Leyla Əliyeva atasının kabinetindən fotolar paylaşdı — FOTO

Leyla Əliyeva atasının kabinetindən fotolar paylaşdı
18:35
18.04.2018
10394
Siyasət
A
11 aprel tarixində keçirilən prezident seçkilərində İlham Əliyev qələbə qazanıb.

 “Ölkə.Az” xəbər verir ki, bu gün Milli Məclisdə and içən prezident səlahiyyətlərinin icrasına başlayıb.

Azərbaycan prezidentinin qızı Leyla Əliyeva atasının kabinetində çəkilən fotoları İnstaqram səhifəsində paylaşıb. Fotolarda Mehriban Əliyeva, Arzu Əliyeva, Heydər Əliyev və Səməd Qurbanov da var. Fotolar sosial şəbəkə istifadəçilərinin geniş marağına səbəb olub.

Hikmət Həsənov
Ölkə.Az

ŞƏRH YAZ
0

İlham Əliyev pakistanlı həmkarını təbrik etdi

İlham Əliyev pakistanlı həmkarını  təbrik etdi
11:50
Bu gün
44
Siyasət
A
Azərbaycan Respublikasının Prezidenti İlham Əliyev Pakistan İslam Respublikasının Prezidenti Arif Alviyə təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:   

"Hörmətli cənab Prezident,

Pakistan İslam Respublikasının milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.

Azərbaycan ilə Pakistanı möhkəm dostluq və tərəfdaşlıq münasibətləri birləşdirir. Qarşılıqlı etimad və dəstəyə əsaslanan dövlətlərarası münasibətlərimizin yüksək səviyyəsi qardaş xalqlarımızın iradəsini əks etdirir.

Əminəm ki, ikitərəfli münasibətlərimizin inkişafı, əməkdaşlığımızın bütün sahələrdə dərinləşməsi bundan sonra da xalqlarımızın və ölkələrimizin mənafelərinə xidmət edəcəkdir.

Bu xoş gündə Sizə möhkəm cansağlığı, işlərinizdə uğurlar, qardaş Pakistan xalqına sülh və firavanlıq arzulayıram".

Ölkə.Az

ŞƏRH YAZ
0

Azərbaycan və Ekvador XİN-ləri arasında məktub mübadiləsi olub

Azərbaycan və Ekvador XİN-ləri arasında məktub mübadiləsi olub
10:35
Bu gün
70
Siyasət
A
Azərbaycan və Ekvador respublikaları arasında diplomatik münasibətlərin qurulmasının 15-ci ildönümü tamam olur. Bu münasibətlə Azərbaycan xarici işlər naziri Elmar Məmmədyarov ekvadorlu həmkarı Xose Samuel Valesia Amoresə təbrik məktubu ünvanlayıb.

XİN-dən "Ölkə.Az"a verilən məlumata görə, məktubda Elmar Məmmədyarov dostluq ruhuna əsaslanan qarşılıqlı faydalı əməkdaşlığın iki xalq arasındakı ikitərəfli və çoxtərəfli dialoqun gücləndirilməsinə imkan yaratdığını qeyd edib.

Nazir tənzimlənməsi BMT Təhlükəsizlik Şurasının 1993-cü il tarixli 822, 853, 874, 884 saylı qətnamələri ilə bir daha təsbit olunmuş, Ermənistan-Azərbaycan Dağlıq Qarabağ münaqişəsinin Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı çərçivəsində həlli üzrə Ekvadorun dəyərli dəstəyini vurğulayıb. Sonda Elmar Məmmədyarov hər iki xalqın rifahı naminə mövcud çoxşaxəli əlaqələrin gələcəkdə daha da inkişafı üçün birgə səylərin davam etdiriləcəyindən əmin olduğunu bildirib.

Xose Samuel Valesia Amores də, öz növbəsində, məktubunda iki ölkə arasında diplomatik münasibətlərin qurulmasının 15-ci ildönümü münasibətilə səmimi təbriklərini çatdırıb. Məktubda iki ölkə arasında diplomatik münasibətlərin qurulmasının xalqlarımızın inkişafına, ümumi birgə məqsədlərə nail olunmasına və iki ölkə arasında dostluq və əməkdaşlıq əlaqələrinin daha da dərinləşməsinə xidmət edəcəyi qeyd edilib. Daha sonra Ekvador xarici işlər naziri Azərbaycan höküməti və xalqına ən xoş arzularını çatdırıb.

Qeyd edək ki, Azərbaycan Respublikası ilə Ekvador Respublikası arasında diplomatik münasibətlər 2004-cü il martın 22-də qurulub.

Ölkə.Az

ŞƏRH YAZ
0
BAĞLA