Litva prezident seçkilərində 53,6 faiz seçici iştirak edib
Bu gün Litvada həyata keçirilən prezident seçkilərində və iki referendumda yerli vaxtla saat 19:00-a olan məlumata əsasən, seçicilərin 53,6 faizi səs verib.
"Ölkə.Az" Türkiyə mediasına istinadən xəbər verir ki, rəqəmlər vaxtından əvvəl səs verənlərin sayını göstərir.
Yerli vaxtla saat 16:00-a olan məlumatda isə bildirilib ki, seçicilərin 44,3 faizi səs verib.
Xatırladaq ki, bu gün Litva seçiciləri prezident seçkilərində və referendumda səs verirlər. Referendumda səsverməyə çıxarılan məsələlər ikili vətəndaşlığın tətbiqi və deputatların sayının 15 faiz ixtisar edilməsindən ibarətdir.
Ölkə.Az
