Lütfi Zadənin nəşi nə zaman gətiriləcək?

Lütfi Zadənin nəşi nə zaman gətiriləcək?
11:03
13.09.2017
195
Ölkə
A
"Baş Konsulluğumuz görkəmli alim Lütfi Zadənin həyatının son anlarınadək onun səhhəti ilə yaxından maraqlanıb, həm özü, həm oğlu, həm də yanındakı şəxslərlə daim əlaqədə olub".

"Ölkə.Az" xəbər verir ki, bunu APA-ya açıqlamasında Azərbaycan Respublikasının Los Ancelesdəki baş konsulu Nəsimi Ağayev deyib.
 
Baş konsul qeyd edib ki, hazırda Lütfi Zadənin arzusuna uyğun olaraq, onun nəşinin Azərbaycana göndərilməsi ilə bağlı sənədləşmə işləri yekunlaşmaq üzrədir: "Ən yaxın günlərdə professorun nəşinin Bakıya göndərilməsi nəzərdə tutulur".
 
N. Ağayev Lütfi Zadənin vəfatının həm Azərbaycan, həm də dünya elmi üçün böyük itki olduğunu deyib: “Onun elmi kəşfləri və nəzəriyyələri alimə qlobal miqyasda böyük şöhrət qazandırıb. Təsadüfi deyil ki, ABŞ-ın ən tanınmış qəzetlərindən olan “New York Times” alim haqda dərc etdiyi məqaləsində Lütfi Zadənin “qeyri-səlis məntiq” nəzəriyyəsinin linqvistika, iqtisadiyyat və təbabətdən tutmuş məişət cihazlarının inkişafınadək müxtəlif sahələrə böyük təsir göstərdiyini qeyd edib. Hələ həyatda ikən onunla dəfələrlə ünsiyyətdə olmaq xoşbəxtliyinə malik olmuş şəxslərdən biri kimi söyləyə bilərəm ki, Lütfi Zadə nəinki dahi alim, həm də öz təvazökarlığı, sadəliyi və xeyirxahlığı ilə seçilən böyük insan idi”.
 
N. Ağayev Lütfi Zadənin həmişə Azərbaycanın uğurları üçün sevindiyini də dilə gətirib: “O, daim söhbətlərimizdə Azərbaycanın bugünkü inkişafı, prezident İlham Əliyevin rəhbərliyi altında dövlətimizin günü-gündən daha da qüdrətlənməsinin onu bir azərbaycanlı kimi olduqca sevindirdiyini vurğulayırdı. Professor Lütfi Zadə tez-tez “Azərbaycanın mənim qəlbimdə xüsusi yeri var” deyirdi.
 
2016-cı ilin sentyabr ayında Azərbaycan Milli Elmlər Akademiyasının Nizami Gəncəvi adına Qızıl Medalının Lütfi Zadəyə təqdim olunması üçün Baş Konsulluğumuz onun işlədiyi Kaliforniya Berkli Universiteti ilə birgə təntənəli tədbir keçirmişdi. Professor Zadə həmin tədbirdə çıxışında Azərbaycan rəhbərliyi tərəfindən ona daim göstərilən diqqəti yüksək qiymətləndirdiyini və Azərbaycanın müstəqil dövlət kimi uğurları ilə fəxr etdiyini bildirmişdi”.

ŞƏRH YAZ
0

DİM imtahanda dəyişiklik etdi

DİM imtahanda dəyişiklik etdi
12:00
Bu gün
337
Ölkə
A
Dövlət İmtahan Mərkəzi mayın 20-də IV ixtisas qrupu üzrə qəbul imtahanında istifadə olunan riyaziyyat fənni üzrə 25-ci test tapşırığının etalon cavabında dəyişiklik edib.

Mərkəzdən "Ölkə.Az"a verilən məlumata görə, dəyişikliyə əsasən, uyğunluqdakı 3dc cavabı 3d cavabı ilə əvəz olunub.

ŞƏRH YAZ
0

“Google”-un gizli araşdırması üzə çıxdı — İnsanların davranışları manipulasiya ediləcək?

“Google”-un gizli araşdırması üzə çıxdı
10:50
Bu gün
2691
Ölkə
A
İngiltərənin prestijli qəzetlərindən sayılan “The Times” qəzeti “Google” şirkətinin “X” adlı gizli araşdırma qurumu tərəfindən 2016-cı ildə hazırlanan səkkiz dəqiqəlik bir videonun kənara sızdırıldığını bildirib.

“Ölkə.Az” xəbər verir ki, qəzetin məlumatına əsasən, “Google” insanların davranışlarını manipulasiya etmək və bütün canlıların xeyrinə olacaq nəticələr əldə etmək üçün fərdlər haqqında topladığı böyük məlumatlardan istifadə edib.

8 dəqiqəlik video çarxda “Google” əlindəki məlumatları “qeyd dəftəri” olaraq adlandırır və insanların hərəkətlərinin şirkətin faydasına uyğun bir formada təsir edə biləcəyini qeyd edir.

“Google” bir insan haqqında kifayət qədər məlumat sahibi olmadığı vəziyyətlərdə bu fərd haqqında məlumat əldə etmək üçün müxtəlif üsullara baş vurur.

Hikmət Həsənov
Ölkə.Az

ŞƏRH YAZ
0
BAĞLA