Madriddə hərbi qırıcı qəzaya uğradı

Madriddə hərbi qırıcı qəzaya uğradı
15:12
17.10.2017
165
Ölkə
A
İspaniyada hərbi qırıcı qəzaya uğrayıb.

 "Ölkə.Az" xəbər verir ki, Madridin kənarında "F-18" tipli hərbi təyyarə qəzaya düşüb. İspaniya müdafiə nazirliyindən verilən açıqlamaya əsasən, havaya qalxan qırıcı qısa müddət sonra yerə çırpılıb.

Pilot hadisə yerində həlak olub. İspaniya müdafiə nazirliyi rəsmiləri bildirir ki, Torrejon hərbi bazasında baş verən qəzadan sonra istintaq davam edir.

Hikmət Həsənov
Ölkə.Az

ŞƏRH YAZ
0

Bakıda 37 metr hündürlüyündə yolka quraşdırılır

Bakıda 37 metr hündürlüyündə yolka quraşdırılır
22:09
13.12.2018
5146
Ölkə
A
Qarşıdan gələn Yeni il bayramı ilə bağlı paytaxt Bakıda hazırlıq işləri görülür.

"Ölkə.Az"ın Trend-ə istinadən məlumatına görə, Bakının müxtəlif yerlərində yolka ağaclarının quraşdırılmasına başlanılıb. Ənənəvi olaraq şəhərin ən hündür yolkası bu il də Azadlıq meydanında quraşdırılacaq.

Uzunluğu 37 metr (ulduz daxil), diametri isə 16 metr olan Yeni il ağacını artıq sözügedən yerdə quraşdırmağa başlayıblar.

İş icraçısının verdiyi məlumata görə, hava şəraiti əlverişli olarsa, işlər vaxtında bitəcək və yolka bu ayın 22-də şəhər sakinlərinin ixtiyarına veriləcək.

Ölkə.Az

ŞƏRH YAZ
0

Bu çaylarda biogen çirkləndiricilərin miqdarı normadan çox olub

Bu çaylarda biogen çirkləndiricilərin miqdarı normadan çox olub
21:40
13.12.2018
2585
Ölkə
A
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların transsərhəd qollarının çirklənmə vəziyyətini öyrənmək məqsədilə dekabr ayında növbəti monitorinq həyata keçirib.

Monitorinqlə bağlı "Ölkə.Az"a verilən məlumata görə, dekabr ayının I ongünlüyündə Kür çayında suyun sərfi noyabr ayının III ongünlüyünə nisbətən 11 m3/san artaraq 235 m3/san təşkil edib.

Monitorinqin nəticələrinə əsasən Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində Kür çayı Şıxlı-2, Ağstafaçay, Ağstafa su anbarında, Araz çayının Horadiz, Bəhramtəpə və I Şahsevəndə məntəqələrində biogen və spesifik çirkləndiricilərin miqdarının normadan dəfələrlə çox olması müşahidə olunub.

Dekabr ayının I ongünlüyündə aparılan monitorinqlərin fiziki-kimyəvi analiz nəticələrinə görə suyun tərkibindəki fenollar Kür çayı üzrə Şıxlı-2 məntəqəsində 2,5, Ağstafaçayda-Qazax şəhərində 2,2, Ağstafa su anbarı Musaköy kəndində 1,6, Araz çayı üzrə Horadizdə, Bəhramtəpədə və I Şahsevəndə 2,1-2,4, biogen maddələrdən nitritlərin miqdarının isə 1,5-1,8 dəfə yol verilən qatılıq həddini (YVQH) keçib.

Suyun oksigen rejimi bütün məntəqələrdə 5,87-6,87 mq/l arasında olmaqla sanitar norma daxilində dəyişib.

Ölkə.Az

ŞƏRH YAZ
0
BAĞLA