"İlqar Məmmədov sadəcə həbsdə olan məhbuslardan biridir" — YAP Siyasi Şurasının üzvü

17:37
07.12.2017
2964
Siyasət
A
Prezidentin köməkçisi verdiyi açıqlama ilə İlqar Məmmədovun azadlığa buraxılacağı ehtimalını gündəmə gətirib.

Azərbaycan Respublikası Prezidentinin Xarici siyasət məsələləri üzrə köməkçisi – şöbə müdiri Novruz Məmmədov açıqlamasında bildirib ki, 2017-ci ilin dekabrın 1-dən etibarən İ.Məmmədov məhkəməyə müraciəti əsasında cəza müddətinin 2/3 hissəsini çəkdiyinə görə şərti azadlığa buraxılma hüququna malik ola bilər.

Novruz Məmmədovunn səsləndirdiyi bu fikir ekspertlər və ictimayət arasında İlqar Məmmədovun yaxın zamanda azadlığa buraxılacağı kimi dəyərləndirilib.

Avropa Şurasının Azərbaycan iqtidarından İlqar Məmmədovun azadlığa buraxılma tələbi və Novruz Məmmədovun səsləndirdiyi fikirə YAP Siyasi Şurasının üzvü, millət vəkili Musa Urud "Ölkə.Az"da münasibət bildirib:

"Azərbaycanda yüzlərlə məhbus var. İlqar Məmmədov da o məhbuslardan biridir. O, azadlığa da çıxa, əfv də oluna, amnistiyaya da düşə, şərti azadlığa da buraxıla bilər. Bunlara biz niyə bu qədər ajiotajla fikir bildiririk, vaxt ayırırıq, anlamıram. Avropa Şurasının, Avropa İttifqının maraqları nədir başa düşmürəm. Əgər söhbət insan haqlarından gedirsə digər məhbuslar da insandır və onların da haqları var. O zaman Avropa Şurasının səmimiliyinə inanaram ki, 1 milyon qaçqın və məcburi köçkünün haqqını düşünərlər və onların vətənlərinə qayıtmasını tələb edərlər. Bu baş verərsə, o zaman İlqar Məmmədovun haqqını tələb edəndə deyərəm ki, kişilər ədalətlidirlər, tərəf tutmurlar, qanun və insan hüquqlarının əsl müdafiəçiləridirlər. Ancaq onlar istər-istəməz kiminsə adından istifadə edərək Azərbaycanın daxili işinə qarışmaq, Azərbaycan iqtidarına, prezidentinə təzyiq etmək, bununla da özlərinin maraqlarını həyata keçirmək istəyirlərsə, belə şeylər Azərbaycanda keçməyəcək. Çünki prezident İlham Əliyev dəfələrlə öz fikirlərində bəyan edib ki, Azərbaycanda yeganə iradə Azərbaycan xalqının iradəsidir. Azərbaycanın həyatına yeganə təsir edən qüvvə Azərbaycan xalqıdır".

Novruz Məmmədovun bu məsələ ilə bağlı açıqlama verməsinə gəldikdə isə, millət vəkili bildirib ki, onun fikirlərinə hörmətlə yanaşır:

"Hesab edirəm ki, o lazımi cavabı verib. Eyni zamanda düşünürəm ki, məhbusları hansı partiyanın üzvü olmağına, hansı mövqedə durmağına görə fərqləndirməməliyik. Qanun hamıya eyni dərcədə şamil olunmalıdır".

İlqar Məmmədovun əfv edilməsi üçün prezidentə təqdim olunacaq müraciətə gəldikdə isə, Əfv Məsələləri Komissiyasının üzvü Rəşad Məcid "Ölkə.Az"-a açıqlamasında bildirib ki, bu məsələ onun səlahiyyətində deyil:

"Bu cür məsələlərlə işçi qrupu məşğul olub prezidentə təklif edir. Əfv komissiyasının iclasları dekabrda olmayacaq. Əfv komissiyasının iclasları yəqin ki, Novruz bayramında olacaq. Ancaq prezidentin müstəsna səlahiyyətidir ki, ona təqdim edilən şəxsi, komissiyadan kənar əfv etsin".

Səxavət Məmməd
Ölkə.Az

ŞƏRH YAZ
1

Prezident onları təltif etdi — SİYAHI

Prezident onları təltif etdi
17:35
18.12.2017
1274
Siyasət
A
Prezident İlham Əliyev Azərbaycan Respublikasında idmanın inkişafında xidmətləri olan bir qrup şəxsin “Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb.

"Ölkə.Az" xəbər verir ki, sərəncamla Azərbaycanda idmanın inkişafında xidmətləri olan aşağıdakı şəxslər “Azərbaycan Respublikası Prezidentinin fəxri diplomu” ilə təltif ediliblər:

Gözəl Tahir Abdolbari oğlu

Qayıbov Fərid Fazil oğlu

Məmmədov Elxan Salhab oğlu.

Dövlət başçısının digər sərəncamı ilə Azərbaycanda idmanın inkişafında xidmətləri olan aşağıdakı şəxslərə Azərbaycan Respublikasının fəxri adları verilib:

“Əməkdar bədən tərbiyəsi və idman xadimi”

Axundzadə Ağayar Əbdüləzim oğlu

Babayev Nağı Məcidoviç

Davudov Vaqif Cəlil oğlu

Əhmədov Kamal Məhəmməd oğlu

Əliyev Qərib Tələt oğlu

Hüseynov Firat Alışan oğlu

Meftahəddinova Zemfira Əli qızı

“Əməkdar jurnalist”

Şirəliyev Aslan Bəybala oğlu

“Əməkdar həkim”

İsgəndərov Kamil Vəliyullah oğlu.

Bundan başqa, Prezident Azərbaycanda idmanın inkişafında xidmətlərinə görə Əhəd Əliağa oğlu Əliyevə Azərbaycan Respublikası Prezidentinin fərdi təqaüdünün verilməsi barədə də sərəncam imzalayıb.

ŞƏRH YAZ
0

Elmar Məmmədyarov Rusiya səfiri ilə vida görüşü keçirdi

Elmar Məmmədyarov Rusiya səfiri ilə vida görüşü keçirdi
17:24
18.12.2017
792
Siyasət
A
Xarici işlər naziri Elmar Məmmədyarov Rusiyanın Azərbaycandakı fövqəladə və səlahiyyətli səfiri Vladimir Doroxini diplomatik fəaliyyətinin başa çatması münasibətilə qəbul edib.

Xarici İşlər Nazirliyinin mətbaut xidmətindən "Ölkə.Az"a verilən məlumata görə, görüşda Azərbaycan və Rusiya arasında münasibətlərin hazırkı səviyyəsindən, yüksək səviyyəli səfərlər mübadiləsindən məmnunluq ifadə olunub.

Səfir V.Doroxin fəaliyyət müddəti ərzində Azərbaycan və Rusiya arasında ikitərəfli münasibətlərin möhkəmləndirilməsi istiqamətində səylə çalışdığını bildirib və ölkələr arasında münasibətlərin səmimi xarakterinin bundan sonra da davam etdiriləcəyinə, əldə olunmuş təcrübənin hər iki dövlət və xalqların maraqları naminə istifadə ediləcəyinə ümidvar olduğunu vurğulayıb. V.Doroxin həmçinin Azərbaycanın sabitliyi və tərəqqisi istiqamətində Azərbaycan hökumətinə uğurlar arzulayıb. 

Nazir Elmar Məmmədyarov fəaliyyəti müddətində səfir V.Doroxinin dövlətlər arasında münasibətlərin inkişafına töhfə verdiyini bildirərək, ona təşəkkür edib və gələcək fəaliyyətində uğurlar arzulayıb. 

ŞƏRH YAZ
0
BAĞLA