Maliyyə Palatasından banklara tövsiyə

Maliyyə Palatasından banklara tövsiyə
13:00
16.03.2017
29
İqtisadiyyat
A
"2016-cı ildə Azərbaycanın bank sektorunda aktivlərin azalmasını müşahidə etdik. Ötən il bankların aktivləri 10% azaldı. Amma hazırda vəziyyət sabitləşib”.

"Ölkə.Az" APA-ya istinadən xəbər verir ki, bunu “Fitch” beynəlxalq reytinq agentliyinin bu gün Bakıda keçirilən VI illik konfransında Maliyyə Bazarlarına Nəzarət Palatası (MBNP) Strateji xidmətlər departamentinin Prudensal siyasət və metodologiya şöbəsinin müdiri Rüstəm Tahirov deyib.

Onun sözlərinə görə, ötən il fərdi əmanətlər üzrə azalma, biznes əmanətləri üzrə isə artım qeydə alınıb: 

“Fərdi əmanətlərin azalması bank sektoruna inamın azalması ilə bağlı deyil. Fərdi əmanətlərin azalması aşağı gəlirləri olan insanların ehtiyaclarının ödənilməsi ilə  bağlıdır. 

Başqa sözlə, ötən il əmanətlərin azalması bank sektoruna inamın aşağı düşməsi ilə bağlı olmayıb. Hazırda bu sahədə də sabitləşmə meyilləri müşahidə edilir”.

R.Tahirov bankların kapital mövqeyindən də danışıb: “Bankların kapital mövqeyi xarici şoklara daha həssas olaraq qalır. Hesab edirik ki, banklar kapitallaşma siyasətini davam etdirməlidir”.

ŞƏRH YAZ
0

Azərbaycanın ümumi daxili məhsulunun həcmi açıqlandı

Azərbaycanın ümumi daxili məhsulunun həcmi açıqlandı
19:17
15.12.2017
3277
İqtisadiyyat
A
2017-ci ilin yanvar-noyabr aylarında ölkədə 63071,3 milyon manat və ya əhalinin hər nəfərinə 6481,8 manat məbləğində ümumi daxili məhsul istehsal edilib.

"Ölkə.Az" Dövlət Statistika Komitəsinə istinadən xəbər verir ki, ÜDM istehsalının 40,1 faizi sənayenin, 10,1 faizi ticarət; nəqliyyat vasitələrinin təmiri sahələrinin, 8,8 faizi tikintinin, 6,8 faizi nəqliyyat və anbar təsərrüfatı, 5,5 faizi kənd təsərrüfatı, meşə təsərrüfatı və balıqçılıq, 2,4 faizi turistlərin yerləşdirilməsi və ictimai iaşə, 1,6 faizi informasiya və rabitə sahələrinin, 17,0 faizi digər sahələrin payına düşüb, məhsula və idxala xalis vergilər ÜDM-in 7,7 faizini təşkil edib. 

İqtisadiyyatın qeyri-neft bölməsində istehsal olunan əlavə dəyər əvvəlki ilin müvafiq dövrünə nisbətən 2,4 faiz artıb, neft bölməsində isə 5,1 faiz azalıb. 

ŞƏRH YAZ
0

“Azərbaycan Xəzər Dəniz Gəmiçiliyi”nə yeni — TƏYİNAT

“Azərbaycan Xəzər Dəniz Gəmiçiliyi”nə yeni
18:41
15.12.2017
1834
İqtisadiyyat
A
“Azərbaycan Xəzər Dəniz Gəmiçiliyi” Qapalı Səhmdar Cəmiyyəti (QSC) sədrinin birinci müavini vəzifəsinə təyinat olub.

"Ölkə.Az" xəbər verir ki, Prezident İlham Əliyevin sərəncamı ilə bu vəzifəyə Mübariz Cabbarov təyin edilib.

Qeyd edək ki, sədrin sabiq birinci müavini Zamiq İsmayılov öz ərizəsi ilə vəzifədən azad olunub.

Mübariz Mustafa oglu Cabbarov 1968-ci ildə Zaqatala rayonunun Yuxarı Tala kəndində anadan olub. Evlidir, iki övladı var.

ŞƏRH YAZ
0
BAĞLA