Londonda Arzu Əliyevanın filminin nümayişi keçirildi — FOTO

Londonda Arzu Əliyevanın filminin nümayişi keçirildi
18:28
18.10.2017
725
Mədəniyyət
A

Oktyabrın 17-də Londonda - Böyük Britaniya parlamentinin Lordlar Palatasında “Hədəf Bakıdır. Hitler neft uğrunda döyüşü necə uduzdu” sənədli filmin nümayişi keçirilib. Londondakı tədbirdən əvvəl bu ilin may ayında Parisdə Ordu Muzeyində filmin Avropa premyerası keçirilib.

"Ölkə.Az"ın APA-ya istinadla xəbərinə görə, rəqəmsal qaydada bərpa olunan və rənglənmiş arxiv görüntülərinin istifadə edildiyi filmdə sovet ordusunun sıralarında faşizmə qarşı döyüşən və arxa cəbhədə qələbə üçün var gücü ilə çalışan azərbaycanlıların igidliyindən bəhs edilir. Filmin çəkilməsində məqsəd Azərbaycan xalqının faşizm üzərində qələbədə rolunu bütün dünyaya göstərmək və eyni zamanda, bu tarixi həqiqəti gələcək nəsillərə çatdırmaqdır.

“Hədəf Bakıdır. Hitler neft uğrunda döyüşü necə uduzdu” adlanan bu yeni sənədli film 2015-ci ildə Louis Vaudeville tərəfindən Robert Mugnerotun rejissorluğu ilə Bakı Media Mərkəzi ilə əməkdaşlıq şəraitində və Heydər Əliyev Fondunun dəstəyi ilə çəkilib. Layihənin rəhbəri Arzu Əliyevadır.

Tamamilə arxiv xronikalarından ibarət olan filmdə Bakının mexanikləşdirilmiş neftçıxarma yurdu olmasının vurğulanması, şəhərin dəblə geyinmiş insanlarla dolu küçələri, habelə Stokholm, Paris, Moskva və Varşavanı xatırladan binaları ilə Qafqazın Parisi kimi təsvir edilməsi izləyicilər üçün gözlənilməz olub. Xronometrajı 52 dəqiqə olan rəngli sənədli filmin çəkilişləri 14 ay davam edib.

Film üzərində çalışmalar zamanı Azərbaycan, Almaniya, ABŞ, Böyük Britaniya, Fransa və Rusiya arxivlərində 200 saatlıq videomaterial, habelə çoxsaylı fotolar və digər sənədlər araşdırılıb. Filmdə müharibənin ayrı-ayrı döyüş səhnələrini əks etdirən, bugünədək nümayiş olunmamış videokadrlar bərpa olunmuş rəngli formatda təqdim edilir.

Film Azərbaycan dili ilə yanaşı, rus, ingilis, fransız, alman, italyan və digər dillərə də tərcümə olunub. Filmin ilk premyerası 2015-ci ilin may ayında Bakıda keçirilib. “RMC Découverte” və “National Geographic” kanallarında nümayiş etdirilib.

ŞƏRH YAZ
0

Mehriban Xanlarova Bişkekdə mükafat aldı — Fotolar

Mehriban Xanlarova Bişkekdə mükafat aldı
19:04
18.11.2018
1882
Mədəniyyət
A
Akademik Milli Dram Teatrının kollektivi Bişkekdə Çingiz Aytmatovun 90 illik yubileyinə həsr olunan “Aytmatov və teatr” Beynəlxalq Teatr Festivalında iştirak edib.

“Ölkə.Az” xəbər verir ki, Azərbaycandan başqa festivala Rusiya, Qazaxıstan, Özbəkistan, Tacikistan və Qırğızıstan teatrlarının kollektivləri də qatılıb.

Festivalda Əməkdar artist Mehriban Xanlarova Çingiz Aytmatovun “Manqurt” tamaşasındakı Nayman Ana roluna görə “İkinci planda ən yaxşı qadın ifaçısı” mükafatına layiq görülüb.

Azərbaycan Dövlət Akademik Milli Dram Teatrının festivalda iştirakı Mədəniyyət Nazirliyinin və ölkəmizin Qırğızıstandakı səfirliyinin təşkilatçılığı ilə baş tutub.

Ölkə.Az

ŞƏRH YAZ
0

“Azərbaycan qədim tarixə və özünəməxsus mədəniyyətə malik ölkədir”

“Azərbaycan qədim tarixə və özünəməxsus mədəniyyətə malik ölkədir”
17:55
18.11.2018
998
Mədəniyyət
A
“Azərbaycan qədim tarixə və özünəməxsus mədəniyyətə malik olan ölkədir. Təəssüf ki, indiyədək Azərbaycanda olmamışam. Amma Azərbaycana səfər etmək arzusundayam. Azərbaycana gedərək Qafqaz dağlarının gözəlliklərini seyr etmək istərdim.

“Ölkə.Az” xəbər verir ki, bu sözləri AZƏRTAC-a müsahibəsində Çinin kurort zonası olan Xaynan adasının Sanya şəhərinin meri A Dun deyib. O, Sanya şəhərində keçirilən 3-cü beynəlxalq mədəni sənaye sərgisi vasitəsilə Azərbaycanla əlaqələr qurmağa başladığını bildirib.

“Mən inanıram ki, Çin ilə Azərbaycan arasında münasibətlər davamlı olaraq inkişaf edəcək. Sanya şəhəri də bu gözəl münasibətlərdən bəhrələnərək, Azərbaycan ilə əməkdaşlığı genişləndirəcək. Dostluq və əməkdaşlığın inkişafı üçün şəhərimizin nümayəndə heyətinin Azərbaycana səfərini təşkil edərək, ölkənizdə müvafiq görüşlərin keçirilməsini düşünürük”, - deyə A Dun söyləyib.

Mer ümidvar olduğunu bildirib ki, gələcəkdə Azərbaycandan olan çoxlu sayda qonaq və turist Sanyaya səfər edərək, şəhərin gözəlliklərindən zövq alacaq. Bu cür qarşılıqlı turist səfərləri iki ölkə arasındakı münasibətlərə də öz töhfəsini verəcək.

Ölkə.Az

ŞƏRH YAZ
0
BAĞLA