakinləri” isə iyunun 20-də oynanılacaq.

Festivalın bağlanış tamaşası məhz Akademik Milli Dram Teatrının “Cəhənnəm sakinləri” tamaşası ilə olacaq. Bundan başqa teatrın beynəlxalq əlaqələrinin genişləndirilməsi, müştərək layihələrin həyata keçirilməsi üçün müxtəlif teatrlarla danışıqlar aparılacaq.

“Manqurt” tamaşasının bədii rəhbəri və quruluşçu rejissoru Anar Babalı, rejissoru (diplomant) İzamə Babayeva, rəssamı əməkdar mədəniyyət işçisi İlham Elxanoğlu, işıq rəssamı Rafael Həsənovdur.

Tamaşada əməkdar artistlər Mehriban Xanlarova (Nayman ana), Elşən Rüstəmov (Juan-juan), aktyorlar Ramin Şıxəliyev (Manqurt​), Vüsal Mustafayev çıxış edəcək.

Xalq yazıçısı Elçin Əfəndiyevin eyniadlı pyesi əsasında hazırlanan “Cəhənnəm sakinləri” səhnə əsərinin müəllifi, quruluşçu rejissoru və rəssamı Xalq artisti Azər Paşa Nemətov, rejissoru Anar Sadıqov, rejissor assistenti Dilbər İsmayılova, musiqi tərtibatçısı Kamil İsmayılovdur.

Tamaşada Azər Dadaşovun musiqisindən istifadə olunub.

Yeni səhnə əsərində xalq artistləri Məleykə Əsədova (Qadın), Nurəddin Mehdixanlı (Qonaq) əməkdar artistlər Elşən Rüstəmov (Kişi), Mirzə Ağabəyli (Qonşu), aktyorlar Vüsal Mustafayev, Elçin Əfəndi, Ləman İmanova, Rüstəm Rüstəmov, Rada Nəsibova, Ramin Şıxəliyev iştirak edəcəklər.

Qeyd edək ki, kollektiv qastrola avtobusla yollandığı halda, direktor Azər Paşa NEmətovla, xalq artisti Məleykə Əsədova təyyarəyə üstünlük veriblər. 

Ölkə.Az

ŞƏRH YAZ
0
BAĞLA