Lüksemburqda Azərbaycanın fəxri konsulluğunun təsis edilməsi təklif edildi

Lüksemburqda Azərbaycanın fəxri konsulluğunun təsis edilməsi təklif edildi
09:42
20.10.2017
558
Siyasət
A
Bakıda səfərdə olan Böyük Lüksemburq Hersoqluğu Xalq Partiyasının funksioneri, keçmiş deputat Jak-lv Henkesin başçılıq etdiyi nümayəndə heyəti Azərbaycan Xarici İşlər Nazirliyində görüş keçirib.

“Ölkə.Az”-ın məlumatına görə, görüşdə Avropa Azərbaycanlıları Konqresinin (AAK) prezidenti Sahil Qasımov, Azərbaycan-Lüksemburq parlamentlərarası əlaqələr üzrə işçi qrupunun rəhbəri, Milli Məclisin deputatı Elmira Axundova da iştirak edib. 

E.Axundova bildirib ki, nazirlikdə qonaqları XİN İkinci Avropa idarəsinin rəisi, fövqəladə səfir İlqar Muxtarov qəbul edib.

İşçi qrupunun rəhbəri bildirib ki, görüşdə iki ölkə arasındakı münasibətlərdə diplomatik əlaqələrin, o cümlədən parlamentlərarası işçi qrupunun fəaliyyətinin genişləndirilməsi müzakirə olunub. Görüş zamanı Lüksemburq hakim partiyasının rəsmisi bildirib ki, Azərbaycan ölkəsi üçün maraqlıdır, amma təəssüf ki, hələ ki əlaqələr tam səviyyədə qurulmayıb. 

İ.Muradov da öz növbəsində Lüksemburqla əlaqələrin əhəmiyyətinə toxunub, bu ölkədə Azərbaycan lobbiçiliyinin artırılmasının vacibliyini qeyd edib.

Lüksemburqun bir çox sahələr üzrə Avropanın mərkəzi ölkəsi olduğunu xatırladan J.Henkes Azərbaycanla daha yüksək əlaqələrə maraqlı olduqlarını bildirib: 

“Bizim bir çox iqtisadi əlaqələrimiz var, amma diplomatik və parlamentlərarası əlaqələri də genişləndirmək niyyətindəyik”. 

O deyib ki,  Azərbaycanın işğal olunmuş əraziləri, Ermənistan-Azərbaycan arasında münaqişəyə dair ona bu səfər çərçivəsində bir sıra həqiqətlər məlum olub, yazılı materiallar əldə edib və bundan Avropada azərbaycanlıların həqiqətlərinin çatdırılması üçün geniş istifadə edəcək: “Dağlıq Qarabağla bağlı Azərbaycan həqiqətlərini Avropada təbliğ edəcəyik”.

Görüşdə AAK prezidenti Sahil Qasımov Lüksemburqdakı yerli ictimai-siyasi rəyi də əsas gətirərək orada Azərbaycanın fəxri konsulluğunun təsis edilməsi, fəxri konsulun seçilməsi məsələsinə baxılmasını təklif edib. XİN rəsmisi təklifi dəyərləndirib və rəhbərliyə məruzə edəcəyini bildirib.

Vasif Həsənli
Ölkə.Az

ŞƏRH YAZ
0

"Milanda Bakı ilə Yerevan arasında qarşılıqlı anlaşma əldə olundu" — Nazir

21:37
Bu gün
2302
Siyasət
A
Hesab edirəm ki, Milanda keçirilən son görüşdə ermənistanlı həmkarımla uzun müddətdən bəri ilk dəfə qarşılıqlı anlaşma əldə etdik.

"Ölkə.Az" interfaks-a istinadən xəbər verir ki, bunu diplomatik korpus rəhbərləri üçün 2018-ci ilin yekunlarına həsr olunmuş qəbulda Azərbaycan xarici işlər naziri Elmar Məmmədyarov bəyan edib.

Nazir qeyd edib ki, Qarabağ münaqişəsinin nizamlanması yollarının axtarılması 2019-cu ildə Azərbaycanın əsas vəzifəsi olacaq.

“Vaxtın əksər hissəsini Dağlıq Qarabağ münaqişəsinin həlli yollarının axtarışına sərf etmişəm. Bu, gələn ildə də başlıca vəzifə olacaq. Əsas məqsəd nəzərəçarpacaq nəticələrin əldə edilməsidir”, - deyə o vurğulayıb.

Məmmədyarov bildirib ki, 2019-cu ilin yanvar ayında Ermənistan XİN rəhbəri Zöhrab Mnatsakanyanla görüşdə də münaqişənin sülhlə nizamlanması yolları müzakirə olunacaq:

“Münaqişənin həlli yollarını müzakirə edəcəyik. Azərbaycan münaqişənin sülh yolu ilə nizamlanmasının tərəfdarıdır”.

Ölkə.Az

ŞƏRH YAZ
0

Azərbaycan-Türkiyə 11-ci Yüksək Səviyyəli Hərbi Dialoq İclası başlayıb — FOTO

Azərbaycan-Türkiyə 11-ci Yüksək Səviyyəli Hərbi Dialoq İclası başlayıb
20:43
Bu gün
2437
Siyasət
A
Ankarada Azərbaycan-Türkiyə 11-ci Yüksək Səviyyəli Hərbi Dialoq İclası öz işinə başlayıb.

"Ölkә.Az" bildirir ki, Müdafiə Nazirliyindən oxu.az-a verilən məlumata görə, əvvəlcə Azərbaycan nümayəndə heyəti Ankara şəhərindəki Heydər Əliyev parkını ziyarət edib. Azərbaycan Respublikasının Müdafiə Nazirliyi adından ulu öndərin abidəsi önünə əklil qoyulub.

Nümayəndə heyəti həmçinin Atatürk mövzoleyini də ziyarət edib. Azərbaycan Respublikasının Müdafiə Nazirliyi adından Atatürkün məzarı önünə əklil qoyulub.

Sonra nümayəndə heyətləri plenar açılış iclasında geniş tərkibdə iştirak ediblər. İclasda həmsədrlərin açılış nitqləri səsləndirilib və regional təhlükəsizlik mühitinin vəziyyətinə dair brifinqlər təqdim olunub.

Daha sonra iclas yardımçı işçi qruplarda davam edib.

Dekabrın 20-dək davam edəcək iclasda Azərbaycan ilə Türkiyə arasında təhlükəsizlik, hərbi, hərbi-texniki, hərbi tibb, hərbi təhsil, hərbi sənaye və digər sahələrdə əməkdaşlığın hazırkı vəziyyəti, inkişaf perspektivləri, hər iki ölkənin orduları arasında dostluq əlaqələrinin möhkəmləndirilməsi məsələləri, eləcə də 2019-cu ildə qarşıda duran vəzifələrin yerinə yetirilməsi üçün əsas fəaliyyət istiqamətləri müzakirə ediləcək.

Hərbi dialoq çəçivəsində müzakirələrdə cari ildə görülmüş işlər təhlil edilərək 2019-cu il üçün fəaliyyət planı razılaşdırılacaq.

Qeyd edək ki, iclasın Azərbaycan tərəfindən həmsədri Müdafiə nazirinin şəxsi heyət üzrə müavini - Şəxsi Heyət Baş İdarəsinin rəisi general-leytenant Kәrim Vәliyev,  Türkiyə tərəfindən isə Baş Qərargahın ikinci rəisi korpus generalı Mәtin Gürakdır.

Ölkә.Az

ŞƏRH YAZ
0
BAĞLA