Maduro yenidən Venesuelanın prezidenti seçildi
Venesuelada prezident seçkiləri başa çatıb.
“Ölkə.Az” xəbər verir ki, Maduro seçicilərin 68% səsini toplayaraq yenidən prezident seçilib. Bunu mərkəzi seçki komissiyasının sədri Tibiay Lusena bildirib.
“Bülletenlərin 92.6%-i sayılıb. Seçkilərdə seçicilərin 46.01 faizi iştirak edib. Maduro 5.8 milyon seçicinin səsini qazanıb. Müxalif namizəd Enri Falkon 1.820.552 səs, Xavyer Bertuççi isə 925 min səs toplayıb”, - deyə Lusena bildirib.
Beləliklə Maduro 2025-ci ilə qədər Venesuelaya rəhbərlik edəcək.
Müxalifət lideri Enri Falkon seçkilərin nəticələrini qəbul etmir və qanunsuz sayır. Eyni zamanda siyasətçi ölkəni tərk edəcəyini də bildirib.
Hikmət Həsənov
Ölkə.Az
