Livan ordusu İŞİD-ə qarşı hərbi əməliyyata başladı
"Ölkə.Az" xəbər verir ki, generalın açıqlamasına əsasən Ras Baalkbek, Əl-Fakihə və Əl-Kaa qəsəbələrinin dağlıq bölgəsində İŞİD terrorçularına qarşı "Dağların şəfəqi" adlı əməliyyatlara start verilib.
Açıqlamanın verildiyi saatlarda Livan ordusu dağlıq ərazidə İŞİD mövqelərinə top və raket hücumu edib. Livan hərbi hava qüvvələrinə məxsus helikopterlər də əməliyyata cəlb edilib.
Əməliyyatın keçirildiyi əraziyə gedən yollar ordu tərəfindən bağlanıb. Jurnalistlərə də bölgəyə yaxınlaşmağa icazə verilmir.
Prezident Mişel Avn da əməliyyatı yaxından izləyir. Livanın Qırmızı Xaç təşkilatının baş katibi Georq Kataneh bildirib ki, ərazidə 180 könüllü səhiyyə personalı və bir çox təcili tibbi yardım maşını var. Ehtiyac yarandığı halda orduya tibbi yardım göstəriləcək.
Hikmət Həsənov
Ölkə.Az
