Leyla Əliyeva film təqdimatında iştirak edib

Leyla Əliyeva film təqdimatında iştirak edib
22:25
14.03.2017
15
Mədəniyyət
A
Martın 14-də Nizami Kino Mərkəzində IDEA İctimai Birliyinin “Azərbaycan. Ceyranların xilası” sənədli filminin təqdimatı olub.

Ölkə.Az xəbər verir ki, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva təqdimatda iştirak edib.

Təqdimatdan əvvəl Leyla Əliyeva filmin rejissoru İqor Bışnyovun çəkilişlər zamanı lentə aldığı fotolardan ibarət sərgi ilə tanış olub.

Sonra film nümayiş etdirilib.

Azərbaycan faunasının incisi – ceyranlardan bəhs edən film Şirvan, Ağgöl, Abşeron, Korçay və Qobustandakı xüsusi mühafizə olunan təbiət ərazilərində çəkilib. Xronometrajı 40 dəqiqə olan filmdə qeyd edilir ki, Cənubi Qafqazda ceyranlar vaxtilə sıx məskunlaşsa da, ötən əsrdə onların sayında kəskin azalma müşahidə olunurdu. 1961-ci ildə aparılan aviasayğı nəticəsində respublika ərazisində 131 baş ceyran qeydə alınmışdı. Bu nadir növün xilası üçün 1961-ci ildə Bəndovan dövlət təbiət yasaqlığı, 1969-cu ildə Şirvan dövlət qoruğu yaradılıb və 20 il sonra bu ərazilərdə ceyranların sayı 3 minə çatıb. 2003-cü ildə isə ərazidə Şirvan Milli Parkı yaradılıb. Nəticələrə nəzər saldıqda əminliklə söyləmək olar ki, Cənubi Qafqazda ceyranlar Azərbaycanda aparılan işlər sayəsində xilas edilib.

Sənədli filmdə 2010-cu il dekabrın 24-də Heydər Əliyev Fondu və Azərbaycan Respublikası Ekologiya və Təbii Sərvətlər Nazirliyi tərəfindən “Azərbaycan Respublikası ərazisində ceyranların mühafizəsi, reintroduksiyası və tarixi areallarının yenidən bərpası” proqramı çərçivəsində görülən işlər əksini tapıb. Belə ki, Şirvan Milli Parkının ərazisindən ceyranlar Acınohur-Sarıca və Mil düzlərinə, Bozdağ silsiləsinə və Qobustan-Cəngiçay Dövlət Təbiət Yasaqlığının ərazisinə gətirilib. Təsis edildiyi dövrdən etibarən IDEA İctimai Birliyi ceyranların bərpası və mühafizəsi üzrə fəaliyyəti dəstəkləyib və bu işə öz töhfəsini verib.

Filmin təqdimatından sonra rejissor İqor Bışnyov “Azərbaycan. Ceyranların xilası” layihəsinin təşəbbüskarı Leyla Əliyevaya təşəkkürünü bildirərək çəkiliş prosesi barədə təəssüratlarını bölüşüb. Filmin təqdimatının Novruz bayramı günlərində keçirilməsinin təsadüfi olmadığını qeyd edən rejissor tədbir iştirakçılarını bu münasibətlə təbrik edib. O vurğulayıb ki, Novruzun gəlişi ilə təbiət oyanır.

“Məhz bu gün bizim çəkiliş qrupumuz Azərbaycanda fəaliyyətinin dörd ilini qeyd edir. 2013-cü ildə Novruz ərəfəsində Azərbaycana ilk dəfə gəlmişdik. Biz bu dörd ildə ceyranları çəkdik. İşimizi izləyənlər yəqin bilirlər ki, layihəmizin əsasını “Azərbaycanın 9 möcüzəsi” təşkil edir. Lakin ilk gündən indiyədək kadrda hər zaman ceyran görünüb. Bu, təsadüfi deyil. Çünki ceyran Azərbaycanın rəmzlərindən biridir”, - deyə İqor Bışnyov bildirib.

Tamaşaçıların bu filmdən müəyyən məlumat əldə etdiyinə ümidvar olduğunu söyləyən rejissor deyib: “Biz filmdə bu növün ekologiyasından, Azərbaycanda ona tarixən yanaşmadan, ceyranın Azərbaycan xalqına nə dərəcədə vacib olmasından danışdıq. İlk növbədə qeyd etmək istəyirəm ki, məhz Azərbaycanın sayəsində Cənubi Qafqaz ceyranı xilas edilib. Əgər tədbir görülməsəydi, ceyranlar bu yerlərdən yoxa çıxacaqdı. Məhz Azərbaycan rəhbərliyinin qərarı və xalqın bu heyvana bəslədiyi sevgi sayəsində uzun onilliklər ərzində Cənubi Qafqaz ceyranını xilas etmək mümkün olub və o, daha təhlükədə deyil. İkincisi, ceyranların qorunması üçün ərazi vacibdir. Bu baxımdan Azərbaycanda görülən işlərin heç yerdə, o cümlədən keçmiş SSRİ ərazisində analoqu yoxdur. Burada keçən əsrdə yaradılmış təbii qoruqlar nəinki qorunub saxlanılıb, həm də genişləndirilib. Bütün bunlar ceyranın və bütövlükdə Yer kürəsinin rifahı naminə edilib. Üçüncü mühüm amil Heydər Əliyev Fondu və Azərbaycan Respublikası Ekologiya və Təbii Sərvətlər Nazirliyi tərəfindən həyata keçirilən proqramdır. Bu beynəlxalq proqram çərçivəsində qoruq ərazilərində 100-dən çox heyvan yerləşdirilib. Dünyanın heç bir ölkəsində dövlətin birinci şəxslərinin simasında təbiətə bu cür qayğı göstərilmir. Məhz belə insanların fəaliyyəti başqalarına da nümunədir”.

Layihə çərçivəsində çəkilişlərin davam etdiriləcəyinə ümidvar olduğunu bildirən rejissor sonda deyib: “Ceyranları qorumaqla gələcəyimizi qoruyuruq”.

Qeyd edək ki, “Azərbaycan. Ceyranların xilası” filmi İqor Bışnyovun rejissorluğu ilə IDEA tərəfindən reallaşdırılan dördüncü filmdir. İlk üç film IDEA İctimai Birliyinin “Azərbaycanın 9 möcüzəsi” adlı layihəsi çərçivəsində çəkilmiş “Şirvan Milli Parkı”, “Quşlar cənnəti – Ağgöl Milli Parkı” və “Göygöl Milli Parkı” sənədli filmləridir.

“Azərbaycan. Ceyranların xilası” filmi IDEA-nın təşəbbüsü ilə ölkəmizin ali təhsil müəssisələrində, həmçinin birliyin Bakı və Gəncə şəhərlərindəki resurs mərkəzlərində nümayiş etdiriləcək. Bununla yanaşı, filmin digər ölkələrdə və müxtəlif beynəlxalq tədbirlər çərçivəsində də nümayişi nəzərdə tutulur.

Layihənin məqsədi Azərbaycanın təbiət gözəlliklərini ölkə daxilində və xaricdə təbliğ etmək, eləcə də ətraf mühitin mühafizəsinin vacibliyini ictimaiyyətin diqqətinə çatdırmaqdır.

ŞƏRH YAZ
0

Səttar Bəhlulzadənin çəkdiyi nadir şəkillər tapılıb — FOTO

Səttar Bəhlulzadənin çəkdiyi nadir şəkillər tapılıb
17:31
21.11.2017
128
Mədəniyyət
A
Xalq rəssamı Səttar Bəhlulzadənin çəkdiyi nadir şəkillər tapılıb

Bu barədə əməkdar incəsənət xadimi, sənətşünas Ziyadxan Əliyev məlumat verib. 

Xalq rəssamı Səttar Bəhlulzadənin naməlum əsərləri və bu vaxta qədər onun tədqiqatçılarına məlum olmayan nümunələr, sənədlər və fotolar aşkara çıxıb. Belə ki, bunların hamısı Bakıdakı şəxsi kolleksiyada üzə çıxarılıb. Onların sahibinin mütəxəssislərə üz tutması indiki halda təqdir olunası haldır. Əsərlərin mahiyyətinə, sənədlərin mərhəm tutumlu məzmununa əsasən onların vaxtilə rəssamın yaxınlarında olması ehtimalını söyləməyə əsas verir. Tabloların birində Şaxta baba təsvir olunub. Digəri  isə bizi əllərində meyvələrlə dolu bayram xonçasını saxlayan pioner qız və oğlanla qarşılaşdırır.120x80 sm ölçülü bu əsərlər karton üzərində tempera ilə çəkilib. Əminliklə demək olar ki, bu üslub Səttar Bəhlulzadənin yaradıcılığında rast gəlinan nadir əsərlərdəndir.  

 

Rəssamın yaradıcılığı üçün çox-çox gözlənilməz olan bu əsərləri görəsən S.Bəhlulzadə niyə çəkib? Xasiyyətinə və yaradıcı davranışına bələdçiliyimizin qarşılığında deyə bilərik ki, ideoloji bağlılıqdan və sifarişlə nə isə çəkməkdən tamamilə uzaq olan Səttar Bəhlulzadə bu əsərləri yalnız ona çox doğma olan adamların xahişi ilə çəkə bilərdi. Hər iki əsərin uzun illər ərzində istifadə olunmaması, asılmadan müxtəlif saxlancda səliqəsiz saxlanması onun bədii-texniki vəziyyətinə duyulası xələl gətirib. Ancaq onun son sahibinin səyləri nəticəsində - aparılan nisbi bərpa işləri sayəsində əsərlərin bədii keyfiyyəti nisbi də olsa özünə qaytarılıb və dahi rəssamın zəngin yaradıcılıq irsində çox qabarıq görünməsə də, çox böyük əhəmiyyət kəsb edir. 

Hər iki əsərdə rəssamın öz yaradıcılıq manerasına sadiq qalması, kifayət qədər bədii sərbəstlik nümayiş etdirməsi duyulandır. Karton səthində rənglərin pastoz xarakterli olmaması bilavasitə istifadə olunan materialın rəngsaxlama imkanlarının məhdud olmasından irəli gəlmişdir. Digər tərəfdən səth üzərində rənglərdən qənaətlə və akvarelsayağı istifadə rəssamın altmışıncı illər yaradıcılığı üçün səciyyəvi olan xüsusiyyətdir. Başqa sözlə desək, əsərin Səttar Bəhlulzadə tərəfindən çəkildiyini təsdiqləyəcək bədii-texniki əlamətlər kifayət qədərdir. 

C:\Users\RS 5\Desktop\441e855fc3cd.jpgC:\Users\RS 5\Downloads\IMG_20171116_172448.jpg

Üzə çıxarılan sənədlərin arasında rəssamın öz əli ilə yazdığı bir tərcümeyi-hal da vardır. Rus dilindəki bu mətnin əhəmiyyətli cəhətlərindən biri onun S.Bəhlulzadənin həyatının 1927-1940-cı illər dövrünə işıq salmasıdır. Belə ki, həmişə ictimailəşən kitablarda, qəzet-jurnal yazılarında gənc Səttarın "Kommunist” qəzetində işləməsi və Moskvaya təhsil almağa getməsi ilə bağlı qeyri-dəqiq informasiyalara rast gəlinirdi. Bu tərcümeyi-halda diqqəti daha çox cəlb edən informasiyadan  biri onun Moskvaya təhsil almağa göndərilməsi məsələsidir.  Məlumdur ki, o vaxtlar hər bir respublikada ixtisaslı kadr çatışmazlığının yerli istedadlı gəncləri Moskvaya və SSRİ-nin digər mərkəzi şəhərlərinə təhsil almağa göndərməklə aradan qaldırılması ənənə şəklini almışdı. Qənaətimizcə, gənc Səttarın həmin gənclərin siyahısına daxil edilməsi bilavasitə Əzim Əzimzadənin zəmanəti ilə baş tutmuşdu. Onun başqa fakultəyə yox, qrafika üzrə ixtisasını seçməsi də "Rəssamlığımızın Sabiri”nin uzaqgörənliyinin nəticəsi idi. Belə ki, Ə.Əzimzadə Səttar Bəhlulzadənin simasında özünün gələcək davamçısını görürdü...

 

C:\Users\RS 5\Downloads\IMG_20171116_151608.jpg

Əksər nəşrlərdə S.Bəhlulzadənin institutdakı ixtisas dəyişikliyinin III yox, II kursdan sonra baş verdiyi bildirilir. Yeni üzə çıxarılan tərcümeyi-hal köhnə tarixçənin bir qədər də dəqiqləşdirilməsinə imkan verdi. Onun Azərbaycan Rəssamlıq Texnikumunda oxuyarkən daşıdığı 53 saylı tələbə bileti də üzə çıxarılan qiymətli sənədlərdəndir. Maraqlısı həmin vaxtlarda rəssamın "Bəhlulov” soyadı daşımasıdır, odur ki, onun nə vaxtdan "Bəhlulzadə” olmasının müəyyənləşdirilməsi yönündə axtarışlar davam edir. 

C:\Users\RS 5\Downloads\IMG_20171116_151856.jpgC:\Users\RS 5\Downloads\IMG_20171116_151743.jpg

Əldə olunan foto materialların arasında rəssamın əvvəllər çap olunmayan şəkilləri də vardır.  Sənədlərin biri də vaxtilə Azərbaycan KP MK-nın ikinci katibi vəzifəsində işləmiş P.M.Yelistratovun Səttar Bəhlulzadəyə 1965-ci ildə Kislovodskidən yazdığı məktubdur. İstirahət zamanı Səttarın anasının vəfat etdiyini eşidən partiya işçisinin duyulası səmimiyyət dolu bu məktubunda rəssama baş sağlığı bildirilir, onun yüksək sənətkarlığına vurğunluq ifadə olunur. Xatırladım ki, P.M.Yelistratov  partiya işçisi olsa da, incəsənətlə çox yaxından maraqlanan adam idi. Bakıda işlədiyi müddətdə ən çox getdiyi yer də S.Bəhlulzadə ilə yanaşı, T.Salahov və T.Nərimanbəyovun emalatxanaları idi...

C:\Users\RS 5\Downloads\IMG_20171116_151532.jpgC:\Users\RS 5\Downloads\IMG_20171116_151504.jpg

Yeni sənədlərdə rəssamın 1947-1974-cü illəri əhatə edən qeydləri də mövcuddur. Əski əlifba ilə yazılmış bu qeydlərdə müxtəlif mövzulara toxunulmuşdur. Hazırda mətnlərin dəqiqləşdirilməsi istiqamətində işlər görülməkdədir. Əldə olunan foto materialların arasında rəssamın əvvəllər çap olunmayan foto şəkilləri də vardır. Bütünlükdə üzə çıxarılan materialları böyük sənətkarın həyat və yaradıcılığının öyrənilməsinə böyük töhfə saymaq olar.

 

C:\Users\RS 5\Downloads\IMG_20171116_151132.jpgC:\Users\RS 5\Downloads\IMG_20171116_151300.jpg

C:\Users\RS 5\Downloads\IMG_20171116_151438.jpgC:\Users\RS 5\Downloads\IMG_20171116_151322.jpg

ŞƏRH YAZ
0

Dərbənddə Nizami Gəncəvinin abidəsinə xətər yetirildi — FOTO

Dərbənddə Nizami Gəncəvinin abidəsinə xətər yetirildi
14:07
21.11.2017
189
Mədəniyyət
A
"Dərbənddə şair Nizami Gəncəvinin abidəsinə xətər yetirilib. Şəhər meriyası təhlükəsizlik tələblərimizə cavab vermir".

"Ölkə.Az" xəbər verir ki, bunu Report-un Rusiya bürosuna açıqlamasında Dərbənd şəhərindəki Azərbaycan diasporunun rəhbəri Telman Hacəliyev deyib.

Onun sözlərinə görə, naməlum şəxslər şairin heykəlinin baş barmağını sındırıb və abidə ətrafındakı parkı pis vəziyyətə salıblar.

"Ağaclar kökü ilə qarışıq torpaqdan çıxarılıb, qazon tapdanıb. Müvafiq tədbirlərin görülməsi və vandalların cəzalandırılması üçün hüquq-mühafizə orqanlarına və meriyaya müraciət etmişik", - T.Hacəliyev bildirib.

Onun sözlərinə görə, bu, ilk belə hadisə deyil.

"2015-ci ilin yanvar ayında abidəni yandırmışdılar. Dağıstanın keçmiş rəhbəri Ramazan Abdulatipovun göstərişi ilə abidə bərpa edildi, onun ətrafında isə abadlıq işləri həyata keçirildi. Amma park ərazisində müşahidə kameraları quraşdırılmadı və buna görə də də belə əməli törədənlər məsuliyyətdən qaçmağı bacarır. Ümid edirəm ki, bu dəfə problemə daha ciddi yanaşacaqlar və cinayətkarlar yaxalanacaq", - diaspor rəhbəri vurğulayıb.

ŞƏRH YAZ
0
BAĞLA