Magistraturaya qəbul qaydaları sadələşdirildi

Magistraturaya qəbul qaydaları sadələşdirildi
12:21
14.01.2020
1462
Ölkə
A
“Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının magistraturalarına qəbul Qaydaları”nda dəyişiklik edilməsi haqqında Nazirlər Kabinetinin 13 yanvar 2020-ci il 6 nömrəli qərarına əsasən magistratura səviyyəsinə qəbul qaydaları sadələşdirilib.

Bu barədə "Ölkə.Az"a Dövlət İmtahan Mərkəzindən məlumat verilib.

Qeyd olunub ki, beynəlxalq təcrübədə olduğu kimi magistraturaya qəbul imtahanının yalnız bir mərhələdə - ümumi intellekt səviyyəsinin (məntiqi təfəkkürün), informatika və xarici dil üzrə biliklərin qiymətləndirilməsi üzrə keçirilməsi nəzərdə tutulub. Əvvəllər bakalavrlar iki mərhələdə – ümumi intellekt səviyyəsinin (məntiqi təfəkkürün), informatika və xarici dil üzrə biliklərin qiymətləndirilməsi və ixtisas fənləri üzrə biliklərin qiymətləndirilməsi imtahanda iştirak edirdilər.

Xüsusi qabiliyyət tələb edən ixtisaslar üzrə ixtisas magistraturasının ixtisaslaşmalarına və jurnalistika üzrə magistratura ixtisaslaşmalarına qəbul olmaq istəyən və qəbul imtahanındakı (məntiq, informatika, xarici dil) nəticələri Mərkəz tərəfindən Azərbaycan Respublikasının Təhsil Nazirliyi ilə razılaşdırılmaqla müəyyən edilən müsabiqə şərtini ödəyən bakalavrlar qəbul imtahanını verdikdən sonra Mərkəz tərəfindən elan edilən müddətdə qabiliyyət imtahanı verməlidirlər. Qabiliyyət imtahanından “məqbul” qiymət alan bakalavrlar ixtisas seçiminə buraxılırlar. Qeyd edək ki, bu ixtisaslara qəbul qaydalarında dəyişikliklər imtahanların məzmununa və mərhələlərin sayına təsir etməmişdir və əvvəlki qaydalarda da ixtisas magistraturasına və jurnalistika üzrə ixtisaslaşmalara qəbul olmaq istəyənlər imtahanın birinci mərhələsini verdikdən sonra qabiliyyət imtahanında iştirak edirdilər.

Nazirlər Kabinetinin müvafiq dəyişikliklərlə bağlı qərarı ilə buradan tanış ola bilərsiniz.

 

ŞƏRH YAZ
0

"Küçədə gəzən insanların 60 faizi mütləq əqli cəhətdən tam deyil" — VİDEO

14:10
Bu gün
25
Ölkə
A
Tibb elmləri namizədi Rəşid Mahmudov yod çatışmazlığından əziyyət çəkən ölkə əhalisinin 60 faizinin əqli cəhətdən qüsurlu olduğunu iddia edir.

"Ölkə.Az" BAKU.WS-ə istinadən xəbər verir ki, tanınmış fizioloq Space TV-nin "Sadə həqiqətlər" proqramında söylədiyi fikirlərlə Respublikanın baş psixiatrı Nadir İsmayılovunda onunla razı olduğunu bildirib:

"Şizofreniyanın iki forması var; manyakal və depressiv. Depressiv formada bir küncə sıxılır və heç kəslə işi işi olmur, amma manyakal formada özünü böyütmə ideyaları olur. Daxilində deyir ki, məndən yoxdur. Belələri arasında özünü Lenin, Marks bilənlər də var.  
Siz elə bilməyin ki, bu küçədə gəzən insanların hamısı əqli cəhətdən normaldır. 60 faiz insanlar mütləq əqli cəhətdən tam deyil. Bir dəfə ölkənin baş psixiatrı Nadir İsmayılovla bir yerdə çıxış edirdik. Bu rəqəmi dedim, qayıdıb dedi ki, Rəşid müəllim, niyə faizi azaldırsan? Mən deyərdim 70-80 faiz".

ŞƏRH YAZ
0

Qəbələdə adı “Qırmızı kitab”a düşən maralları satmaq istəyən şəxs saxlanıldı

Qəbələdə adı “Qırmızı kitab”a düşən maralları satmaq istəyən şəxs saxlanıldı
13:56
Bu gün
357
Ölkə
A
Qəbələdə adı “Qırmızı kitab”a düşən maralları satmaq istəyən şəxs tutulub.

Daxili işlər Nazirliyinin (DİN) Mətbuat Xidmətinin Şəki regional qrupundan "Ölkə.Az"a verilən məlumata görə, Qəbələ Rayon Polis Şöbəsinin (RPŞ) əməkdaşları tərəfindən daxil olmuş məlumat əsasında rayonun Vəndam qəsəbəsində keçirilən əməliyyat tədbirləri nəticəsində Zaqatala rayon sakini Hacıömər Abbasovun idarə etdiyi “İveco” markalı yük avtomobili saxlanılıb.

Avtomobilin yük yerinə baxış keçirilən zaman oradan adı Azərbaycan Respublikasının “Qırmızı kitabı”na düşən 2 baş maral aşkar edilib. Sürücü H.Abbasov şübhəli şəxs qismində saxlanılıb. O,ifadəsində həmin maralları Zaqataladan Qəbələ rayonuna satmaq məqsədilə gətirdiyini bildirib.

Polis əməkdaşları tərəfindən həmin marallar Şahdağ Milli Parkına təhvil verilib.

Faktla bağlı Qəbələ RPŞ-də araşdırma aparılır.

ŞƏRH YAZ
0
BAĞLA