Londonda yenə də yaşayış binasında yanğın

"Ölkə.Az" xəbər verir ki, hadisə Betnal Qrin rayonunda qeydə alınıb. Məlumat daxil olan kimi hadisə yerinə yanğınsöndürən və xilasedicilər cəlb olunublar. Xilasedicilər binada məskunlaşan  72 nəfəri evakuasiya ediblər.

Hadisə barədə yanğınsöndürmə xidmətinə 50-dən çox zəng gəlib. Bu da Londan əhalisinin 10 gün bundan əvvəl baş vermiş dəhşətli yanğın şokundan hələ də özlərinə gələ bilmədiklərinə işarədir. Yanğınla bağlı ilk zəng yerli vaxtla saat 16:25-də daxil olub.

Yanğın binanın üçüncü mərtəbəsindən başlayıb. Daha sonra alov digər evlərə və mərtəbələrə də keçib. Hadisənin səbəbləri hələlik məlum deyil.  

Qeyd edək ki, iyunun 14-də Londonun Kensinqton rayonunda 27 mərtəbəli yaşayış binasında baş verib. Gecə saatlarında başlayan yanğın səhərə qədər davam edib. Hadisə yerinə 200-dən çox yanğınsöndürən göndərilib. Hadisə zamanı 79 nəfər ölüb.

Ziya Səccad
Ölkə.Az