Lütfi Zadənin oğlundan ilginc açıqlamalar: “Atam soykökünü heç vaxt danmayıb...”

Lütfi Zadənin oğlundan ilginc açıqlamalar: “Atam soykökünü heç vaxt danmayıb...”
00:05
13.08.2017
32
Ölkə
A
Görkəmli azərbaycanlı alim, süni intelellekt sahəsində qeyri-səlis məntiq nəzəriyyəsinin banisi, Kaliforniya Berkli Universitetinin professoru Lütfi Zadənin Azərbaycanda dəfn olunmasıyla bağlı vəsiyyəti bir neçə gündür, müzakirə mövzsusudur. Bir çox tanınmışlar, ziyalılar mətbuatda çıxış edərək Lütfi Zadənin Azərbaycana bağlı adam olmadığını, ölkəmiz üçün heç bir şey etmədiyini, vəsiyyətinin isə uydurma olduğunu səsləndirirlər.

Ölkə.Az xəbər verir ki, BakuPost.az-ın əməkdaşı məsələnin aktuallığını nəzərə alaraq Lütfi Zadənin oğlu Norman Zadədən açıqlama alıb. N. Zadə Lütfi Zadənin Azərbaycanda dəfn edilməklə bağlı vəsiyyəti uzun müddət əvvəl etdiyini vurğulayıb: "Atam dünyada qəbul olunan böyük alimlərdən biridir. Ömrü boyu elmlə məşğul olub. O, öz nailiyyətləri ilə millətinə, yaşadığı, onu yetişdirən ölkəyə həmişə başucalığı gətirib. Azərbaycanlı olduğunu da heç vaxt danmayıb. Araşdıra bilərsiniz, harada tərcümeyi-halı açıqlanırsa, orada hökmən azərbaycanlı olduğunu qeyd elətdirib. 

O ki qaldı atamın vəsiyyətinə, o, bunu çoxdan eləyib”.

Norman Zadə bir müddət əvvəl qalmaqala səbəb olmuş "Azərbaycanı özümə vətən hesab etmirəm” fikirləri ilə bağlı da danışıb. O, fikirlərinin təhrif olunduğunu deyib: "Azərbaycanda heç zaman olmasam da Azərbaycan kökənli olduğumu heç vaxt danmamışam. Öz soykökümə ehtiramla yanaşıram. Fikirlərimin təhrif olunmasından məyus oldum. Atam uşaq vaxtımızda bizə həmişə Bakıdan, Azərbaycanda yaşadığı illərdən danışardı. Azərbaycan mənim üçün həmişə maraqlı ölkə olub. Həmişə istəmişəm ki, atamın doğulduğu bu ölkəni yaxından tanıyım, amma heç vaxt belə imkanım, daha doğrusu şəraitim olmayıb. Dəvət etsələr, məmnuniyyətlə gedib ziyarət edərdim”.

1954-cü ildə ABŞ-ın Kaliforniya ştatında anadan olan Norman Zadə daha bir maraqlı məqama toxunub. O, əsl adının Nəriman olduğunu deyib: "Adım Nərimandır. ABŞ-da Norm Zadə, Azərbaycanda isə Norman Zadə kimi tanınıram”.

Qeyd edək ki, 63 yaşlı Norman (Nəriman) Zadə informatika sahəsi üzrə riyaziyyatçı alimdir, Koloforniyadakı Berkli Universitetinin professorudur. Amerikada kifayət qədər tanınan elm adamlarındandır. Elmlə yanaşı o, əqli bizneslə də məşğul olur.

ŞƏRH YAZ
0

Pilotsuz uçan aparatların qeydiyyatı ilə bağlı — YENİLİK

Pilotsuz uçan aparatların qeydiyyatı ilə bağlı
14:45
Bu gün
151
Ölkə
A
Azərbaycan Dövlət Mülki Aviasiya Administrasiyası məsafədən idarə olunan pilotsuz uçan aparatların dövriyyəsinə icazənin verilməsi üçün müraciətin və sənədlərin qəbulunu elektron formada həyata keçirəcək.

"Ölkə.Az"ın Trend-ə istinadən məlumatına görə, bu barədə Nazirlər Kabineti “Elektron xidmət növlərinin Siyahısı”na müvafiq dəyişiklik edib.

Qeyd edək ki, bununla yanaşı, Dövlət Mülki Aviasiya Administrasiyasının Azərbaycandan və ya Azərbaycana uçuşların yerinə yetirilməsi üçün icazələrin verilməsi ilə bağlı müraciətin və sənədlərin qəbulu ilə bağlı elektron xidmət təqdim etmək səlahiyyəti ləğv olunub.

ŞƏRH YAZ
0

Müdafiə naziri dəniz poliqonunda — FOTOLAR

Müdafiə naziri dəniz poliqonunda
13:59
Bu gün
558
Ölkə
A
Silahlı Qüvvələr miqyasında davam edən komanda-qərargah hərb oyunlarının növbəti mərhələsi Hərbi Dəniz Qüvvələrində keçirilib.

Müdafiə Nazirliyinin mətbuat xidmətindən "Ölkə.Az"a verilən məlumata görə, nazirliyin rəhbər heyəti komanda idarəetmə məntəqəsindən dəniz poliqonunda təlim tapşırıqlarını yerinə yetirən qüvvə və vasitələrin manevrlərini, eləcə də döyüş atışlarını izləyib.

Ssenariyə əsasən Azərbaycanın Xəzər dənizindəki ərazi sularında olan enerji infrastrukturlarının mühafizəsi üzrə Hərbi Dəniz Qüvvələrinin gəmi qrupunun əməliyyatlarının planlaşdırılması, aviasiyanın dəstəyi ilə şərti düşmənin terror-diversiya qrupunun zərərsizləşdirilməsi və onların müvəqqəti bazasının məhv edilməsi üzrə döyüş atışlı təlim tapşırıqları yerinə yetirilib.

Xüsusi təyinatlıların şəxsi heyəti, döyüş gəmiləri, katerlər və helikopterlərin cəlb olunması ilə keçirilən təlimlərdə şərti düşmənin hədəfləri məhv edilərək qarşıya qoyulan tapşırıqlar uğurla icra olunub.

Müdafiə naziri general-polkovnik Zakir Həsənov bölmələrin döyüş qabiliyyətini, praktiki fəaliyyətini və mənəvi-psixoloji hazırlığının səviyyəsini yüksək qiymətləndirib.

ŞƏRH YAZ
0
BAĞLA