Leyla Əliyeva yeni yaradılmış fondun təqdimatında iştirak edib — FOTO

Leyla Əliyeva yeni yaradılmış fondun təqdimatında iştirak edib
15:12
19.05.2017
227
Ölkə
A
Bu gün “Həyat” Fondunun təqdimatı keçirilib.

"Ölkə.Az"ın APA-ya istinadən məlumatına görə, Fondun təsisçisi və direktoru, telejurnalist, “Xeyir” körpüsü verilişinin müəllifi və aparıcısı Nuran Hüseynovdur.

Təqdimat mərasimində Heydər Əliyev Fondunun vitse-prezidenti Leyla Əliyeva, Dövlət Təhlükəsizlik Xidmətinin rəisi Mədət Quliyev, ictimaiyyət nümayəndələri iştirak ediblər.

“Həyat” Fondunun təsis edilməsində məqsəd Azərbaycanda mövcud olan, qədim tarixi əsaslara söykənən xeyriyyəçilik ənənələrinə yeni bir nəfəs qatmaq, yeni bir yön verməkdir. Yardım etmək istəyən insanların və qurumların dəstəklərini yardıma ehtiyacı olan insanlara daha tez, effektiv çatdırmaq Fondun fəaliyyətinin əsasını təşkil edəcək.

“Həyat” Fondu yardımsevər insanların ianələri vasitəsi ilə maliyyələşdiriləcək. Ehtiyacı olan insanlar Həyat Fondunun internet səhifəsinə (www.heyat.az) daxil olaraq, orada müvafiq bölmədə nəzərdə tutulan anketi doldurmaqla rəsmi müraciət edə biləcəklər.

Eyni zamanda ənənəvi məktub formasında da müraciət etmək mümkün olacaq.

Təqdimat mərasimində çıxış edən “Həyat” Fondunun direktoru N.Hüseynov bildirib ki, Fondun həftədə 1 dəfə olmaqla, ATV telekanalında “Həyat” adlı verilişi də nəzərdə tutulub. Veriliş ehtiyacı olan insanların ehtiyaclarının ictimailəşdirilməsi, “Həyat” Fondunun dəstəyi ilə həyata keçirilmiş işlərin ictimaiyyətə çatdırılması məqsədi daşıyır. Verilişin aparıcısı N.Hüseynov olacaq.

Təqdimat mərasimində çıxış edən aktrisa Həmidə Ömərova Azərbaycan xalqının həmişə xeyirxahlığı ilə fərqləndiyini bildirib: “Çox sevinirəm ki, Nuran Hüseynov Heydər Əliyev Fondunun vitse-prezidenti Leyla Əliyeva ilə birlikdə belə bir işə başlayıb”.

IV İslam Həmrəyliyi Oyunlarının qalibi Rəsul Çunayev “Həyat” Fonduna fəaliyyətində uğurlar arzulayıb.

Dövlət Təhlükəsizlik Xidmətinin rəisi M.Quliyev 90-cı illərin əvvəllərində Azərbaycanda səriştəsiz idarəçilik səbəbindən ölkənin acınacaqlı duruma düşdüyünü söyləyib:

“Heydər Əliyev xalqın çağırışı ilə hakimiyyətə qayıtdı və Azərbaycan sürətli inkişaf yoluna qədəm qoydu. Bu gün Azərbaycanda İslam Həmrəyliyi Oyunları keçirilir, ölkəmiz inkişaf edir. İlham Əliyev və ailəsi bizim üçün bir nümunədir. Bu gün bizim üçün xoş bir gündür, dostumuzun Fondu fəaliyyətə başlayır. Bu gün bu tədbirdə Leyla Əliyevanın iştirakı “Həyat” Fonduna bir dəstəkdir”.

Tədbir digər çıxışlarla davam edib.

ŞƏRH YAZ
0

Şirvan Milli Parkında 2 ədəd raket aşkar olundu

Şirvan Milli Parkında 2 ədəd raket aşkar olundu
01:25
Bu gün
535
Ölkə
A
Ötən gün Dövlət Sərhəd Xidmətinin Sahil Mühafizə Xidməti və Fövqəladə Hallar Nazirliyinin Böhran Vəziyyətlərində İdarəetmə mərkəzindən ANAMA-ya Qaradağ rayonunun Ələt qəsəbəsi ərazisində 1 ədəd mərminin tapılması barədə məlumatlar daxil olub.

“Ölkə.Az” xəbər verir ki, məlumatlara əsasən, Agentliyin xüsusi mobil çevik əməliyyat qrupu və Dövlət Sərhəd Xidmətinin Sahil Mühafizə Xidmətinin əməkdaşları dərhal həmin əraziyə göndərilib.

Mütəxəssislər və Dövlət Sərhəd Xidmətinin Sahil Mühafizə Xidmətinin əməkdaşları tərəfindən birlikdə yuxarıda adı qeyd olunmuş ərazidə Şirvan Milli Parkının ərazisinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 2 ədəd 140 mm-lik raket (M-14) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Raketlərin tapıldığı yerin ətrafında 4 000 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

27 yaşlı qız çoxlu dərman içdi, zəhərləndi

27 yaşlı qız çoxlu dərman içdi, zəhərləndi
01:10
Bu gün
480
Ölkə
A
Qaxda 27 yaşlı qız dərmandan zəhərlənib.

"Ölkə.Az"ın APA-ya istinadən məlumatına görə, iyunun 19-u axşam saat 23:20 radələrində rayonun Cəlayır kənd sakini, 1991-ci il təvəllüdlü Əfsanə Salman qızı Cəlilova zəhərlənmə əlamətləri ilə Qax Mərkəzi Rayon Xəstəxanasının (MRX) reanimasiya şöbəsinə daxil olub.

MRX-dan verilən məlumata görə, müayinə zamanı 27 yaşlı Əfsanə Cəlilovanın yaşadığı ünvanda hələki məlum olmayan səbəbdən eyni adda 6 ədəd dərman həbi qəbul etdiyi məlum olub. Hazırda Əfsanə Cəlilovaya lazımi tibbi yardımlar edilir, vəziyyəti orta-stabildir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA