Lənkəranlı 74 yaşlı quşbaz zoopark açmaq istəyir — FOTO

Lənkəranlı 74 yaşlı quşbaz zoopark açmaq istəyir
21:30
08.11.2019
6604
Ölkə
A
Lənkəran sakini müxtəlif növ quşları həyətində bəsləyir.

"Ölkə.Az" bildirir ki, Liman şəhərində yaşayan 74 yaşlı Abbas Abbasov həyətində 300-ə yaxın 30 növdə olan müxtəlif cinsli quş saxlayır.

50 ildən çoxdur ki, bu işlə məşğul olan A.Abbasovun təsərrüfatında dünyanın müxtəlif ölkələrindən gətirilən quşlara rast gəlmək mümkündür.

Onun yaratdığı quş parkında daha çox tovuzquşu, qızılqaz, qırqovul, mandarin və karalin ördəkləri, sultan toyuğu və s. növ quşlara rast gəlmək mümkündür.

Təsərrüfatçının saxladığı quşların içərisində ən kiçiyi bildirçindir. Onun çəkisi 50 qram təşkil edir. 

İşindən xüsusi zövq alan A.Abbasov bildirir ki, quşların yemlənməsi nə qədər çətin olsa da, o buna xüsusi diqqət göstərir. 

“Qırmızı kitab”a düşən nadir canlıları bəsləmək və saxlamaq elə də asan başa gəlmir. Ev quşlarının içərisində ən çox maraq doğuran isə ayam çemani adlı qara toyuqlardır. 
Quşları görmək, onlarla tanış olmaq üçün təkcə Lənkərandan, ətraf rayonlardan deyil, eyni zamanda respublikanın hər bir bölgəsindən qonaqlar gəlir.

Quşbaz bu quşları satmaq, biznes qurmaq üçün saxlamır. O, quşları yemləmək və saylarını artırmaqla rahatlıq tapdığını bildirir. Ən böyük arzusu isə zoopark yaratmaqdır. 

A.Abbasov eyni zamanda ömrünün böyük bir hissəsini quşların tədqiqatına həsr edib. Dünyanın bir sıra ölkələrində - Yaponiya, Kanada, İspaniya, Rusiya, İndoneziyada flora və fauna ilə bağlı seminar və konfranslarda iştirak edib. (oxu.az)

ŞƏRH YAZ
0

Zakir Həsənov əməliyyat təlimləri ilə bağlı müşavirə keçirdi — VİDEO

Zakir Həsənov əməliyyat təlimləri ilə bağlı müşavirə keçirdi
18:07
Bu gün
237
Ölkə
A
Müdafiə naziri general-polkovnik Zakir Həsənov Azərbaycan Ordusu miqyasında əməliyyat təlimlərinin başlanması ilə bağlı nazirliyin rəhbər heyəti ilə xidməti müşavirə keçirib.

"Ölkə.Az" nazirliyin saytına istinadən xəbər verir ki, Döyüşü idarəetmə mərkəzində keçirilən toplantıda bildirilib ki, təlimin planına əsasən Azərbaycan Ordusunun birlik və birləşmələri, qoşun növləri və qismləri həyəcan siqnalı ilə qaldırılaraq tam döyüşə hazırolma dərəcəsinə gətirilib.Müşavirə zamanı əsas və ehtiyat idarəetmə məntəqələri, həmçinin qoşun növlərinin komanda məntəqələri ilə birbaşa videobağlantı qurularaq qoşunların cari vəziyyəti ilə bağlı brifinq təqdim olunub, əməliyyat şəraiti, kəşfiyyat fəaliyyəti, aviasiya və raket-artilleriya qoşunlarının döyüş imkanları barədə məruzələr dinlənilib.

Müxtəlif qoşun növlərinin əməliyyatların planlaşdırılması qruplarında olan Müdafiə naziri qoşunlara və bölmələrə qərarların və döyüş tapşırıqlarının çatdırılması üzrə müvafiq göstərişlər verib.

ŞƏRH YAZ
0

Müğənni Vüqar Muradovun evindən oğurluq edən şəxs tutuldu

Müğənni Vüqar Muradovun evindən oğurluq edən şəxs tutuldu
18:03
Bu gün
155
Ölkə
A
Azərbaycanlı müğənni Vüqar Muradovun evindən 3500 manat oğurlanıb.

Daxili İşlər Nazirliyindən "Ölkə.Az"a verilən məlumata görə, oğurluğu onun evinə gələn usta edib:

“Kombi ustası evimdən 3500 manat pulumu oğurlayıb. Pulumu hər zaman evdə istilik sisteminin arxasında saxlayırdım. Dünən səhər bizə gəldi, kombini düzəldib getdi. Yatmışam, ağlıma gəlməyib. O da pulu oradan götürüb gedib.

Zəng vurdum ki, qardaş, heç kim bilməyəcək, öz xoşluğunla pulumu gətir qaytar. Mənimlə elə danışdı ki... Dedim, dünən yox, o biri gün oradan 2500 manat pul götürmüşəm, dünən səhər də evə sən gəlmisən. Atama maşın almağa gedirdim. Əlimi atdım ki, pulu götürüm, gördüm, yoxdur”.

Müğənni bildirib ki, aidiyyəti üzrə Binəqədi rayon 6-cı polis bölməsinə müraciət edib. "Polislər qısa zamanda oğrunu tapdılarr və pulu mənə qaytardılar. Başda general polkovnik Vilayət Eyvazov olmaqla bütün DİN rəhbərliyi və əməkdaşlarına təşəkkür edirəm."

ŞƏRH YAZ
0
BAĞLA