Leyla Əliyeva və Arzu Əliyeva Nəsimi Festivalı çərçivəsində “Bahariyyə” musiqi layihəsinin təqdimatında iştirak ediblər — FOTO

Leyla Əliyeva və Arzu Əliyeva Nəsimi Festivalı çərçivəsində “Bahariyyə” musiqi layihəsinin təqdimatında iştirak ediblər
10:59
30.09.2018
4880
Mədəniyyət
A
Leyla Əliyeva və Arzu Əliyeva Nəsimi Festivalı çərçivəsində “Bahariyyə” musiqi layihəsinin təqdimatında iştirak ediblər

"Ölkə.Az" xəbər verir ki, Nəsimi – şeir, incəsənət və mənəviyyat Festivalı çərçivəsində sentyabrın 29-da Daş Salnamə Muzeyində “Bahariyyə” adlı musiqi layihəsinin təqdimatı keçirilib.

Tədbirdə Heydər Əliyev Fondunun vitse-prezidenti Leyla Əliyeva və Bakı Media Mərkəzinin prezidenti Arzu Əliyeva iştirak ediblər.

Nəsimi dühasından ilhamlanaraq hazırlanmış “Bahariyyə” adlı konsertdə muğam və elektron musiqiləri təqdim olunub. Tanınmış xanəndə, Əməkdar artist Teyyub Aslanovu tarda Əliağa Sədiyev, kamançada Elnur Mikayılov, zurna və balabanda Şirzad Fətəliyev, nağarada Kamran Kərimov müşayiət ediblər. Fərhad Fərzəliyevin təqdimatında elektron musiqi konsertə toplaşanlar tərəfindən maraqla qarşılanıb. Nəsiminin poetik dünyası muğam sənətinin və elektron musiqinin dili ilə sənətsevərlərə mükəmməl şəkildə çatdırılıb. Bəşəri sevgi və mənəvi oyanış mövzularında dinlənilən nəğmələr gecəyə xüsusi rəng qatıb.

Tədbirdən əvvəl, həmçinin dünya şöhrətli amerikalı iqtisadçı Ceremi Rifkinin “Empatik sivilizasiya və paylaşım iqtisadiyyatı” adlı videomühazirəsi dinlənilib. Sonra iştirakçıların sual-cavab sessiyası təşkil olunub.

Qeyd edək ki, Şərqin dahi şair və mütəfəkkirlərindən biri İmadəddin Nəsiminin (1369-1417) yaradıcılığına həsr olunan, şeir və sənətin yaşadılması məqsədi daşıyan festival Heydər Əliyev Fondunun təşkilatçılığı və Mədəniyyət Nazirliyinin dəstəyi ilə reallaşıb.

Sentyabrın 30-dək davam edəcək festival Nəsiminin fəlsəfi baxışlarını əks etdirən “Simadan – asimana” və onun öz kəlamından götürülən “Zərrə mənəm, günəş mənəm…” şüarları ilə təşkil olunub.

Ölkə.Az

ŞƏRH YAZ
0

“Avroviziya”da Naxçıvan və Qarabağla bağlı qalmaqal — FOTO

“Avroviziya”da Naxçıvan və Qarabağla bağlı qalmaqal
21:00
19.05.2019
3356
Mədəniyyət
A
Xəbər verdiyimiz kimi, ötən gecə İsrailin paytaxtı Tel-Əviv şəhərində keçirilən sayca 64-cü Avroviziya 2019 nüfüzlu, beynəlxalq mahnı müsabiqəsinin final mərhələsi baş tutdu. Yarışmanın qalibi isə 492 səslə Hollandiyanı təmsil edən Duncan Laurens və onun səsləndirdiyi “Arcade” mahnısı oldu.

"Ölkə.Az" bildirir ki, müsabiqədə təmsilçilərin çıxışı yekunlaşdırdıqdan sonra aparıcılar Ekspo Mərkəzin səhnəsindən səsverməyə start veriblər və 41 ölkəyə canlı bağlantılar həyata keçirilib. Müsabiqədə 2-ci birbaşa bağlantı Azərbaycan olub və ekrana həmin an ulduzlarla bəzədilən Azərbaycanın xəritəsini gəlib. Yayımlanan postkartda Qarabağın və Naxçıvan Muxtat Respublikasının göstərilməməsi sosial şəbəkə izləyicilərini qəzəbləndirib. Onlar bu hərəkəti Azərbaycana qarşı edilən növbəti təxribatın olduğuna dair müxtəlif təngidi fikirlər səsləndiriblər.

Yaşanan qalmaqallı olayla bağlı İctimai Televiziya və Radio Yayımları Şirkəti tərəfindən dərhal müsabiqə təşkilatçılarına və Avropa Yayımları Birliyinin rəhbərliyinə rəsmi şəkildə etiraz bildirilərək müraciət edilib. Hazırda bununla bağlı qarşı tərəfin açıqlamasını gözlənilir.

Qeyd edək ki, bu Azərbaycanla bağlı yarışmada yaşanan ilk köbud səhv deyil. Müsabiqənin ikinci yarım finalından sonra keçirilən mətbuat konfransında ölkə təmsilçimizin və Azərbaycanın “Avroviziya-2019” mahnı müsabiqəsi üzrə nümayəndə heyətinin rəhbəri Hüsniyyə Məhərrəmovanın ekrana gəldiyi görüntüsündə mikrofonun üzərindəki Azərbaycan bayrağının tərs yapışdırıldığı söz-söhbətlərə və sosial mediyada müzakirə predmetinə çevrilmişdi.

Ölkə.Az
ŞƏRH YAZ
0

“Eurovision”da Azərbaycana qarşı daha bir hörmətsizlik — FOTO

“Eurovision”da Azərbaycana qarşı daha bir hörmətsizlik
17:06
19.05.2019
3275
Mədəniyyət
A
Ötən gün "Eurovision-2019" beynəlxalq mahnı müsabiqəsinin final mərhələsi baş tutub.

"Ölkə.Az" xəbər verir ki, müsabiqənin qalibi Hollandiya olub, Azərbaycan isə yeddinci pillədə qərarlaşıb.

Amma diqqətdən yayınmayan məqam növbəti dəfə Azərbaycan bayrağına edilən hörmətsizlik olub.

Belə ki, Rusiyanın Azərbaycana 12 xal verməsi zamanı iştirakçılarımızdan birinin əlində bayrağımızın rəngləri səhv sıralamada nümayiş olunub. Bayraqda göy, qırmızı, yaşıl əvəzinə yaşıl, qırmızı, göy rəngləri olub. 

Ölkə.Az

ŞƏRH YAZ
0
BAĞLA