Malayziyanın baş naziri Prezident İlham Əliyevi təbrik etdi

Malayziyanın baş naziri Prezident İlham Əliyevi təbrik etdi
17:20
16.05.2018
613
Siyasət
A
Malayziyanın baş naziri Mahathir Məhəmməd Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın məlumatına görə, M.Məhəmməd məktubunda İlham Əliyevi yenidən Azərbaycan Respublikasının Prezidenti seçilməyi münasibətilə Malayziya hökuməti və xalqı adından ürəkdən təbrik edib. 

"Seçkilərdəki inamlı qələbəniz ölkənizin mənafeyi naminə apardığınız müdrik və uzaqgörən siyasətinizi nümayiş etdirir. Əminəm ki, qarşıdakı illərdə də Azərbaycan xalqının və dövlətinin rifahı naminə uğurlu islahatlar həyata keçirəcəksiniz. Sizin prezidentliyinizin yeni dönəmi Malayziya ilə Azərbaycan arasında mövcud olan ikitərəfli münasibətlərin daha da möhkəmlənməsinə və inkişaf etməsinə təkan verəcək", - məktubda qeyd olunub.

ŞƏRH YAZ
0

Prezident Səudiyyə Ərəbistanının Kralını təbrik etdi

Prezident Səudiyyə Ərəbistanının Kralını təbrik etdi
18:10
22.09.2018
1449
Siyasət
A
Azərbaycan Respublikasının Prezidenti İlham Əliyev İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Al Səuda təbrik məktubu ünvanlayıb.

“Ölkə.Az”ın xəbərinə görə, təbrik mətnində deyilir:

“Əlahəzrət,

Əziz Qardaşım,

Səudiyyə Ərəbistanının milli bayramı – Krallıq elan edilməsi günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından səmimi qəlbdən təbrik edirəm.

Bu bayram günündə Sizə möhkəm cansağlığı və xoşbəxtlik, Səudiyyə Ərəbistanının qardaş xalqına daim əmin-amanlıq və rifah arzulayıram”.

ŞƏRH YAZ
0

İlham Əliyev Bakıda keçirilən dünya çempionatının yarımfinalına baxıb

İlham Əliyev Bakıda keçirilən dünya çempionatının yarımfinalına baxıb
17:38
22.09.2018
1015
Siyasət
A
Sentyabrın 22-də cüdo üzrə Bakıda keçirilən dünya çempionatında Azərbaycan idmançısı Hidayət Heydərov bürünc medal uğrunda mübarizə aparacaq.

"Ölkə.Az" xəbər verir ki, Azərbaycan Respublikasının Prezidenti İlham Əliyev və ailə üzvləri yarımfinal qarşılaşmasına baxıblar.

Yetmiş üç kiloqram çəki dərəcəsində mübarizə aparan Hidayət Heydərov yarımfinalda Yaponiya idmançısı, dünya çempionu Soiçi Haşimotoya məğlub olub. O, bürünc medal uğrunda Monqolustan idmançısı Tsoqtbaatar Tsend-Oçirlə qarşılaşacaq.

Qeyd edək ki, 2013-cü və 2014-cü illərdə yeniyetmələr arasında Avropa çempionu olan Hidayət Heydərov 2015-ci ildə Birləşmiş Ərəb Əmirliklərində keçirilən gənc cüdoçuların dünya çempionatında bürünc medal qazanıb. O, 2017-ci ildə "Bakı-2017" IV İslam Həmrəyliyi Oyunlarının qalibi olub, həmçinin Avropa çempionu adını qazanaraq qitənin "Ən yaxşı gənc cüdoçu”su xüsusi mükafatına da layiq görülüb.

ŞƏRH YAZ
0
BAĞLA