Livan prezidenti: \"Ərəb ölkələrindəki münaqişəyə görə məsuliyyət daşımırıq\"
Livanın prezidenti Ərəb Ölkələri Liqasının baş katibi Əhməd Əbul Geytlə görüşüb.
"Ölkə.Az" xəbər verir ki, Livan prezidenti görüş əsnasında maraqlı bəyanatlar səsləndirib: "Livan ərəb ölkələrində və regionda baş verən münaqişələrə görə cavabdehlik daşımır. Livan heç bir ölkəyə hücum etməyib və münaqişələrə görə stabillik və təhlükəsizliyi ilə cavab vermək istəmir".
Baş nazir Saad Haririnin istefasından sonra Livanda vəziyyət gərginləşib. Hariri Ər-Riyada səfəri zamanı "Hizbullah" və İranı Livanda, ərəb dünyasında araqızışdırıcılıq fəaliyyətində günahlandırıb.
İranin XİN rəhbəri isə Haririnin ittihamlarını əsassız adlandırıb. Hizbullahın lideri Həsən Nəsrulla isə deyib ki, Haririnin istefasını Səudiyyə Ərəbistanında axtarmaq lazımdır.
Hikmət Həsənov
Ölkə.Az
