"Mahir elə söz deməyib" — Anar Mədətov kupça məsələsindən DANIŞDI

20:33
11.09.2019
9525
Ölkə
A
Milli komandamızın və "Qarabağ"ın hücumçusu Mahir Mədətovun (Əmrəli) atası, tanınmış prodüser Anar Mədətov oğlunun onun barəsində mətbuata açıqlama verməsinə münasibət bildirib.

A.Mədətov "Ölkə.Az"-a açıqlamasında bildirib ki, Mahir, "ev onun adınadırsa, kupçanı göstərsin" ifadəsini işlətməyib:

"Nə oğlum Mahir, nə də keçmiş həyat yoldaşım Elnurə Mədətova bu barədə danışmayıblar. Çünki Mahir məşqdə, anası isə şəxsi işləri ilə məşğul olub. Mən də müğənni Elçin Hüseynovla bir tədbirdə idik. Yəni, belə bir açıqlamanın verilməsi mümkünsüzdür. Xahiş edirəm, mətbuat belə şeyləri yazanda diqqətli olsun".

Qeyd edək ki, milli futbolçuya məxsus olduğu deyilən evdən 20 min dollar, 17 min manat, qızıl zinət əşyaları və mobil telefonlar (ümumilikdə 60 min manat) oğurlanıb. 

Ölkə.Az

ŞƏRH YAZ
0

Azərbaycanda gələn il səhiyyə sahəsinə nə qədər vəsait ayrılıb?

Azərbaycanda gələn il səhiyyə sahəsinə nə qədər vəsait ayrılıb?
04:10
Bu gün
2326
Ölkə
A
2020-ci ilin dövlət büdcəsində səhiyyə xərcləri üzrə 1369,0 milyon manat vəsait ayrılıb.

"Ölkə.Az" bildirir ki, bu barədə məlumat Azərbaycan Respublikasının 2020-ci ilin dövlət və icmal büdcələri üzrə sənəd layihəsində öz əksini tapıb.

Layihədə qeyd edilir ki, gələn il səhiyyə sahəsinə ayrılan vəsait 2019-cu illə müqayisədə 326,5 milyon manat və ya 31,3 faiz çoxdur.

Sənədə əsasən, 2020-ci ilin səhiyyə xərclərinin dövlət büdcəsi xərclərinin tərkibində xüsusi çəkisi 5,1 faiz təşkil edəcək. Bu da 2019-cu illə müqayisədə 1,0 faiz-bənd çoxdur.

Ölkə.Az

ŞƏRH YAZ
0

Metroda cibgirlik edən keçmiş məhkum tutuldu

Metroda cibgirlik edən keçmiş məhkum tutuldu
01:31
Bu gün
2094
Ölkə
A
Metropolitendə cibgirlik edən şəxs saxlanılıb.

"Ölkə.Az" xəbər verir ki, Metropolitendə Polis Şöbəsinin əməkdaşları tərəfindən keçirilən əməliyyat nəticəsində stansiyaların platformalarında və qatarlarda sıxlıq olan zaman sərnişinlərin cibindən mobil telefon oğurlayan şəxs saxlanılıb. 

Həyata keçirilən əməliyyat zamanı əvvəllər məhkum olunmuş Masallı rayon sakini Namiq Musayev tutulub. 

Araşdırmalarla onun cari ilin oktyabr ayının 10 və 11-də iki qadın sərnişinin cibgirlik yolu ilə “Samsung” markalı mobil telefonunu oğurladığı məlum olub.

Hər iki zərərçəkən əvvəlcə polisə mobil telefonlarının Metropolitendə olarkən itdiyi barədə məlumat versələr də, polislər tərəfindən araşdırma aparılan zaman həmin əşyaların N.Musayev tərəfindən oğurlandığı müəyyən edilib. Qeyd edək ki, saxlanılan şəxs mobil telefonları ələ keçirəndən sonra satıb. N.Musayev ifadəsində platformalarda insanların sıx olduğu vaxtlarda sərnişinlərin vaqonlara daxil olduğu zaman cibgirlik etdiyini etiraf edib.

Faktla bağlı Polis Şöbəsində araşdırmalar davam etdirilir. 

Natiq Allahverdiyev
Ölkə.Az

ŞƏRH YAZ
0
BAĞLA