Lənkəranda naməlum şəxs tərəfindən döyülən qadın dünyasını dəyişib

Lənkəranda naməlum şəxs tərəfindən döyülən qadın dünyasını dəyişib
22:41
13.01.2018
1035
Hadisə
A
Lənkəran rayonunda qadın və onun qızı döyülüb.

“Ölkə.Az” “Report”a istinadən xəbər verir ki, hadisə rayonun Liman şəhəri ərazisində baş verib. Orada yaşayan 1949-cu il təvəllüdlü Qarayeva Humay müxtəlif bədən xəsarətləri ilə Lənkəran rayon Mərkəzi Xəstəxanasına çatdırılıb. Bir qədər sonra isə xəstəxanaya bədənində müxtəlif xəsarətlər olan 1972-ci il təvəllüdlü Miriyeva Samirə adlı qadın da gətirilib. S.Miriyevanın Humay Qarayevanın qızı olduğu bildirilib.

İlkin məlumata görə, onları naməlum şəxs döyüb. Ana və qızına qapalı kəllə-beyin travması diaqnozu qoyulub. Həkimlərin səyinə baxmayaraq, anası ilə birgə naməlum şəxs tərəfindən döyülən qadın xəstəxanada dünyasını dəyişib.

Faktla bağlı hələ ki, saxlanılan yoxdur.

Ölkə.Az

ŞƏRH YAZ
0

Qazax sakini özünə bıçaq xəsarəti yetirib

Qazax sakini özünə bıçaq xəsarəti yetirib
23:58
21.10.2018
21
Hadisə
A
Qazax rayonunda yerli sakin özünə bıçaqla xəsarət yetirib.

"Ölkə.Az" report-a istinadən xəbər verir ki, rayonun Aslanbəyli kənd sakini, 1961-ci il təvəllüdlü Tanrıverdi Hacıyev qarın nahiyəsindən bıçaq xəsarəti ilə xəstəxanaya daxil olub.

İlkin məlumata görə, o, özü-özünü bıçaqlayıb.

Faktla bağlı araşdırma aparılır.

Ölkə.Az

ŞƏRH YAZ
0

Zaqatalada maşın aşıb, sürücü ağır yaralanıb

Zaqatalada maşın aşıb, sürücü ağır yaralanıb
21:50
21.10.2018
190
Hadisə
A
Günorta saatlarında Zaqatala rayonunda sürücünün xəsarət alması ilə nəticələnən yol-nəqliyyat hadisəsi baş verib.

"Ölkə.Az" report-a istinadən xəbər verir ki, rayonun 1995-ci il təvəllüdlü Yuxarı Tala kənd sakini Nəzərov Abdukərim Cuma oğlu “VAZ-21064” markalı minik maşını ilə Zaqatala-Qax avtomobil yolunda hərəkətdə olarkən idarəetməni itirib və nəticədə avtomobil yol kənarına aşıb.

Qəzadan sonra sürücü A.Nəzərov ağır vəziyyətdə Zaqatala Rayon Mərkəzi Xəstəxanasına aparılıb.

Xəstəxanadan “Report”a bildirilib ki, zərərçəkmişə ağır qapalı kəllə-beyin travması diaqnozu qoyulub, müalicəsi Reanimasiya şöbəsində aparılır.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA