“Mahir Mədətov məsuliyyətsizdir” — “Qəbələ” klubu

“Mahir Mədətov məsuliyyətsizdir”
17:45
04.01.2018
1106
İdman
A
“Qəbələ” klubu “Qarabağ”ın və Azərbaycan milli komandasının futbolçusu Mahir Mədətovla bağlı bəyanat yayıb.

"Ölkə.Az"ın məlumatına görə, bəyanatda deyilir: “31.12.2017-ci il tarixində “CBC Sport” telekanalının efirində “Qış nağılı” verilişi yayımlanıb. Verilişin qonaqlarından biri milli komandamızın və “Qarabağ” Futbol Klubunun üzvü Mahir Mədətov olub. Mədətov verilişin formatına uyğun olaraq, maraqlı əhvalat nəql edərkən mövzu kimi "Qəbələ"nin baş məşqçisi Roman Qriqorçukla futbolçular arasında olan dialoqu seçib və bunu özünəməxsus şəkildə təqdim edib.

“Qəbələ” İdman Klubu futbolçunun bu çıxışını peşəkar idmançıya yaraşmayan, məsuliyyətsiz, qeyri-etik addım kimi dəyərləndirir, uydurma əhvalatın ictimailəşdirilməsini və uğursuz gülüş obyektinə çevirmək istəyini qınayır. 

Hesab edirik ki, belə şüursuz açıqlamalar, baş məşqçimiz Roman Qriqorçukun məsxərəyə qoyulması, onun və klubumuzun imicinə xələl gətirməklə yanaşı, ictimaiyyətdə yalnış fikir formalaşdırmağa xidmət edir. Bütün bunları nəzərə alaraq, “Qarabağ” klubunun gənc futbolçusu haqqında ölçü götürməsini, Mahir Mədətovun etdiyi hörmətsizliyə görə “Qəbələ” klubundan və Qriqorçukdan üzr istəməsini gözləyirik”.

ŞƏRH YAZ
0

"Keşlə"dən ilk qələbə, "Sabah" yenidən üçüncü pillədə — VİDEO

22:25
21.10.2018
209
İdman
A
Bu gün Topaz Premyer Liqada 8-ci tura yekun vurulub.

"Ölkə.Az" qol.az-a istinadən xəbər verir ki, son oyun günündə 2 qarşılaşma keçirilib. Günün ilk matçında "Sumqayıt" "Sabah"ı qəbul edib. 1:0 hesabı ilə qalib gələn "Sabah" turnir cədvəlində yenidən 3-cü pilləyə yüksəlib.

Turun son oyunu isə autsayderlər arasında olub. "Zirə" "Keşlə"nin qonağı olub. Rəqibini 1:0 hesabı ilə məğlub edən "Keşlə" bu mövsüm ilk qələbəsini qazanıb və 7-ci pilləyə yüksəlib.

21 oktyabr (bazar)

19:00."Keşlə" - "Zirə" - 1:0
Qol: Denis Silva, 2
Hakimlər: Əliyar Ağayev, Zeynal Zeynalov, Rza Məmmədov, Kamal Umudlu
"ASK Arena"

17:00."Sumqayıt" - "Sabah" - 0:1
Qol: Miloş Bosançiç, 36
Qırmızı vərəqə: Vurğun Hüseynov, 15 ("Sumqayıt")
Hakimlər: İnqilab Məmmədov, Namiq Hüseynov, Vüqar Bayramov, Səbuhi Bayramov
"Dalğa Arena"

20 oktyabr (şənbə)

19:00."Qarabağ" - "Səbail" - 1:0 

17:00."Qəbələ" - "Neftçi" - 3:1

Ölkə.Az

ŞƏRH YAZ
0

Meydanın komandasına aid olan hissəsindən qol vurdu — VİDEO

Meydanın komandasına aid olan hissəsindən qol vurdu
20:00
21.10.2018
432
İdman
A
“Puşkaş Akademiyası” klubunun futbolçusu Yanuş Heqedyuş meydanın komandasına aid olan hissəsindən yerinə yetirdiyi cərimə zərbəsi ilə Macarıstan çempionatının lideri “Ferensvaroş”un qapısına qol vurub.

"Ölkə.Az" xəbər verir ki, qol görüşün 20-ci dəqiqəsində vurulub. Qalan dəqiqələr ərzində “Ferensvaroş” hesabı bərabərləşdirə bilməyib və çempionatda ilk məğlubiyyət acısını dadıb.

Ölkə.Az

ŞƏRH YAZ
0
BAĞLA