Livan ordusu İŞİD-ə raket zərbəsi endirdi
Livan ordusu İŞİD terror qruplaşmasına raket zərbələri endirib.
"Ölkə.Az" xəbər verir ki, ordu Suriya sərhədindəki İŞİD mövqelərinə qarşı raket və hava hücumundan istifadə edib.
Bölgədən verilən məlumata əsasən Livan ordusu Ras Baalbek və Əl-Kaa bölgəsində İŞİD-ə aid mövqeləri vurub. Bombardmandan sonra terror təşkilatına məxsus bir çox hərbi texnika yararsız hala düşüb. Ordunun xüsusi təyinatlıları bölgədəki mövqeləri və strateji təpələri ələ keçirib.
Livan mətbuatının xəbərinə əsasən İŞİD-ə qarşı hücumlarda 3 livanlı əsgər yaralanıb.
Qeyd edək ki, Livan hökuməti 10 avqust tarixində İŞİD terrorçularına qarşı əməliyyat əmri verib.
Hikmət Həsənov
Ölkə.Az
