Lotu Qulinin sağ əli Tiflisdə qətlə yetirildi
Dünən gecə saatlarında Gürcüstanın paytaxtında qətl hadisəsi baş verib.
"Ölkə.Az" xəbər verir ki, Abanotubani rayonunda azərbaycanlı odlu silahla qətlə yetirilib. Artıq öldürülən azərbaycanlının şəxsiyyəti müəyyənləşdirilib.
Gürcüstan mətbuatının xəbərinə əsasən bu, 1975-ci il təvəllüdlü Elçin Məmmədovdur. Elçin kriminal aləmdə "Lotu Quli" kimi tanınan kriminal avtoritet Nadir Səlifovun sağ əlidir. Məmmədovun adı mərhum kriminal avtoritet Rövşən Lənkəranskinin qətlində də hallanır.
Əldə edilən məlumata əsasən Elçinin meyiti gecə saatlarında "Toyota" markalı maşında aşkar edilib. Elçin Rusiyada cinayət əməllərinə görə axtarışda olub.
Hadisə şahidləri bildiriblər ki, qətlə yetirilən şəxs başqa bir nəfərlə restoranda olub və onlarına arasında mübahisə baş verib.
Hikmət Həsənov
Ölkə.Az
