Maliyyə Nazirliyi hüquqi şəxslərə müraciət etdi

Maliyyə Nazirliyi hüquqi şəxslərə müraciət etdi
14:10
12.04.2018
529
İqtisadiyyat
A
Maliyyə Nazirliyi dövlətə məxsus olan hüquqi şəxslərə müraciət edib.

Nazirlikdən "Ölkə.Az"a verilən məlumata görə, Azərbaycan Prezidenti İlham Əliyevin 28 dekabr 2016-cı il tarixli fərmanı ilə “Dövlətə məxsus olan hüquqi şəxslərin daxili və xarici borcalması Qaydası” təsdiq edilib.

"Bu qaydaların 3.1 bəndinə əsasən dövlətə məxsus olan hüquqi şəxslər hər ilin iyunun 1-dək növbəti il üzrə borcalma niyyətləri və borcalmanın ümumi məbləğləri barədə məlumatı Maliyyə Nazirliyinin Dövlət Borcunun İdarə Edilməsi Agentliyinə təqdim etməlidirlər. Məlumat üçün bildiririk ki, növbəti ilin borcalma limiti hazırlanarkən, yalnız qeyd olunan tarixədək Agentliyə daxil olmuş dövlət müəssisələrinin müraciətləri nəzərə alınacaq", - deyə məlumatda vurğulanıb.

Qeyd edək ki, bu qayda paylarının (səhmlərinin) 51 və daha artıq faizi birbaşa və ya dolayısı ilə dövlətə məxsus olan bankların, bank olmayan kredit təşkilatlarının və sığorta şirkətlərinin borcalmasına şamil olunmur. Dövlətə məxsus olan hüquqi şəxslərin dövlət zəmanəti ilə borcalması “Dövlət borcu haqqında” qanunu və “Dövlət zəmanəti ilə alınan kreditlərə dair sazişlərin bağlanması qaydaları haqqında” Azərbaycan Prezidentinin 2006-cı il 13 fevral tarixli fərmanına uyğun olaraq həyata keçirilir.

Qaydalara görə, Maliyyə Nazirliyi 30 gün ərzində borcalma niyyəti barədə müraciətləri təhlil edir və bu borcalmaların ümumi məbləğinin ölkənin növbəti il üzrə proqnozlaşdırılan makroiqtisadi və digər maliyyə və borc dayanıqlığı göstəricilərini, o cümlədən ümumi daxili məhsula nisbəti, borca xidmət xərclərinin büdcə xərclərinə nisbəti, valyuta məzənnəsini nəzərə alaraq, borcalmanın yuxarı həddinə dair təkliflərini hazırlayır və borcalmanın yuxarı həddində nəzərə alınan investisiya layihələrini İqtisadiyyat Nazirliyi ilə razılaşdırmaqla Nazirlər Kabinetinə təqdim etməlidir. Nazirlər Kabineti Azərbaycan Respublikasının Prezidenti ilə razılaşdırmaqla cari il sentyabrın 15-dək növbəti il üçün dövlətə məxsus olan hüquqi şəxslərin borcalmasının yuxarı həddini müəyyən edir. Borcalmanın yuxarı həddi Azərbaycan Respublikasının milli valyutası ilə müəyyənləşdirilir.

Maliyyə Nazirliyi hər il yanvarın 30-dək dövlətə məxsus olan hüquqi şəxslərin əvvəlki il üzrə borcalmaları və borcalmanın yuxarı həddinə əməl edilməsi vəziyyəti barədə məlumatları Nazirlər Kabinetinə təqdim etməlidir.

Qaydalarda dövlətə məxsus olan hüquqi şəxslər tərəfindən razılığın alınması qaydası da öz əksini tapıb. Dövlətə məxsus olan hüquqi şəxs borcalma həyata keçirilməzdən əvvəl Maliyyə Nazirliyinə borcalmanın zəruriliyini və məqsədəuyğunluğunu əsaslandırmaqla yazılı müraciət edir. Müraciətlə birlikdə borcalmaya səbəb olan layihə və ya tədbirin texniki-iqtisadi əsaslandırılması, borcalma investisiya layihəsi ilə bağlı həyata keçirildikdə İqtisadiyyat Nazirliyinin müsbət rəyi, dövlətə məxsus olan hüquqi şəxsin müraciət olunan il üçün müvafiq qaydada təsdiq edilmiş gəlir və xərclər smetasının ilkin göstəriciləri, “Mühasibat uçotu haqqında” qanunun tələblərinə uyğun olaraq, son maliyyə ili üçün auditor yoxlamasından keçmiş maliyyə hesabatları və auditor rəyi, dövlətə məxsus olan hüquqi şəxsin kredit təşkilatlarına borcları barədə Maliyyə Bazarlarına Nəzarət Palatasının mərkəzləşdirilmiş kredit reyestrindən çıxarış və ya kredit bürosundan müvafiq kredit tarixçəsindən kredit hesabatı, həmçinin digər borcları haqqında məlumat təqdim etməlidir, Maliyyə Nazirliyi borcalmaya razılıq verilməsi ilə bağlı dövlətə məxsus olan hüquqi şəxsdən təqdim edilmiş sənədlərə dair izahat və əlavə məlumat tələb edə bilər.

ŞƏRH YAZ
0

Üç ayda dəniz limanlarında 2589,7 min ton həcmində yükləmə-boşaltma işləri həyata keçirilib

Üç ayda dəniz limanlarında 2589,7 min ton həcmində yükləmə-boşaltma işləri həyata keçirilib
20:57
22.04.2018
176
İqtisadiyyat
A
2018-ci ilin yanvar-mart ayında dəniz limanlarında 2589,7 min ton həcmində yükləmə-boşaltma işləri həyata keçirilib.

"Ölkə.Az" xəbər verir ki, Dövlət Statistika Komitəsinin mətbuat xidmətindən Azərtac-a bildirilib ki, yüklərin 2447,9 min tonunu və ya 94,5 faizini tranzit yüklər təşkil edib. 2018-ci il aprel ayının 1-i vəziyyətinə limanlarda qalan yüklərin həcmi 244,7 min ton olub.

Dövr ərzində dəniz nəqliyyat ilə daşınmış sərnişinlərin sayı əvvəlki ilin müvafiq dövrünə nisbətən 35,7 faiz azalaraq 2,7 min nəfər olub.

Ölkə.Az

ŞƏRH YAZ
0

Sahibkarlar Brüsselə “İqtisadi inkişaf və bazar imkanları” Platformasının iclasına dəvət olunublar

Sahibkarlar Brüsselə “İqtisadi inkişaf və bazar imkanları” Platformasının iclasına dəvət olunublar
19:27
22.04.2018
185
İqtisadiyyat
A
Brüssel şəhərində Avropa İttifaqının Şərq Tərəfdaşlığı proqramının "İqtisadi inkişaf və bazar imkanları" Platformasının 18-ci iclası keçiriləcək.

"Ölkə.Az" xəbər verir ki, Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, ölkəmizdə fəaliyyət göstərən sahibkarlar aprelin 27-də Brüsseldə keçiriləcək Avropa İttifaqının Şərq Tərəfdaşlığı proqramının "İqtisadi inkişaf və bazar imkanları" Platformasının iclasına dəvət olunublar.

Platformanın iclaslarında Avropa İttifaqının və Şərq Tərəfdaşlığı ölkələrinin səlahiyyətli nümayəndələri ilə yanaşı, həmin ölkələrdə fəaliyyət göstərən biznes dairələrinin nümayəndələrinin iştirakı da nəzərdə tutulur.

Ölkə.Az

ŞƏRH YAZ
0
BAĞLA