Mahir Şükürov "Neftçi"dən uzaqlaşdırıldı

Mahir Şükürov
15:35
12.10.2017
201
İdman
A
Futbolçu karyerasını bitirdikdən sonra məşqçiliyə başlayan Mahir Şükürov “Neftçi”dən uzaqlaşdırılıb.

"Ölkə.Az" “Futbol+” qəzetinə istinadən xəbər verir ki, buna keçmiş müdafiəçinin işinə soyuq yanaşması səbəb olub.

Belə ki, Mahir uzun illər yığmada oynadığına görə avtomatik C kateqoriyasına yiyələnsə də, “Neftçi”nin U-14 komandasında çalışması üçün B kateqoriyası lazım gəlib. Klubdan Şükürova kurslara qatılmaq və B kateqoriyasına yiyələnmək məsləhət görülüb. Lakin sabiq futbolçu bu məsləhəti qulaqardına vurub. Hər zaman diqqət mərkəzində olmağa alışmış Şükürov uşaqlarla çalışmaqdan zövq almayıb və beləcə, məşqlərə, oyunlara gəlməyi tərgidib.

Şükürovun işinə soyuq münasibəti rəhbərliyin qulağına çatıb. Tərəflər görüşüb, söhbət ediblər və yekunda Mahirin təkcə U-14-dən yox, ümumiyyətlə, “Neftçi”dən ayrılması qərara alınıb.

ŞƏRH YAZ
0

Tarixin ən bahalı qolkiper transferi — 75 milyon avro

Tarixin ən bahalı qolkiper transferi
10:00
20.07.2018
1380
İdman
A
İngiltərənin “Liverpul” klubu İtaliyanın “Roma” futbol klubunun qapıçısını transfer edib.

“Ölkə.Az” xəbər verir ki, bu, tarixin ən bahalı qolkiper transferi olub. Braziliyalı Elisson Beker üçün 75 milyon avro ödənilib.

“Liverpul” bir müddət əvvəl Virgiıl van Dijk üçün 84 milyon ödəyərək ən bahalı müdafiəçi transferinə imza atmışdı.

Elissona qədər ən bahalı qapıçısı transferi Buffona məxsus idi. 2001-ci ildə “Yuventus” klubu 52.88 milyon avro ödəyərək Buffonu “Parma” klubundan transfer etmişdi.

Bekeri isə “Roma” klubu 2016-cı ildə Braziliyanın “İnternacional” klubundan 7.5 milyon avroya transfer etmişdi.

Hikmət Həsənov 
Ölkə.Az

ŞƏRH YAZ
0

"Neftçi" də vəsiqə qazana bilmədi

00:55
20.07.2018
1812
İdman
A
Bu gün UEFA Avropa Liqasının birinci təsnifat mərhələsinin cavab oyunları keçirilir.

"Ölkə.Az"ın məlumatına görə, Azərbaycanın "Neftçi" klubu Macarıstanın "Uypeşt" klubunun qonağı olub. Oyun meydan sahiblərinin 4:0 hesablı qələbəsi ilə yekunlaşıb. Qolları R.Litauszki (19-cu dıqiqı), B.Sankoviç (21-ci dəqiqə), D.Zsoter (50-ci dəqiqə), O.Nvobodo (65-ci dəqiqə) vurublar.

Beləliklə, birinci oyunda 3:1 hesabı ilə qələbə qazanan "Neftçi" UEFA Avropa Liqasının növbəti təsnifat mərhələsinə vəsiqə qazana bilməyib.

Ölkə.Az

ŞƏRH YAZ
0
BAĞLA