Mahmud Məmmədquliyev ECO XİN başçılarının toplantısında iştirak edəcək

Mahmud Məmmədquliyev ECO XİN başçılarının toplantısında iştirak edəcək
16:48
16.04.2018
1017
Siyasət
A
Sabah Düşənbədə İqtisadi Əməkdaşlıq Təşkilatı (ECO) xarici işlər nazirlərinin toplantısı keçiriləcək.

XİN-dən "Ölkə.Az"a verilən məlumata görə, tədbirdə Azərbaycanı xarici işlər nazirinin müavini Mahmud Məmmədquliyev təmsil edəcək.

Tədbirdə İqtisadi Əməkdaşlıq Təşkilatına üzv ölkələr arasında əldə olunmuş razılaşmaların icra prosesi, təşkilatla digər beynəlxalq təşkilatlar arasında əməkdaşlıq, məqsəd və vəzifələrin icrasında nailiyyətlər müzakirə olunacaq.

Görüşdə Əfqanıstana dəstək üzrə ECO proqramı qəbul olunacaq

ŞƏRH YAZ
0

Maliyyə Nazirliyinə yeni vəzifə həvalə edildi

Maliyyə Nazirliyinə yeni vəzifə həvalə edildi
13:11
Bu gün
99
Siyasət
A

Nazirlər Kabineti “Dövlət büdcəsinin tərtibi və icrası Qaydaları”nda dəyişiklik edib.

"Ölkə.Az"ın məlumatına görə, dəyişikliyə əsasən Maliyyə Nazirliyinə yeni vəzifə həvalə edilib.

Maliyyə Nazirliyi cari ilin sentyabr ayının 25-dən gec olmayaraq növbəti il üçün proqnozlaşdırılan büdcə xərclərinin iqtisadi və inzibati təsnifatlar üzrə bölgüsü barədə məlumatı Azərbaycan Respublikasının Prezidentinə təqdim etməlidir.

Ölkə.Az

ŞƏRH YAZ
0

Prezident: “Azərbaycan Ordusu ən müasir texnika ilə təchiz edilir”

Prezident: “Azərbaycan Ordusu ən müasir texnika ilə təchiz edilir”
10:55
Bu gün
277
Siyasət
A
"Münaqişənin həllinə gəldikdə, Azərbaycanın mövqeyi dəyişməz olaraq qalır. Bu münaqişə yalnız ölkəmizin ərazi bütövlüyü çərçivəsində öz həllini tapmalıdır. Dağlıq Qarabağ bizim tarixi diyarımızdır və münaqişənin tezliklə həlli yalnız beynəlxalq hüququn norma və prinsipləri əsasında olmalıdır".

"Ölkə.Az" xəbər verir ki, bunu Prezident İlham Əliyev Novruz bayramı münasibətilə Azərbaycan xalqına ünvanladığı təbrikdə deyib. 

Dövlət başçısı bildirib ki, Ermənistan tərəfi danışıqlar formatının dəyişdirilməsi ilə bağlı məsələlər qaldırıb. 

"Ancaq təbii ki, Azərbaycan bunu qəbul edə bilməz. Eyni zamanda, Minsk qrupunun həmsədr ölkələrinin səfirləri - Amerika, Fransa, Rusiyanın nümayəndələri ciddi bəyanat verərək bildirdilər ki, format dəyişməz olaraq qalmalıdır. Həmçinin Avropa İttifaqının yüksək vəzifəli şəxsləri oxşar bəyanatla çıxış etmişlər. Yəni, bu, Ermənistana birmənalı ciddi siqnaldır, eyni zamanda, onu göstərir ki, Azərbaycanın mövqeyi daha da böyük dəstək qazanır. Münaqişənin həlli regionda sülhün, sabitliyin təmin olunmasına gətirib çıxaracaq. Əlbəttə, Azərbaycan çalışır və çalışacaq ki, bu məsələ tezliklə ancaq beynəlxalq hüququn norma və prinsipləri əsasında, ölkəmizin ərazi bütövlüyü çərçivəsində öz həllini tapsın".

Prezident qeyd edib ki, biz bununla bərabər, öz hərbi gücümüzü artırırıq. "Ötən il keçirilmiş iki hərbi parad bizim hərbi gücümüzü bütün dünyaya nümayiş etdirib. Bu il və bundan sonrakı illərdə biz ordu quruculuğu üçün nə lazımsa onu da edəcəyik. Bizim hərbi hissələrimizin demək olar ki, mütləq əksəriyyəti yenidən qurulub. Azərbaycan Ordusu ən müasir texnika ilə təchiz edilir və döyüş qabiliyyətimiz gündən-günə artır. Bu gün Novruz bayramını, o cümlədən Cocuq Mərcanlıda qeyd edirlər. Cocuq Mərcanlının qurulması, bərpası, yenidən oraya həyatın qayıtması bizim tarixi nailiyyətimizdir. Cocuq Mərcanlı bu gün Azərbaycan xalqının əyilməz ruhunun təzahürüdür", - dövlət başçısı vurğulayıb. 

Ölkə.Az

ŞƏRH YAZ
0
BAĞLA