Madlen Olbrayt Trampı sərt tənqid etdi

Madlen Olbrayt Trampı sərt tənqid etdi
00:25
19.05.2017
10
Dünya
A
ABŞ-ın keçmiş dövlət katibi Madlen Olbrayt Amerikanın 45-ci prezidenti Donald Trampı sərt tənqid edib.

“Ölkə.Az” xəbər verir ki, M. Olbrayt Trampı səriştəsiz rəhbər olmaqda qınayıb. O, həmçinin Trampın təcrübə baxımdan da yaxşı siyasətçi olmadığını bildirib.

Qeyd edək ki, Olbrayt bu bəyanatı ABŞ prezidenti Donald Trampın müsəlman ölkələrinə səfəri ərəfəsində səsləndirib. O bəyan edib ki, Ağ Evdə nələr baş verməsindən, eləcə də Trampın beynəlxalq işlərdə təcrübəsinin az olmasından narahatdır.

Keçmiş dövlət katibi daha sonra bu fikirlərinə onu da əlavə edib ki, eləcə də Trampın "ev tapşırıqlarını" yerinə yetirməməsi onu narahat edir.

Xatırladaq ki, Tramp mayın 20-də Səudiyyə Ərəbistanına ilk dəfə olaraq səfər edəcək. Tramp kral Salman bin Əbdüləziz əs-Səud ilə görüşəcək. Mayın 21-də isə 50 müsəlman ölkəsinin də qatılacağı konfransda iştirak edəcək. Həmin konfransa Nigeriya, Türkiyə və Misir nümayəndələri də qatılacaq.

Ziya Səccad
Ölkə.Az

ŞƏRH YAZ
0

Ruhani Putinlə Soçidə görüşəcək

Ruhani Putinlə Soçidə görüşəcək
21:59
Bu gün
14
Dünya
A
Rusiya prezidenti Vladimir Putinlə İran prezidenti Həsən Ruhani ilə görüşəcək.

“Ölkə.Az” xəbər verir ki, bu barədə İran Prezident Administrasiyasının mətbuat xidmətinin rəhbəri Pərviz İsmaili məlumat verib. Onun sözlərinə görə, görüş Soçidə baş tutacaq.

“H.Ruhani Rusiyada rəsmi səfərdə olacaq. Onu Putin rəsmi şəkildə dəvət edib. Soçidə keçiriləcək görüşdə İran, Türkiyə və Rusiya rəhbərləri iştirak edəcək. Həmin ərəfədə Həsən Ruhani həm Rusiya, həm də Türkiyə prezidentlərilə təkbətək görüşəcək”, - deyə Pərviz İsmaili bildirib.

Onun sözlərinə görə, görüş noyabrın 22-də baş tutacaq. Görüşdə Suriya və regiondakı digər problemlər müzakirə ediləcək.

Ziya Səccad
Ölkə.Az

ŞƏRH YAZ
0

Rusiya səfirliyi minaatanlardan atəşə tutulub — Dəməşqdə

Rusiya səfirliyi minaatanlardan atəşə tutulub
21:01
Bu gün
169
Dünya
A
Rusiyanın Suriyadakı səfirliyi atəşə tutulub.

“Ölkə.Az” xəbər verir ki, bu barədə Rusiya Xarici İşlər Nazirliyi məlumat yayıb. Verilən məlumata görə, terrorçular tərəfindən atılan mərmi Rusiya səfirliyinə düşüb.

“Noyabrın 20-də, saat 10:35-də Suriyanın paytaxtı Dəməşq şəhərinin terrorçular tərəfindən minaatanlardan atəşə tutulması nəticəsində mərmilərdən biri Rusiya səfirliyinin ərazisinə, yaşayış kompleksinin yaxınlığına düşüb. 122 mm-lik mina binanın divarını, elektrik xətti və su təchizatı sistemini zədələyib”, - deyə məlumatda bildirilib.

Qeyd edək ki, hücum Rusiyanın Suriya ilə bağlı yeni danışıqlara hazırlaşdığı dövrdə baş verib.

Ziya Səccad
Ölkə.Az

ŞƏRH YAZ
0
BAĞLA