Levan İzoria: “Azərbaycan ilə Gürcüstan bir-birinin ərazi bütövlüyünü beynəlxalq səviyyədə müdafiə edir”

Levan İzoria: “Azərbaycan ilə Gürcüstan bir-birinin ərazi bütövlüyünü beynəlxalq səviyyədə müdafiə edir”
23:30
16.05.2018
2078
Siyasət
A
“Azərbaycan ilə Gürcüstanın ərazi bütövlüyü pozulub. Hər iki ölkənin ərazilərinin 20 faizi işğal olunub. Biz torpaqlarımızı sülh yolu ilə geri qaytarmaq üçün beynəlxalq təşkilatlarda birgə iş aparırıq”.

"Ölkə.Az" xəbər verir ki, bu sözləri “Report”a Gürcüstanın müdafiə naziri Levan İzoria söyləyib.

Nazir deyib ki, Azərbaycan və Gürcüstanın ərazi bütövlüyü məsələsi Tbilisidə keçirilən Cənubi Qafqazda Təhlükəsizlik Forumunda da müzakirə olunub. Ekspertlər, hüquq müdafiəçiləri, siyasətçilər bizim haqlı mövqelərimizi müdafiə ediblər.

L.İzoria Azərbaycan, Gürcüstan və Türkiyənin üçtərəfli formatda müdafiə sahəsində əməkdaşlığına da münasibət bildirib:

“Biz üç dövlət olaraq üçtərəfli formatda səmərəli əməkdaşlıq edirik. Bir neçə dəfə nazirlər səviyyəsində görüşlərimiz olub. Çox mühüm qərarlar qəbul etmişik, birgə hərbi təlimlər və digər tədbirlər keçirmişik. Yaxın vaxtlarda Türkiyədə yeni görüşümüz olacaq. Bu görüşdə də çox vacib məsələləri müzakirə edəcəyik”.

Ölkə.Az

ŞƏRH YAZ
0

İlham Əliyevin və Nikol Paşinyanın Davosda qeyri-rəsmi görüşü olub

İlham Əliyevin və Nikol Paşinyanın Davosda qeyri-rəsmi görüşü olub
23:02
22.01.2019
4280
Siyasət
A
Yanvarın 22-də Davos Dünya İqtisadi Forumu çərçivəsində Azərbaycan Respublikasının Prezidenti İlham Əliyevin və Ermənistan Respublikasının baş naziri Nikol Paşinyanın qeyri-rəsmi görüşü olub.

"Ölkə.Az" AZƏRTAC-a istinadən xəbər verir ki, görüşdə Ermənistan-Azərbaycan Dağlıq Qarabağ münaqişəsinin nizamlanmasına dair danışıqlar prosesinin cari vəziyyəti müzakirə edilib.

Ölkə.Az

ŞƏRH YAZ
0

ATƏT PA-nın prezidentindən Mehman Hüseynovla bağlı qərara — REAKSİYA

ATƏT PA-nın prezidentindən Mehman Hüseynovla bağlı qərara
21:55
22.01.2019
7637
Siyasət
A
ATƏT Parlament Assambleyasının (PA) prezidenti Georgi Tsereteli yanvarın 22-də Azərbaycan Respublikası Baş Prokurorluğunun blogger və Reportyorların Azadlıq və Təhlükəsizlik İnstitutunun sədri Mehman Hüseynovla bağlı cinayət işinə xitam verdiyi barədə xəbəri müsbət qarşıladığını bildirib

"Ölkə.Az"ın məlumatına görə, prezident Tsereteli qeyd edib: "Mən, M.Hüseynovun işinə xitam verilməsi və onun mart ayının əvvəlində azadlığa çıxacağını gözləyə bilməsinə görə çox şadam. Bir il əvvəl Mehman Hüseynovu ziyarət edərkən, onun həbsxana şəraitini müşahidə etmiş və onun tezliklə azad ediləcəyinə ümid etdiyimi qeyd etmişdim. Dekabr ayında ona qarşı yeni ittihamların irəli sürülməsi mənim dərin narahatlığıma səbəb oldu və mən bu cinayət işinə xitam verilməsinə çox şad oldum. Mən onun işini yaxından izləyirdim və bu məsələni müntəzəm olaraq parlamentdəki həmkarlarımla və Azərbaycanın bir sıra hakimiyyət orqanları, o cümlədən Prezident İlham Əliyevlə müzakirələrimdə də qaldırmışdım və bu işə ölkə başçısının şəxsən diqqət yetirməsi məni çox sevindirdi".

G.Tsereteli əlavə edib ki, Azərbaycanda demokratik islahatlar, xüsusən KİV azadlığı və vətəndaş cəmiyyətinin töhfəsini artırmaq üçün şərait yaradılmasına davama etdirilməlidir.

ATƏT PA-nın yaydığı məlumatda qeyd edilir ki, ATƏT PA-nın vitse-prezidenti, millət vəkili Azay Quliyev Mehman Hüseynovla bağlı yanvarın 12-də açıqlama verərək bildirib ki, bu məsələni Azərbaycanın müvafiq dövlət qurumları ilə müzakirə edib və cavab alıb ki, məsələ obyektiv şəkildə araşdırılacaq.

Qeyd edək ki, bundan əvvəl bir qrup hüquq müdafiəçisi, eləcə də Penitensiar Xidmətin 14 saylı cəzaçəkmə müəssisəsində cəza çəkən Mehman Hüseynov onun barəsində aparılan istintaqın obyektivliyinin təmin edilməsi üçün dövlət başçısına müraciət edib.

Azərbaycan Prezidenti İlham Əliyev hər zaman olduğu kimi ədalət və humanizm prinsiplərini önə çəkərək həmin müraciətləri nəzərə alıb və cinayət işi üzrə araşdırmanın obyektiv aparılması, ədalətli və humanist qərar qəbul olunması üçün qanunla nəzərdə tutulmuş bütün zəruri tədbirlərin görülməsini Baş prokurora tövsiyə edib.

Azərbaycan Prezidentinin tövsiyələrinə uyğun olaraq, Baş prokuror tərəfindən istintaq orqanına M.Hüseynovun barəsində hazırda istintaq olunan cinayət işi üzrə müvafiq tapşırıqlar verilib. İstintaq orqanı tərəfindən M.Hüseynovun gənc olduğu, cəza çəkdiyi müddətdə intizam məsuliyyətinə cəlb edilmədiyi, islah olunma yoluna qədəm qoyduğu, ailəsində qayğıya ehtiyacı olan yaşlı və tək yaşayan atasının olduğu, törətdiyi cinayətin az ağır cinayətlər kateqoriyasına aid olmaqla, hazırda onun əməlinin və şəxsiyyətinin cəmiyyət üçün təhlükəli olmadığı nəzərə alınaraq, M.Hüseynov barəsindəki cinayət işinin icraatına xitam verilib.

M.Hüseynov hazırda hər hansı aclıq aksiyası keçirmir, saxlanma şəraiti normal olmaqla, bununla bağlı şikayət və tələbi yoxdur.

Ölkə.Az

ŞƏRH YAZ
0
BAĞLA