"Lombard"ın əməkdaşına qarşı quldurluq edənlərə — 26 il HƏBS

14:31
17.10.2017
499
Hadisə
A
"Lombard"da çalışan şəxsə qarşı quldurluq edərək 7 min manatını ələ keçirməkdə təqsirləndirilən Tural Ağahüseynov, Surxay Cəfərov, Namid Aydınov və Rauf Azadovun cinayət işi üzrə məhkəmə başa çatıb.

"Ölkə.Az"ın lent.az-a istinadən məlumatına görə, Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə hökm oxunub.
 
Hakimlər kollegiyasının hökmünə əsasən Surxay Cəfərov 9 il 4 ay, Tural Ağahüseynov 9 il, Namid Aydınov və Rauf Azadov 8 il müddətinə azadlıqdan məhrum edilib.
 
Qeyd edək ki, Bakı şəhər sakini Pərvin Əliyev 102 xidmətinə məlumat verib ki, "Lombard"da çalışır və işdən evə gedən zaman naməlum şəxslər ona hücum edib, zor tətbiq etdikdən sonra cibində olan 7 min manat pulu ələ keçiriblər.
 
Təhlükəsiz Şəhər Xidməti və Nizami Rayon Polis İdarəsinin əməkdaşlarının əməliyyat-axtarış tədbirləri nəticəsində Pərvin Əliyevin 7 min  manat pulunu quldurluq yolu ilə almaqda şübhəli bilinən Saatlı rayon sakinləri - Tural Ağahüseynov, Surxay Cəfərov, Namid Aydınov və əvvəllər məhkum olunmuş Rauf Azadov tutulublar.

Dəstə üzvləri hadisə yerinə Surxay Cəfərovun avtomobili ilə gediblər. Bunun müqabilində onlar quldurluq yolu ilə əldə etdikləri puldan sürücüyə 1750 manat pul veriblər. Dəstə üzvlərinə Pərvin Əliyevdə külli miqdarda pul olması barədə məlumatı isə Namid Aydınov verib.
 
Məlum olub ki, onlar "Lombard"ın qarşısında uzun müddət gözləyiblər. Pərvin Əliyev işdən çıxan kimi onun maşına basıb əl qolunu bağlayaraq qaz balondan istifadə ediblər. Daha sonra onun pulunu götürüb, hadisə yerindən çıxıblar.

ŞƏRH YAZ
0

Badamdarda istifadəyə yararlı silah aşkarlanıb — FOTO

Badamdarda istifadəyə yararlı silah aşkarlanıb
00:08
Bu gün
254
Hadisə
A
Səbail rayonu, Badamdar qəsəbəsi ərazisində silah aşkar olunub.

Ərazilərin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, oktyabrın 18-i saat 16:16-da Daxili İşlər Nazirliyinin ″102″ Xidməti-Zəng mərkəzi sistemindən Agentliyə Bakı şəhəri, Səbail rayonu, Badamdar qəsəbəsi, 3-cü yaşayış sahəsində silahın tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və AnchorBakı şəhəri, Səbail rayon Polis idarəsinin əməkdaşları dərhal həmin əraziyə göndərilib.

Agentliyin mütəxəssisləri və Daxili İşlər Nazirliyinin Bakı şəhəri, Səbail rayon Polis idarəsinin əməkdaşları tərəfindən birlikdə yuxarıda adı qeyd olunmuş ərazidə yol kənarına baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd istifadəyə yararlı RPQ-7V1 silahı aşkar olunub, götürülərək Agentliyin müvəqqəti saxlama ərazisinə daşınıb.

Silahın tapıldığı yerin ətrafında 500 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ümumilikdə Agentlik tərəfindən 01 yanvar – 18 oktyabr 2018-ci il tarixlərində Ağdam, Ağcabədi, Ağstafa, Astara, Abşeron, Daşkəsən, Beyləqan, Biləsuvar, Bərdə, Cəlilabad, Füzuli, Tərtər, Tovuz, Qazax, Qaradağ, Naftalan, Goranboy, Göygöl, Yevlax, Xızı, Şəmkir, İsmayıllı, Lənkəran rayonları, Bakı, Gəncə və Sumqayıt şəhərləri ərazisində 28 ev və həyətyanı sahəyə, 21 əkin sahəsinə, 1 fərdi yaşayış evinin qarşısına, 2 ferma ərazisinə, 16 otlaq sahəsinə, meşə massivinə, su kanalına, çay sahilinə, Ağstafa su anbarının ətrafına, kənd qəbirstanlığının yaxınlığına, məişət tullantıları ərazisinə, yol kənarına, dəmiryolu xəttinin yaxınlığına, elektrik deposuna, RPŞ-nin inzibati ərazisinə, hərbi hissənin yaxınlığına, Avtovağzal ərazisinə, hava limanı ərazisinə, Yuxarı Qarabağ kanalına, "ADY Container" MMC-nin inzibati ərazisinə, SHXÇDX-nin anbarına, Qarqar çayına, Araz su nasosu stansiyasının yaxınlığına, beton zavod və bazar ərazisinə baxış keçirilib, 4,881 ədəd partlamamış hərbi sursat, 1 ədəd silah, 1 ədəd piyada əleyhinə mina, 10 ədəd tank əleyhinə mina və 73 kq partlayıcı maddə (ammonit № 6 JV-200) aşkar olunaraq zərərsizləşdirilib, 382,793 kv.m ərazi yoxlanılıb.

Ölkə.Az

ŞƏRH YAZ
0

Bakıda maşın yandı

Bakıda maşın yandı
23:12
18.10.2018
376
Hadisə
A
Bakı şəhərinin Səbail rayonunda “Mercedes” markalı minik avtomobilinin mühərrik hissəsi yanıb.

FHN-dən "Ölkə.Az"a verilən məlumata əsasən, avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Ölkə.Az

ŞƏRH YAZ
0
BAĞLA