Lənkərana qonaq getdilər, qəzaya düşdülər

"Ölkə.Az"ın APA-ya istinadən məlumatına görə, rayonun Balıqçılar qəsəbəsində "Mercedes" markalı avtomobil hərəkətdə olarkən idarəetməni itirib və avtomobil yoldan çıxaraq aşıb.

Nəticədə sərnişin Ilqar Sultan oğlu Abdullayev dünyasını dəyişib. İki nəfər isə xəsarət alıb. Yaralılardan birinin xəsarəti yüngül olub, digəri isə Lənkəran Rayon Mərkəzi Xəstəxanasının reanimasiya şöbəsinə yerləşdirilib.

Məlumata görə, qəzaya düşənlər Bakıdan Lənkərana qonaq gedirlərmiş. Hadisəyə isə səbəb yüksək sürət olub.

Faktla bağlı araşdırma aparılır.

***
Lənkəranda yol qəzası olub.Lənkəranda baş verən yol qəzasında ölən şəxsin kimliyi məlum olub.

"Ölkə.Az"ın APA-ya istinadən məlumatına görə, bu, rayonun Balıqçılar qəsəbə sakini, 1972-ci il təvəllüdlü, İlqar Sultan oğlu Abdullayevdir.

İ. Abdullayevin meyti müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib. Qəzada yaralananların da olduğu bildirilir.

Faktla bağlı araşdırma aparılır.

***
Lənkəranda yol qəzası olub.

"Ölkə.Az" APA-ya istinadən xəbər verir ki, ilkin məlumata görə, bir nəfər ölüb. Hadisə rayonun Balıqçılar qəsəbəsində qeydə alınıb.

Hələlik adı məlum olmayan ölən şəxsin meyiti Məhkəmə Tibbi-Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib.

Faktla bağlı araşdırma aparılır.

Ölkə.Az