Maduro ABŞ prezidentini Adolf Hitlerlə müqayisə etdi
Venesuela prezidenti Nikolas Maduro Donald Trampın BMT Baş Assambleyasındakı çıxışını şərh edib.
"Ölkə.Az" xəbər verir ki, Maduro ABŞ prezidentini Adolf Hitlerlə müqayisə edib.
Tramp çıxışında Venesuelanın rəsmi hakimiyyətini totalitar rejim adlandırıb. Cavab olaraq isə Maduro ABŞ-ın xarici siyasətinin aqressiv olduğunu deyib və Trampı "yeni Hitler" adlandırıb.
Bundan başqa, Maduro bildirib ki, Latın Amerikası ölkələrinin liderləri ilə nahar vaxtı Tramp onu ölümlə hədələyib. Venesuela prezidenti deyib: "Əgər onlar nə vaxtsa mənə nəsə etsələr, uzun müddət əziyyət çəkəcəklər. Çünki xalqım savaşa hazır olacaq".
Hikmət Həsənov
Ölkə.Az
