İlqar Məmmədovla bağlı daha bir MÜHÜM GƏLİŞMƏ — Prezidentə müraciət edildi

İlqar Məmmədovla bağlı daha bir MÜHÜM GƏLİŞMƏ
16:18
07.12.2017
10549
Siyasət
A
Azərbaycanın bir sıra insan haqları müdafiəçiləri Azərbaycan prezidenti İlham Əliyevə müraciət edib.

"Ölkə.Az"ın xəbərinə görə, müraciətdə deyilir: "Hörmətli cənab Prezident!

Çox çətin geopolitik şərtlər altında Azərbaycan dövlətinin güclənməsi üçün gördüyünüz işlər ölkədə vətəndaş sülhünə töhfə verməkdədir. Ancaq insan haqları sahəsində həllini gözləyən bir sıra problemlər var ki, onları yenidən sizin diqqətinizə çatdırmağı özümüzə borc bilirik.

Eleonora Ruzvelt tərəfindən hazırlanan Ümumdünya İnsan Haqları Bəyannaməsinin 70 illiyi 2018-ci ildə bütün dünyada böyük təntənə ilə qeyd olunacaq. Təbii, sivil dünyanın bir parçası kimi insan hüquq və azadlıqlarına dəyər verən Azərbaycan Respublikası bu prosesdən kənarda qalmayacaq. Ümid edirik ki, uzun illərin ənənəsini davam etdirərək bu il də bir sıra məhbusların azad edilməsinə fərman verəcəksiniz.

Ümumdünya İnsan Haqları Bəyannaməsinin 70 illiyinin astanasında Sizə müraciət edərək rəsmi Bakı ilə beynəlxalq qurumlar arasında müzakirə obyekti olan məhbusların azad edilməsini rica edirik. Sizin bu humanist addımınız, biz hüquq müdafiəçilərinin bayramına böyük hədiyyə olar, eyni zamanda 31 Dekabr Dünya Azərbaycanlılarının Həmrəylik Günü ərəfəsində cəmiyyətdə vətəndaş sülhünün yaranmasına xidmət edər".

Müraciəti Dilarə Əliyeva adına Qadın Hüquqları Cəmiyyətinin sədri Novella Cəfaroğlu, İnsan Haqları və Qanunçuluğun Müdafiəsi İctimai Birliyinin sədri Səidə Qocamanlı, Beynəlxalq İnsan Hüquqları Cəmiyyəti Azərbaycan Milli Bölməsi İctimai Birliyinin sədri Səadət Bənənyarlı, Hüquq Müdafiə Mərkəzi İdarə Heyətinin üzvü Zəlihə Tahirova, Neftçilərin Hüquqlarının Müdafiə Təşkilatı İB-nin sədri Mirvari Qəhrəmanlı, Helsinki Vətəndaş Assambleyasının Azərbaycan Milli Komitəsinin sədri Arzu Abdullayeva və Humanitar Tədqiqatlar Mərkəzi İB-nin sədri Əvəz Həsənov imzalayıblar.

ŞƏRH YAZ
0

Bu gün Milli Məclisin plenar iclası keçiriləcək

Bu gün Milli Məclisin plenar iclası keçiriləcək
10:51
Bu gün
298
Siyasət
A
Azərbaycan Milli Məclisinin növbədənkənar sessiyasının növbəti plenar iclası keçiriləcək.

“Ölkə.Az” xəbər verir ki, iclasın gündəliyinə 49 məsələ daxildir.

İclasda əvvəlcə "Azərbaycan Respublikasının 2018-ci il dövlət büdcəsinin icrası haqqında" (üçüncü oxunuş), "Azərbaycan Respublikasının 2019-cu il dövlət büdcəsi haqqında" (birinci oxunuş), "Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında" (birinci oxunuş) qanun layihələrinə baxılacaq.

Gündəliyə "Məhkəmələr və hakimlər haqqında", "Əmək pensiyaları haqqında", "Dövlət rüsumu haqqında", "Yol hərəkəti haqqında" qanunlarına, o cümlədən Cinayət, Cinayət-Prosessual, İnzibati Xətalar, Mülki, Mülki Prosessual, Miqrasiya, Vergi və Su məcəllələrinə dəyişiklik layihələri də daxildir.

Deputatlar "Lombardlar haqqında" qanun layihəsini də (birinci oxunuş) müzakirə edəcəklər.

Plenar iclasın davamı iyunun 28-də keçiriləcək.

ŞƏRH YAZ
0

NATO-dan Rusiyaya xəbərdarlıq

NATO-dan Rusiyaya xəbərdarlıq
23:22
26.06.2019
5987
Siyasət
A
NATO baş katibi Yens Stoltenberq Rusiyaya Orta Mənzilli Nüvə Qüvvələri Müqaviləsinə aid (INF) öhdəliklərini yerinə yetirməsi üçün müraciət edib.

“Ölkə.Az” TRT-yə istinadən xəbər verir ki, Stoltenberq əks halda NATO-nun cavab verməli olacağı barədə xəbərdarlıq edib:

“Rusyanın INF müqaviləsini xilas etmək üçün avqustun 2-ə qədər vaxtı var. Rusiyaya müqavilənin öhdəliklərini yerinə yetirməsi üçün müraciət etməyə davam edirik. Lakin bu baş verməsə, NATO cavab verməli olacaq”.

O, bu məsələnin çox ciddi məsələ olduğunu qeyd edərək, vaxtın daraldığını, NATO-nun görə biləcəyi tədbirləri müzakirə edəcəyini və bunları avqustun 2-dən sonra həyata keçirməyə başlayacağını qeyd edib.

Ölkə.Az

ŞƏRH YAZ
0
BAĞLA