İlham Əliyevdən jest — İhsanoğlu xüsusi təyyarə ilə Türkiyəyə göndərildi

İlham Əliyevdən jest
20:20
21.03.2018
5656
Dünya
A
Bakıda infarkt keçirərək xəstəxanaya çatdırılan türkiyəli millət vəkili Ekmeleddin İhsanoğlu İstanbula aparılıb.

 “Ölkə.Az” xəbər verir ki, türk deputat Azərbaycan prezidenti İlham Əliyevin göstərişi ilə xüsusi təyyarə ilə aparılıb.

İstanbuldakı bir özəl xəstəxanada həkim nəzarətindən keçdikdən sonra evində istirahət edən İhsanoğluna Türkiyə prezidenti Ərdoğan və baş nazir Binəli Yıldırım zəng edib. Onlar millət vəkilinə sağlamlıq arzu edərək, istənilən köməyə və dəstəyə hazır olduqlarını qeyd ediblər.

Qeyd edək ki, 75 yaşlı millət vəkili ötən cümə günü Bakıda keçirilən “VI Qlobal Forum”da iştirak edərkən infarkt keçirib. Çıxışını yarıda kəsən deputat “Mərkəzi Klinik Xəstəxana”ya aparılıb. Həkimlər infarkt keçirən deputatı əməliyyat ediblər. 36 saat reanimasiyada saxlanılan deputat artıq İstanbulda müalicə olunmaq istəyib. Azərbaycan prezidenti İlham Əliyevin göstərişi ilə türk millət vəkili özəl təyyarə ilə İstanbula aparılıb.

Hikmət Həsənov
Ölkə.Az

 

ŞƏRH YAZ
0

İsrail qırıcıları Dəməşq aerportuna hücum edib

İsrail qırıcıları Dəməşq aerportuna hücum edib
20:54
Bu gün
2821
Dünya
A
İsrail Hərbi-Hava Qüvvələrinə məxsus F-16 qırıcıları Dəməşq beynəlxalq hava limanına hücum edib.

"Ölkə.Az" TASS-a istinadən xəbər verir ki, Suriya Hava Hücumundan Müdafiə kompleksləri hücumu dəf edib.

Bildirilir ki,aeroporta atılan yeddi raket “Pansir” və “Buk” komplekslərinin köməyi ilə zərərsizləşdirilib.

Hava limanının infrastrukturu zərər görməyib, tələfat va dağıntı yoxdur.

Ölkə.Az

ŞƏRH YAZ
0

ABŞ-da öldürülən azərbaycanlının meyiti vətənə gətirildi

ABŞ-da öldürülən azərbaycanlının meyiti vətənə gətirildi
19:42
Bu gün
4091
Dünya
A
ABŞ-da öldürülən azərbaycanlı Elçin Xəlilovun meyiti Azərbaycana gətirilib.

"Ölkə.Az" femida.az-a istinadən xəbər verir ki, Elçinin cənazəsi Bakı vaxtilə səhər 8:30-da Heydər Əliyev adına hava limanına çatdırılıb.

Meyiti qəbul etmək üçün Elçinin qardaşı və yaxın dostları Bakı aeroportuna gediblər. Mərhumun cəsədi dəfn olunmaq üçün doğulduğu Sumqayıt şəhərinə aparılıb. Dəfn mərasimi bu gün günorta saatlarında baş tutacaq.

Qeyd edək ki, Elçin Xəlilov Sumqayıtda 3 saylı orta məktəbi bitirib, 2011-ci ildə Memarlıq və İnşaat Universitetindən məzun olub. 2015-ci ildə qazanc məqsədi ilə ABŞ-a köçən gənc Şimali Karolina ştatında Şərqi Şarlot şəhərində "Fixer Electronic Repair" dükanını açıb. Elçin mobil telefonların satışı və təmiri ilə məşğul olub.

Bu il yanvarın 14-də yerli vaxtla səhər 11 radələrində onun sahibi olduğu mağazadan oğurluq etməyə çalışan şəxs Elçini güllələyərək öldürüb. Cinayətkar mağazadakı bütün pulları götürərək qaçıb. Polis hələ də onun izindədir.

Qeyd edək ki, dostları Elçinin meyitinin Azərbaycana ekstradisiyası üçün fond yaradıb. Qısa zamanda fonda 35 min dollar pul toplanıb və beləcə mərhumun cəsədi vətənə göndərilib.

Ölkə.Az

ŞƏRH YAZ
0
BAĞLA