Lənkəranda qadın və qızı döyüldü

Lənkəranda qadın və qızı döyüldü
19:28
13.01.2018
1390
Hadisə
A
Lənkəran rayonunda 60 yaşlı qadın və onun qızı döyülüb.

"Ölkə.Az" "Report"a istinadən xəbər verir ki, hadisə rayonun Liman şəhəri ərazisində baş verib. 

Orada yaşayan Qarayeva Humay müxtəlif bədən xəsarətləri ilə Lənkəran Rayon Mərkəzi Xəstəxanasına çatdırılıb.

Bir qədər sonra isə xəstəxanaya bədənində müxtəlif xəsarətlər olan Miriyeva Samirə adlı qadın da gətirilib. S.Miriyevanın Humay Qarayevanın qızı olduğu bildirilib.

İlkin məlumata görə, onları naməlum şəxs döyüb. 

Faktla bağlı araşdırma aparılır. 

ŞƏRH YAZ
0

Abşeronda ağır yol qəzası — Ölən var / VİDEO

Abşeronda ağır yol qəzası
11:37
Bu gün
163
Hadisə
A
Masazır qəsəbəsində 3 avtomobilin iştirakı ilə yol-nəqliyyat hadisəsi qeydə alınıb.

"Ölkə.Az"ın Report-a istinadən verdiyi xəbərinə görə, hadisə Novxanı qəsəbəsi istiqamətinə gedən yolda baş verib.

Belə ki, 10-NO-127 dövlət qeydiyyat nişanlı "Opel" markalı avtomobili idarə edən 1966-ci il təvəllüdlü Vəliyev Mahir Şamxal oğlu əks istiqamətdə hərəkət edən nəqliyyat vasitələrinin yoluna çıxıb. Nəticədə "Opel" 1980-ci il təvəllüdlü Sailova Könül Bayram qızı idarə etdiyi 90-KU-773 "Hyundai Tucson" markalı avtomobillə toqquşub. Zərbənin gücündən "Hyundai" digər 90-RB-444 dövlət qeydiyyat nişanlı "Niva" markalı avtomobillə çırpılıb. "Hyundai" və "Niva"-nın hər ikisinin arxa təkəri sıradan çıxıb. Avtomobillər səkiyə çırpıldıqdan sonra dayanıb. 

"Opel"-in sürücüsü M.Vəliyev ayaqları sınaraq o, avtomobildə sıxılmış vəziyyətdə qalıb. Əraziyə FHN-nin Xüsusi Riskli Xilasetmə Xidmətinin əməkdaşları cəlb edilib. O, xilas edilərək təcili tibbi yardım briqadasına təhvil verilib. Lakin M.Vəliyevin hər iki ayağı kəsildiyindən qan itirmədən dünyasını dəyişib.

"Hyundai"-ın sürücüsü K. Sailova və sərnişin 1996-ci il təvəllüdlü Abbasov Elşən Rəfael oğlu ağır bədən xəsarətləri alaraq 1 saylı Kliniki Tibbi Mərkəzə yerləşdirilib.

Əraziyə Yol və Post Patrul Xidmətinin əməkdaşları cəlb edilib. Qəzaya ilkin səbəb kimi sürət həddinin aşılması göstərilir. Hər üç avtomobil deformasiyaya uğradığından avtomaşınlar cərimə meydançasına yerləşdirilib.

Faktla bağlı cinayət işi başlanılıb. Avtotexniki ekspertiza təyin edilib.

ŞƏRH YAZ
0

Salyanda kişi meyiti tapıldı

Salyanda kişi meyiti tapıldı
11:17
Bu gün
190
Hadisə
A
Salyanda meyit tapılıb.

"Ölkə.Az" Report-a istinadən xəbər verir ki, kişi meyiti bu gün səhər saatlarında şəhərin Ağa Mirbağırağa küçəsində aşkar edilib.

Hadisə yerinə hüquq-mühafizə orqanlarının əməkdaşları cəlb olunub. Meyit daxili və xarici müayinə üçün Məhkəmə Tibbi Ekspertiza və Patoloji Anatomiya Birliyinin Salyan rayon şöbəsinə aparılıb. Cəsədin şəhər sakini Emin Rzayevə məxsus olduğu bildirilir.

Faktla bağlı araşdırma aparılır.

ŞƏRH YAZ
0
BAĞLA